KISAH PARA RASUL 22:1 - Allah Wene Fano Wene Hupla Inane1 ”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem, အခန်းကိုကြည့်ပါ။ |
KISAH PARA RASUL 22:1
21 ပူးပေါင်းရင်းမြစ်များ
Andi sambul he, hiren wene onggo yagaisogoin mene, an nen hinendawimo kagalogo yagahisamo re, it wene hinoba fogoin mene andi nen, hit hinane andi lego, iluk onggo ugun mene legasigin. Andi nen he, oan hilinghinafi'lek werek kwelek, hit hinendawimo nen, wene a'nogo mene noba fugu halok, nebe elele helageluk he, onggo ki mene yagaisagain, iluk hinendawinggen fiti'legat logoino.
Inane a'nogo sagalhu kwelek, it ap Yahudi mene nen he, ap Aleksander afuni hokhorogo ineilhanem menfei wagaukwama re, it afuni hokhorogoat omanogo nen he, ”Wene ero, at higi,” iluk inendawimo anggasukwa. A'nogo anggugunem at Aleksander nen he, ”An wene noba le'ma o,” iluk afuni omanogo yagaisageluk enggi siagun warisasikhe meneat he, it inendawimo nen he,
A'nogo menfesikhemo, at Paulus it ap Yahudi Allah faget wene ero pilingiti lagaukwa mene inebe andogetukwa omanogo, eilenggen lurogo inoba yerisikhi logolik he, ”Nogogwi nagoromi. An Allah eilhanem, attagaren huli yogondak huli hilingiti lagi andi re, weak hilingiti lagi, iluk nendawimo menenei ebeti lagi lek. We, wene nendawimo selek, fano hilingiti lagi, iluk anggikhi lagi,” iluk yagaisasikhesik he, ekhe igin ha'ma re,
Hobuk at Paulus nen, it ap wene ero pilingiti lagaukwa mene omanogo inebe fena re, Saduki mene inane wanhi lagaukwa mene, nen, fena re, Farisi mene inane wanhi lagaukwa mene, were'ma eilenggen enegat futfisasikhesik he, ane hokhorogoat mel yagaisasikhe: ”Ap yi sani. Nogogwi nagoromi. An nebe Farisi mene. Ap Farisi mene nenat tagongge mene welagi. Logolik, afuni wa'lagaikharek mene hobuk Allah nen eberogoat inelugerinabigin iluk futfikhi lagi andi nen wene noba fagama yi,” iluk yagaisasikhe.
Iren wene a'nogo isukwama re, at kain gubernur a'nogo nen wene Paulus nen ekhe uageluk enggi tum piling yagatikhe. Yagatikhemo, aren he, ”Noe. Afuni nit mene, yi wene ti wene inoba fugunem, attagaren yi tahun ti tahun haren inanema waganogo wene inoba figik, kotik, ikhi lagen andi an nelu o. Andi nen, wene an noba faga andi, le'maat, iluk, nebe elelerogo harat yagahesigin yi nen, nendawimo nagaiyek hikhi lagi.
A'nogo lek agaikhemo, at Paulus nen ebe elelerogo mel yagatikhe: ”Wene Allah nen nit afuni Yahudi mene komotninafikhe wene a'nogo ekhe sagalogo herakfisaluk weak hilingitik, o Allah awi wurik a'nogo weagetfigik, ninoe kain Kaisar o Roma mene a'nogo anewak sagalogo herakfisaluk ekhe weak hilingitik mondok igi'lego,” iluk yagatikhe.
A'nogo isukwama, ninenggi henagan welagagusigen he, at Paulus nen, it afuni Yahudi mene inogogwi kaindek andogosi wesuageluk inayonggo fesikhe. Inayonggo fesikhemo, inebe arat andogosi wagaukwama, aren he, mel yagaisasikhe: ”Nagaila'lak. An nen, afuni nit mene weak ekhe hilinginafi'lek. Nen, niren ninombalak hilingiti lagaukwa andi hak hilingitorek andi mene herakfisaluk weak hilingiti'legat. A'nogo meneat he, o Yerusalem andoma nen nebe faknobagasukwasik, nenggi hele warogo, afuni Roma mene inenggiba nobagasukwa.
Wene andi inendawinggen oba lisu palek hangge werek iluk, it inobabut hilingitarek meneba enegat werek. A'nogo were'ma andi nen he, hobuk o wurep oba Allah nen Yesus Kristus ayonggo fugunem, aren afuni inendawimo yi wene ti wene hinago welagarek mene andi mondogat fakhogo wene inoba figik, kotik, ugunem, it inonggwarek inendawimo menenei ebeti logolik, ”An eberogoat weak hilingitimo,” iluk wene inoba fakhigik, ”Lek, an fano hilingitimo,” iluk wene inoba korigik, ugun o, iluk wene fano weneba isikhemo, an nen yagahisasigi anggigi.
Hit hinendawimo nen he, ”At Paulus wene onggwarek oba nonggologo ili'logo,” iluk fagearen ikhi lagep meneat he, an a'nogo anggikhi lagi lego. Nerugwi nagaila'lak. Hinebe nendawi. At Allah eilhanem, an Kristus nemberek hundik logoligat ikhi lagi andi. Ekhe mene ekhe mene hilingiti lagi andi re, hit hinendawinggen wurik asuagelugat hilingiti lagi o.
At Allah endawimo amolo anggikherek oba hinendawimo weagat a'luk he, ”Nambigen weak hilingitimo,” iluk hinobabut hebelasimbik he, fano mene ninghogo hilingitik, wene hinoba lek higithogo hilingitik, hina'mage lagagik, hinailo agik, ”Paulus ninom ambi a'lo e,” iluk noba ebetik, hinendawimo aganhanhogo hilingitik, at weak hilingitikhe mene andi enggi onggoba wulakfisigik, egep andi hani! A'nogo hilingiti logolik hit weak ekhe hilingiti'lek wene hinoba mene korogo mondok lakfisegebo.
Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.
Hiren he, Kristus agaugwerati logolik, ”Ninoe Enupogot aro,” iluk hinendawinggen oba nen fogerati logoino. Fogeratunem, it ekhe nen heinok hinoba wokhisikhi logolik he, ”Fano asigin, iluk oba eberek welagep andi nenahalok,” iluk yagahisugunem he, onggo wene furogo yagaisogoin mene hinendawimo eberek mondok logolik,
ကြော်ငြာတွေ