KISAH PARA RASUL 20:4 - Allah Wene Fano Wene Hupla Inane

⁴ Lageluk ugunem, ap Sopater, Pirus amlogo, awi o Berea mene inom, Aristarkhus, Sekundus emberek inawi o Tesalonika mene inom, Gayus awi Derbe mene inom, Timotius inom, Tikhikus Trofimus emberek inawi o propinsi Asia mene inom, inom lagaukwa.

KISAH PARA RASUL 20:4 ပူးပေါင်းရင်းမြစ်များ

KISAH PARA RASUL 14:20

A'nogo wulakfesukwa meneat he, it afuni ekhe Yesus ane wanhukwasik welagaukwa mene wagaukwasik, era'lu walingisogo menlasi wagaukwama re, ebe menlagaikhesik o kota kwisikhe. Kwisikhesik nogo iluk, ohealekwe Barnabas emberek o Derbe pi lagaukwa.

KISAH PARA RASUL 14:6

Inabok palhukwama, it inelu agaukwasik he, heise pugulogo, o Likaonia tonggwe andoma o Listra inom, Derbe inom, o era'lukwe andoma ekhe inom, pisukwa.

KISAH PARA RASUL 16:1

Paulus lak o andoma nen o Derbe wagaukwasik he, hobuk o Listra wagaukwa. O Listra andoma ap ekhe enu Timotius, Yesus ane wanhikhe mene were'ma wagaukwa. Agaisa a'nogoat Yesus ane eberogoat iluk wanhikhe mene, ebe Yahudi mene. Meneat he, eisena nek he, Yunani mene.

KISAH PARA RASUL 16:6

A'nogo hilinglagu kwelek he, Allah Areagun en, ”Wene o propinsi Asia andoma yagaisogoin lek,” iluk inendawimo kagalhikhemo re, it o Frigia Galatia kwe andoma tulemkwe lagakhogo waga lagaukwasik,

KISAH PARA RASUL 17:1

At Paulus Silas emberek o andoma nen he, o Amfipolis nen Apolonia nen pikhit o kota Tesalonika wagaukwa. O Tesalonika andoma re, o afuni Yahudi mene samban ikhi lagaukwaba ekhe wurik welagaikhe.

KISAH PARA RASUL 17:13

A'nogo himbiret fesukwama re, afuni nen inabok ikhi logolik, ”Paulus nen he, Allah ane o Berea yagaisili'logo,” iluk ugunem he, it afuni Yahudi mene o Tesalonika welagaukwa mene omanogo inesanggo holhukwasik he, wagaukwa. Wagaukwasik he, afuni hokhorogoat omanogo weak hilingisuageluk inendawimo kagalhik, nonghonget fisigik isukwa.

KISAH PARA RASUL 19:29

A'nogo ikhi logolik, inane sagalhunem, afuni o kota Efesus andoma mene fungusegat andogosi waga logolik he, ap o propinsi Makedonia mene inebe pire, Paulus inom nikhi lagaukwa mene, inenu Gayus inom, Aristarkhus inom, inebe fakfisasukwasik kweang wagane'ma woginarek kwisukwa.

KISAH PARA RASUL 2:9

Nit ninebe re, ninaiba o Partia mene inom, Media mene inom, Elam mene inom, Mesopotamia mene inom, Yudea mene inom, Kapadokia mene inom, Pontus mene inom, Asia mene inom,

KISAH PARA RASUL 20:16

At Paulus nen endawimo anggikhi logolik he, ”An o propinsi Asia yoma yingitu kwelek, Pesta Pentakosta faget mondogat namo lagi hanogo iluk, o kota Efesus kwigi'lek pikhit o Yerusalem elok lambigen nogogin halok he, fano,” iluk endawimo anggasikkhesik, weak-weak lageluk isikhe.

KISAH PARA RASUL 20:18

Wene warogo lakfesikhemo inebe wagaukwama re, at Paulus nen, mel yagaisasikhe: ”An attak o propinsi Asia wagagi andi huli nen, ninom mondok logolik hilingiti lagi mene hinelu o.

KISAH PARA RASUL 21:29

Wene a'nogo isukwa andi re, at Paulus attagat ap Trofimus, o Efesus mene andi, emberegat o kota Yerusalem andoma nugunem ineilenggen isasukwa andi nen he, at ebe waluk Allah awi wuri'mo kwi wagasik healuk anggasukwasik isukwa andi.

KISAH PARA RASUL 27:2

A'nogo inebe at enggiba fesukwama, e so ebe o Adramitium en waluk wagaukwasik were'ma, afuni o propinsi Asia e so kwikherek kwe lombok pelakfisaluk wesuogeluk ugunem, ap Aristarkhus, aiba o propinsi Makedonia kota enu Tesalonika mene ninom, e so andi elema kwisugusik wagagu.

ROMA 16:21

At Timotius an nagailak nemberek Allah faget hilingiti lago mene a'nogo nen: ”Hai warinafi o,” iluk yaganetemo nen yagahisigi o. Ap nit mene Lukius inom, Yason inom, Sosipater inom, yoma nen: ”It hai warinafo,” iluk yaganetama nen yagahisigi aro.

ROMA 16:23

At Kayus nen an nebe wo'nafik, Allah againafuri mondogat at aiba andogoti logouwagen woginafik, ikhe mene andi nen hai wathinafe aro. At Erastus o kota yoma faget uang fisugunem fisogo welagarek mene andi nen hai wathinafe aro. Nen, ninagailak Kwartus nen hai wathinafe aro.”

2 KORINTUS 1:1

Nerugwi nagaila'lak. An Paulus Allah endawimo anggasikheba, Yesus Kristus nen nayonggo fesikhesik laknobagai wagaikhe mene a'nogo, ninagailak Timotius a'nogo nemberegen hit Allah againafuri o Korintus andogoti lagep mene inom, o propinsi Akhaya yi awi ti awi andoma welagep mene mondogat inom, wene yi lisu palogo hinoba lakfei wago andi.

2 KORINTUS 1:19

At Allah amlogo Yesus Kristus, an nebe nen yagahisigik, Silas nen yagahisigik, Timotius nen yagahisigik, isugu mene a'nogo obabut he, ”Io,” ilugen, ”Lego,” iluk ikherek lek. Allah nen, ”Io. Wokhisagain,” iluk abok yaganisa hak, Yesus ebe wo'nisasikhemo werek andi.

EFESUS 6:21

Wene an nebe yoma welagi mene inom, hilingiti lagi mene inom, hit hinelurogo, ninagailak Tikhikus nendawi a'nogo nen, Tuhan faget endawinggen hombunhogo hilingitu welagarek mene a'nogo nen mondogat yagahisa wesigin andi.

FILIPI 2:19

Hit eroma hilingiti lagep mene faget, hinabok an nelu asimbik nendawimo fano asuageluk, nendawinggen ninoe Enupogot Yesus oba himbirik were'ma, aren lebetniikherek andiba, at Timotius a'nogo weak-weak hinoba lakfei wesigeluk anggikhi lagi.

KOLOSE 4:10

Aristarkhus an nemberek ninenggi hele warek welago mene nen hai wathinafik, Barnabas agailak Markus a'nogo nen hai wathinafik, aga o. At Markus faget wene attak yagahisasigi hagat, at ebe hinoba waga halok, fanorogo wanino.

KOLOSE 4:7

At Tikhikus ninagot ninendawi mene, nit ninomat ninoe Enupogot amingmingengge logolik, at faget obabut hombunhogo hilingiterek mene nen wene an nabok hobuk yagahisa wesigin a'naga o.

1 TIMOTIUS 1:1

Timotius namlogo e. Hendawinggen Kristus oba himbiret fesigin andi nen, an namlogo eberogoat agaginmo re, wene yi an Paulus nen lisu palogo hoba lakfei wagi andi. At Allah nen telninaferek mene inom, Kristus Yesus nen fanotninabigin iluk ninendawimo anggikhi lago mene a'nogo inom, emberegenat nayonggo fuluk, at Kristus Yesus faget hilingiti logouwageluk laknobagai wagaukwama wagagi andi. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.

2 TIMOTIUS 4:12

Nen, at Tikhikus a'nogo, o Efesus loageluk lakfigimo o.

2 TIMOTIUS 4:20

At Erastus a'nogo o Korintus kamo ikhe andi. Nen, at Trofimus a'nogo oba ouat weregen, o Miletus fuluk wagi andi.

TITUS 3:12

An o weak werek kwelek, o Nikopolis andoma wesimbik logogin iluk, nendawimo anggigi andi nen, at Aretemas he a, Tikhikus he a, hoba lakfei wagi halok, hat hebe weak-weagat noba wesigeluk homamerogo walhikhi logoino.

FILEMON 1:24

Nen, an nagaila'lak Kristus faget hilingiti lago mene, Markus inom, Aristarkhus inom, Demas inom, Lukas inom, inebe mondogaren hai wathafa aro.

3 YOHANES 1:1

Gayus nagailage. An nen Allah againafuri kwelaginarek logouwageluk mennobagasikhe mene hinoe a'nogo nen nendawinggen oba nen hebe eberogoat nendawi welagi, iluk, wene yi lisu palogo hoba lakfei wagi o.