(Afuni Gibeon mene andoma re it Israel inap inom seberek mene re lek, athe ap Amori mene inap oba nen he irogo andogorogo inamu welagaukwa inap. Afuni Israel mene nen he it wene abok yagaisikhi logolik, Niren hit he hinoasugun lek we hineluk hinobagagun, iluk yagaisasukwaba nen he it Israel mene inom, Yehuda mene inom inobaget wenggelhi logolik he, it inebe mondogat inoatukwa.) A'nogo hilingfisasukwama nen he at Daud en wolinafikhesik he,
KISAH PARA RASUL 22:3 - Allah Wene Fano Wene Hupla Inane3 ”An he, ap Yahudi mene, nebe o propinsi Kilikia o kota Tarsus ta'lagagi meneat he, o Yerusalem yoma nen kulnafukwama nalue agagi. Nalue agagimo, ap kain Gamaliel nen wene Allah nen ninombalak komorinafikhe wene a'nogo furogo yaganeti lagaikhe. Yaganetunem, an nen hit yogondak Allah faget hinomamerogo hilingiti lagep andi hagat hilingiti lagi. အခန်းကိုကြည့်ပါ။ |
KISAH PARA RASUL 22:3
27 ပူးပေါင်းရင်းမြစ်များ
Inenggi ekheba re o yi awi ti awi andoma sumburu ouwak lagasikhemo re at Elisa ambotkwe sugulogo o Gilgal wagaikhe. Wagaikhesik aren it ap nabi omanogo andogerinafikhesik yanggulinabigilik he at amingmingengge a'nogoba re belanga hokho mene waluk ap omanogo inobaget nunggu mene isaginabuageluk yagatikhe.
A'nogo yagaisa lagaukwama re, it afuni nen he, ”Ninggi'nogo hilinglagama nen aga,” iluk, ineilenggen houwogeluk Yesus oba wagaukwa. Wagaukwama re, ap munggwarengge inobabut weak mene endawimo nen wulifikhe mene a'nogo afe hebelagaikhesik asu laberogo Yesus awe a'ma hurek were'ma ineilenggen hasukwasik, inailo agaukwa.
Wene andiba lisu palogo fikhi logolik, mel isukwa: ”Nit hinerugwi hinagaila'lak Yesus nen ninebe wenagaisogo ninayonggo fuluk lakninobagai wagaikhe mene inom, Allah againafuri kwelaginarek welagorek mene inom, ninomen he, hit o Antiokhia mene, Siria mene, Kilikia mene, hinebe endakwe meneat he, Allah againafuri mene ninerugwi ninagaila'lak, iluk hai wathinafo andi o.
Yagaisasikhemo, Allah hilingitikhe mene andi fogeratukwa. Fogeratukwasik, Paulus yagati logolik he, ”Paulus nagailak. Afuni Yahudi mene inebe 1.000 hangge nek fuk. Mondok hokhorogoat inendawinggen Yesus oba himbiret fagasik werego. Logolik he, wene Allah nen komotninafikhe wene a'nogo it mondogaren fisogo logouwogeluk inomamerogo hilingiri'lagwi andi hat helu anggigi.
Hobuk at Paulus nen, it ap wene ero pilingiti lagaukwa mene omanogo inebe fena re, Saduki mene inane wanhi lagaukwa mene, nen, fena re, Farisi mene inane wanhi lagaukwa mene, were'ma eilenggen enegat futfisasikhesik he, ane hokhorogoat mel yagaisasikhe: ”Ap yi sani. Nogogwi nagoromi. An nebe Farisi mene. Ap Farisi mene nenat tagongge mene welagi. Logolik, afuni wa'lagaikharek mene hobuk Allah nen eberogoat inelugerinabigin iluk futfikhi lagi andi nen wene noba fagama yi,” iluk yagaisasikhe.
Nit Allah awe a'ma kuluk logolik hilingiti lago wene andi, it ap ekhe Farisi mene inawene fisogo logolik, hesanggeat hilingitu kwelek, an enek he mondok ninghogo fisogo logolik hilingiti lagagi andi, it ap yoma endamat en inelu mondok werego. Halok iren he, andi eberogoat hilingiti lagaikhe meneat ikhe, iluk yagahesugun he a? Lek he a. Irenat ugun o.
Inoasuogeluk isukwa meneat he, ap ekhe it Farisi mene inawene fisogo logolik, it inom wene ero pilingiti lagaukwa mene enu Gamaliel. At andi wene Allah nen komotninafikhe wene a'nogo yagaisugunem, afuni mondogaren, ”At fano,” iluk inane agaukhogo yagati lagaukwa mene. At andi menlagaikhesik he, mel yagaisasikhe: ”Ap inenggi hele warek mene yi, elama faget enda'ma logouwagen wulakfisani,” iluk yagaisasikhe.
Hilinginafi lagaikhemo re, it ap Yahudi mene o Kirene mene inom, Aleksandria mene inom, inebe afuni ekhe inamingmingengge welagaukwasik hobuk inale'ma a'luk samban misi'mo ikhi lagaukwa mene inom, it afuni Yahudi mene ekhe o propinsi Kilikia mene inom, Asia mene inom, inomen at Stefanus ane ugunem menlagaukwasik he, anema lagik-lagokhogo wanhukwasik wenagetukwa.
Eberogoat nineisena Tuhan he againafuri endawi welagarego. Afuni Aren wenaginafe mene nek inebe lombok mondogat ferinarek welagarek. Nit at awe a'ma nineindep awi yagaisogo nen fogeratik, Aren, yi'nogo hilingiti logoino, ti'nogo hilingiti logoino, iluk yaganisasikhe wene andi hologo higithogo hilingitik, ikhi logouwogo.
ကြော်ငြာတွေ