KISAH PARA RASUL 20:1 - Allah Wene Fano Wene Hupla Inane

¹ O kota Efesus inane hokhorogo sagalhi lagaukwa a'nogo lek agaikhemo, at Paulus nen he, it afuni Yesus ane wanhukwa mene omanogo wolisasikhesik he komorinafikhe. Komorogo hai warinapluk he, ebe o propinsi Makedonia wagaikhe.

KISAH PARA RASUL 20:1 ပူးပေါင်းရင်းမြစ်များ

KEJADIAN 48:10

At Yakub ebe arat yaman agaikhesik, eilenggen mondok mum agaikhe andi nen furogo isigi'legen a'nogo isikhe andi. A'nogo isikhemo, Yusuf en againafuri andi at Yakub oba horokhogo fisa wagaikhemo re, at Yakub en agoumo felikhogo woginafikhesik, hai ambe saluk warinafikhe.

KISAH PARA RASUL 11:26

Lagaikhesik, ebe emberek ambi agaukwasik he, waluk o Antiokhia lagaikhe. O andoma lagaikhesik, o mo lagagik pigik ugu kwelek, 1 tahun logolik he, Allah againafuri inom andoget fuluk, afuni hokhorogoat wene yagaisikhi lagaukwa. It afuni Yesus ane wanhunem inunggulenu Kristen agarek andi re, attak o Antiokhia andoma nen salhukwa.

KISAH PARA RASUL 16:12

Wulibi wagagusik o andoma nen he, o kota Filipi wagagu. O propinsi hokho Makedonia andoma ebe huli palek were'ma re, attak inenggi wenati lagaukwaba, o kota Filipi andoma it afuni o Roma mene nen ferinarek logolik wutukwasik welagaukwaba, wagagu andi. O andoma wagagusik he, ninenggi endebat welagagusik,

KISAH PARA RASUL 16:9

Wagaukwasik logolik, hubanggo Paulus abikanggo yi'nogo hasikhe. Ap o Makedonia mene ekhe mendek logolik he, ”Haren nit afuni Makedonia mene yoma lebe'nisa wulibime o,” iluk endawimo kagalogo yagatunem abikanggo hasikhe.

KISAH PARA RASUL 19:21

A'nogo hilingitukwama, at Paulus endawimo nen anggikhi logolik he, ”O propinsi Makedonia lagaikhesigen he, o propinsi Akhaya wesimbigen pikhit, o Yerusalem lagain,” iluk endawimo anggasikhesik he, ”Lambik hobuk nambotkwe wesimbik, o kota Roma neilenggen ha lagain aro,” iluk isikhe.

KISAH PARA RASUL 20:10

Warek were'ma, at Paulus ebe pi wagaikhesik he, warek a'nogoba lenggakhogo weing lagaikhesik enggi obakhe felikhogo fisogo logolik he, mel isikhe, ”Wa'laga iluk, hinendawimo weak agubo. Ebe eluk werek,” iluk yagaisasikhe.

KISAH PARA RASUL 20:2

O Makedonia andoma nikhi logolik he, wene hokhorogo yagaisikhi logolik, inendawinggen ago warinabik nikhi lagaikhesik, o afuni Yunani mene inaiba wagaikhe.

KISAH PARA RASUL 20:3

Wagaikhesik, tugi henagan andoma welagaikhe. Andoma welagaikhesigen, hobuk i agum ebene nen e soba o propinsi Siria lageluk fougetunem, afuni nen he, mel yagatukwa: ”It afuni Yahudi mene nen hoasuogeluk habok palhasik werego,” iluk yagatukwama esanggo holhikhesik, sugulogo re, o propinsi Makedonia kwe nen lageluk isikhe.

KISAH PARA RASUL 20:37

Samban isikhemo re, it mondogat le aga logolik he, Paulus ebe obakhe felikhogo fakfesukwasik, inambe saluk hai wati logolik, hai warogo lakfesukwa.

ROMA 15:19

At ebe futfouwageluk Allah Areagun omameba elalin mene nikhogo hilingitik, inailo asu mene hilingitik, hilingitu kwelek he, an he, o Yerusalem andoma nen lagakhogo pikhit o Ilirikum andoma, at Kristus awene fano wene andi furogo yagaisaluk wagi.

ROMA 16:16

Nen, ekhe re, hinebe Allah againafuri welagep andi, hai hinambe saluk wat-wat ilik lano. Allah againafuri Kristus agoromi o yi awi ti awi andogori'lagwi mene nen: ”Hai warinafo,” iluk yaganetama nen yagahisigi aro.

1 KORINTUS 16:20

Nen, ninerugwi ninagaila'lak o yoma mene mondogaren hai wathinafa aro. ”Nit mondogat ninebe Allah againafuri,” iluk he, hit-hit hai hinambe saluk wat-wat ilik lano.

1 KORINTUS 16:5

An o Makedonia lagain iluk nendawimo anggigiri'mo re, andoma lambik yi awi ti awi fa'lagik arat lagi halok he, hit hinoba wesigin o.

2 KORINTUS 13:12

Hit-hit he, Allah faget hai hinambe saluk wat-wat ilik lano. Allah againafuri yoma mene mondogaren he, hai wathinafa aro.

2 KORINTUS 7:5

Nit o Makedonia yoma wagagusik were'ma ogo re, nit set waligi'le'maat, weagetninabuogeluk yi enggin ti enggin hilingninafukwaat andi. Afuni ekhe nen ninoasuogeluk ugunem, nit ninendawinggen ninailo agu kwelek welago.

1 TESALONIKA 5:26

Hiren he: ”Paulus lagen hai a'nogo wathinafao,” iluk, Allah againafuri logolik inobabut hilingitarek hagat, hinerugwi hinagaila'lak Allah againafuri mene ekhe mondogat hai fanorogo warinabik lano o.

1 TIMOTIUS 1:3

An o Efesus nen o Makedonia yoma wesigeluk he, hat hendawimo kagalogo wene mel iluk yagahetigi anggigi: ”Hat hebe o yoma logoino. Logolik he, it ekhe nen wene ebe mene lek. We, hunogo mene yagaisili'lagwi mene andi igi'lek inane palfouwageluk komorinafi logoino.