KISAH PARA RASUL 23:9 - Allah Wene Fano Wene Hupla Inane

⁹ Inane a'nogo hokhoat sagalhi logolik he, it ap Farisi mene Allah ane lisu palek inelu mene omanogo fena menlagaukwasik inane puk weak, it Saduki mene omanogo wenagisikhi logolik he, mel yagaisasukwa: ”Nit ninendawimo nen he, ap yi wene oba le'maat anggikhi lago. At amunggwarengge nen yagatemo ili'logo he a? Athe, malaikat Allah nen yonggo pelakfisa wagarek mene omanogo ekhe nen yagatemo ili'logo he a. A'nogo eberogoat yagatunem ili'logo meneat logogin,” iluk,

KISAH PARA RASUL 23:9 ပူးပေါင်းရင်းမြစ်များ

AMSAL 16:7

Hiren Tuhan endawimo agaiyek mene hilingiti logogun halok he, hinom weim palek mene andoma re hinagaila'lak aga logogun.

YEREMIA 26:16

A'nogo yagaisasigimo re it ap pemerintah ba yabu legoma hilingitarek inap omanogo nen he imam inom nabi inom omanogo inoba yagaisikhi logolik, ”Ap yi re nit nineisena Tuhan Allah enuba ugunem he, ebe pinggi wasugun he elo'lego,” iluk isukwa.

MARKUS 2:16

A'nogo nunggu were'ma, it ap Farisi Allah ane lisu palek inelu mene ekhe nen ineilenggen kwelagisasukwa. It ekhe weak hilingiti lagaukwa mene inom, it ap uang pemerintah faget kino iluk wanhi lagaukwa mene inom, Yesus inom sumburu nunggunem ineilenggen kwelagisaluk, it ap Yesus agoromi ane wanhi lagaukwa mene omanogo mel yagaisasukwa: ”At Yesus ap uang pemerintah faget kino iluk wanharek mene inom, it ekhe weak hilingitarek mene inom, inom misi'mo sumburu nili'lagwi andoma nenahalok,” iluk yagaisasukwa.

LUKAS 23:22

at Pilatus enggi pireba yagaisasikhesigen hobuk ekhe inom yagaisikhi logolik he, ”At yi nena mene weak hilingitemo nen. Weak hilingitunem inoatarek andi hangge, an wene ero pilingiti mene, at andi weak ekhe hilingiti'lego. We, yei nek warogo fikhalogo herakfogoin o,” iluk a'nogo yagaisasikhe meneat he,

LUKAS 23:4

at Pilatus nen he, ap Allah eisewerek mene inogogwi kaindek inom, afuni hokhorogo andogorek welagaukwa mene omanogo inom, yagaisikhi logolik he: ”An nen, at yi anema wanhi mene, at weak ekhe hilingiti'lego,” iluk isikhemo,

LUKAS 5:30

A'nogo nunggu were'ma, it ap Farisi mene inom, it ap Allah ane lisu palek inelu mene inomenat Yesus agoromi ane wanhi lagaukwa mene omanogo mel yagaisasukwa: ”Hit he, ap uang pemerintah faget kino iluk wanharek mene inom, it ekhe afuni mondogaren inabok weak pali'lagwi mene inom, hinom sumburu misi'mo ninggi lagep andoma nenahalok?” iluk yagaisasukwa.

YOHANES 12:29

It afuni hokhorogoat andoma mendek welagaukwa mene nen, inesanggo holhukwasik, it ekhe nen he, ”Unggunggu ane ikhe,” igik, it ekhe nen he, ”Lego. It malaikat pogoroba yonggo nikharek mene ekhe nen ane fak hiikhe o,” igik, isukwa.

KISAH PARA RASUL 11:17

Ninendawinggen eberogoat ninoe Yesus Kristus oba himbiret fugunem, Areagun it inom, nit inom, ninom higithogoat wo'nisikherek andi. Halok he, Allah nenat a'nogo wo'nisugunem an nen he, it wogisugu lek, iluk wene paligin nogo? Elo'lego,” iluk yagaisasikhe.

KISAH PARA RASUL 22:6

”An o kota Damsyik horogat lagain ha'ma re, o linggene misik sambul ferekhogoat aremnogo pogoroba nen ombak-bak yararet hikhi logolik an noba seleget nabi pi wagaikhe.

KISAH PARA RASUL 22:7

Pi wagunem he, an nebe kweangma talorogo nelokhe sagaum weing lagagi. Weing lagagimo, at ekhe nen ane yaganeti logolik he, Saulus, Saulus. Anat yi enggin ti enggin hilingnabigeluk mu'narek nikhi lagen andi nenahalok, iluk yaganetikhe.

KISAH PARA RASUL 23:29

Waluk lagarik, ero herato mene re, at ebe wasugun hangge hilingiti'legat. Nen, enggi hele wasugun hangge, hilingiti'legat higi. We, wene iren oba faga andi re, it Yahudi mene hilingitarek mene fagerat oba fagama o.

KISAH PARA RASUL 25:25

Iren a'nogo ili'lagwi meneat he, an nen wene andi ero herati mene re, aren weak ekhe eberogoat hilingitunem, wene inoba fuluk inebe inoatarek mene ekhe hilingitunem higi lek. Meneat he, at onggwaregen he, wene yi ap Kaisar en ero heragaisogo elugun wasuak, iluk ikhemo, Kaisar oba lakfeigeluk igi andi o.

KISAH PARA RASUL 26:31

olulu wulifukwa. Wulifukwasik he, it-it ikhi logolik, ”Ap andi re enggi hele watik, ebe watik ugun andi re aren weak ekhe hilingiti'le'ma aro,” iluk isukwa.

KISAH PARA RASUL 9:4

Fei wagunem he, at Saulus a'nogo kweangma talorogo weing lagaikhe. Weing lagunem he, at ekhe ane koma nen heat yagati logolik he, ”Saulus. Saulus. Anat yi enggin ti enggin hilingnabigeluk mu'narek nihki lagen andi nenahalok,” iluk yagatikhe.

1 KORINTUS 10:22

Ninoe Enupogot a'mage lagauwageluk hilingiti lago andi nailo. At ninom walhamo re, nit ninomame werek nogo? Elo'lego.

1 SAMUEL 12:5

A'nogo yagatukwama, at Samuel en he, ”Hiren he, haren weak endebat ekhe hilingiti'lek, iluk egep andi, nineisena Tuhan inom, Aren hinoe raja wenagaisogo wokhisikhe mene inom, o yogondak yiba emberek ineilhanem egebo,” iluk yagaisasikhe. A'nogo yagaisasikhemo, iren he, ”Eberogoat egen. Nineisena Tuhan eilhanem ogo o,” iluk yagatukwa.

1 SAMUEL 24:17

At Daud en wene a'nogo arat yagatikhesik ane palfesikhemo, at Saul en Daud mel yagatikhe: ”Hat andi namlogo Daud hane a?” iluk yagatikhesik he, le agaikhe.