A'nogo isukwasik at Haman nen raja yagati logolik he, ”Neisena, afuni inunggulenu hunik mene ekhe o kweang yiba nen o propinsi ariba abirengge andoma sagarek werek. It inetokhogo inombawi nen wene melalek hilingiti lagaukwa mene omanogo hilingiri'lagwi mene andoma re afuni inunggulenu amu mene inom higitsek lek, irogo amurek. A'nogo hilingik logolik he, iren wene melalek kerajaan yiba werek mene omanogo higithogo hilingiri'lagwi lek. Enggere, neisena haren he it andi inendawimo nen anggaluk hilingiri'lagwi mene andoma hilingiti logouwageluk herak fisagun.
KISAH PARA RASUL 24:5 - Allah Wene Fano Wene Hupla Inane5 Ap yi nen he, afuni weagerinabik nugunem, obabut palho. It afuni ap Nasaret mene a'nogo ombo'ne lili'lagwi mene inoe kain logolik he, afuni Yahudi mene o yi awi ti awi welagaikharek mene mondogat inendawimo kagalik nikho. အခန်းကိုကြည့်ပါ။ |
KISAH PARA RASUL 24:5
32 ပူးပေါင်းရင်းမြစ်များ
Oba nen he an nebe kwe ambe palek enu Pintu Gerbang Benyamin ikhi lagaukwaba andem asi lagagimo nen he, ap tentara andoma kagalek welagaikhe mene inoe nen sen nobagaikhesik mel ikhe, ”Hat hebe re afuni Babel mene inebikhit asi lageluk wagalagen higi!” iluk yaganete. (Ap perwira andi enu re Yeria, ap Selemya amlogo, Hananya omba andi nen.)
Andiba re ap yabu legoma hilingitarek inap aremnogo nen raja were'ma lagaikhasik yagati logolik he, ”Eberogo nen he ap yi nen wene ili'lago mene andoma re ap tentara inom nen ap amu mene inom o kota yiba inaberali kwelabi'lago hilingi'mo re at ebe pinggi wasugun o. Aren afuni leberisili'lagore fuk, oba nen he alomat fisili'lago o,” iluk yagata.
A'nogo isikhemo, ap Amazia o Betel oba andoma imam welagaikhe agun a'nogo nen ap ekhe inayonggo fesikhesik wene afuni Israel mene inoe raja Yerobeam yagasi loageluk mel isikhe: ”Noe. Ap Amos nen he afuni Israel mene inom inane lambulhasik, neisena hat weaget habi wesuogeluk inane arat agama o. Nen, at aneba afuni inendawimo kagali'lago mene andomaba nen he o kweang nit welago mene yiba weaget lasigin o.
Mene re, it yenggerugwi andi ineisena guru andi inom higit hilinglagik, nen, it inamingmingengge mene andi ineisenalak inom higit hilinglagik umo re, higiraro. It afuni inoe o eisewerek mene andi weak iluk enu Beelzebul ugu halok, it at agoromi inom misi'mo mene andi, a'nogoat inenu weak hokhoat ikhi logogun o,” iluk yagaisasikhe.
Yagaisugunem it ap Farisi mene Yesus ane eberogoat iluk wanhukwa mene ekhe menlagaukwasik he, mel yagaisasukwa: ”Afuni endakwe mene Yesus ane wanha mene andi re, inagap inenggalimo mene palinafik, wene Allah nen Musa ayonggo fesikhesik komotninafikhe wene a'nogo fisogo welagik, ikhi logogun o,” iluk yagaisasukwa.
Fakfesukwasik he, ”Ap Israel mene a! Nit werekwe a'ni a! Ap yi nen afuni o yi awi ti awi yagaisilik nikhi logolik he, nit afuni Israel mene nen hilingitorek mene andi weak iluk, alek mene yagaisigik, wene Allah nen komotninafikhe wene a'nogo weak iluk, alek mene yagaisigik, o Allah awi wurik yi abok weak igik, ilik nikho mene a'nogo ebe yi ara! Yogondak ap Yunani mene woginarek Allah awi wuri'mo kwi wagasik, o Allah onggwarek awi wurik weaget fikhe a'nogo yi a!” iluk inane hokhorogo pak silakhogo wenagetukwa.
Mene re, wene eberogoat hilingiti lagi mene ebe yi fakhogo yagahesik. Iren he, Afuni Yesus ombo'ne lili'lagwi andi weak, iluk agarek. Meneat he, an enek he, iren, weak agarek mene andi ane hologo, Allah nit ninombalak awe a'ma kwisukwasik welagaukwa mene andiat fogerati lagi andi nek he, eberogoat hilingiti lagi aro. Fogerati logolik, wene Allah nen komotninafikhe wene andi inom, ap at ane yagaisikhi lagaukwa mene inane inom, mondogat lisu palogo fesukwa mene werek andi, eberogoat iluk fisogo welagi.
Yagaisasikhemo lagaukwasik ebe waluk wagaukwama re, it ap Yahudi mene o Yerusalem en wagaukwa mene omanogo Paulus ebe abel fena-fena haningisogo kwelakfesukwasik yi wene ti wene enggin mene hokhorogoat oba fesukwa. A'nogo meneat he, at weak ekhe hilingiti'lek andi nen he, ”Eberogoat weak yi'nogo hilingitunem nineilenggen hogo,” iluk yagasu lek hak agaikhe.
Nit Allah awe a'ma kuluk logolik hilingiti lago wene andi, it ap ekhe Farisi mene inawene fisogo logolik, hesanggeat hilingitu kwelek, an enek he mondok ninghogo fisogo logolik hilingiti lagagi andi, it ap yoma endamat en inelu mondok werego. Halok iren he, andi eberogoat hilingiti lagaikhe meneat ikhe, iluk yagahesugun he a? Lek he a. Irenat ugun o.
A'nogo hilinginafunem, elugun oba re, it ap Allah eisewerek mene inoe kain mene agoromi inebe mondogat inom, it andi re, afuni Saduki mene inane wanhi lagaukwa mene nen, irat Yesus nen inebe wenagaisogo lakfisasikhe mene omanogo a'nogo hilingitunem inoba wene palhi lagaukwa. A'nogo wene palhi lagaukwasik, inebe fakfisasukwasik he, o afuni inenggi hele warogo fisagarek oba kwelakfisasukwa.
ကြော်ငြာတွေ