KISAH PARA RASUL 2:3 - Allah Wene Fano Wene Hupla Inane

³ Inesanggo holhukwasik ineilenggen yethasukwa re, endu amulok mene ameli hangge fena melanget ha lagik, fena melanget ha lagik, ikherek andi hak, inebe lombok inoba labok ugunem ineilenggen hasukwa.

KISAH PARA RASUL 2:3 ပူးပေါင်းရင်းမြစ်များ

KEJADIAN 11:6

A'nogo at Allah pi wesigeluk, mel isikhe: ”It andi inunggulenu misigat, nen inane misigat logolik, Yi'nogo hilingisuok iluk, wene attak lenggalha re andiat higi. Hobuk iren, Nit yi'nogo hilingisugun ninamolo, iluk anggugunem higirenek hilingiti logogun higi.

MAZMUR 55:9

O andoma re, sogoi inom sielu inom funha wagunem an nebe hinago logolik logoiyogen iluk obalik ekhe weak-weak herak hele o.

YESAYA 6:5

A'nogo hilingigen he an nen ikhi logolik, ”Egi, an nambeba re weak mene nek ikhi lagi, nen nebe ogore afuni ineranen wene nek agarek mene omanogo inanggele'ma welagi hilingi'mo re, weaget nabiginat higi! iluk ebetirigen, ariginik welagiba nen At Tuhan Omame Mondok Hokho logolik, ebe Raja werek a'nogo an neilenggen nen tukhumhogo arat higi omare agwi,” iluk igi.

YEREMIA 23:29

An nane andi re endu higit werek, nen helep martelu ba fouthugunem serelhigik lagarek andi hak werek.

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

MATIUS 3:15

Yagatikhemo re, at Yesus nen he, ”An pelaknabigin aro. At Allah nenat yi mene ti mene faget a'nogo hilingisuageluk anggikherek higithogoat hilingnabigin o,” iluk isikhemo re, ”I o,” iluk

LUKAS 24:32

A'nogo longgosikhemo it-it mel isukwa: ”Eige! Ebekwe waga logolik he, wene Allah ane lisu palek mene pilingisogo yaganisugu kwelek he, ninendawinggen agaiyek agasik ninendawimo kagauk ikhe a'nogo lek nogo?” iluk isukwa.

KISAH PARA RASUL 1:15

Andi sambul, Allah againafuri ekhe inom inebe 120 hangge andogorek logolik, at Petrus inanggele'ma menlagaikhesik he, wene mel yagaisasikhe:

KISAH PARA RASUL 2:11

Nit fena ebe Yahudi mene, nen it fena alek mene Yahudi mene ninoba kwi wagaukwasik Allah ane wanhukwasik ninom welagoat. Nen, afuni o Kreta mene inom, Arab mene ninom were'ma, it yi nen Allah omameba elalinat hilingitarek mene yaganisugunem, ninonggwarek ninaneba lombok ninesanggo holhi lago yi,” iluk,

KISAH PARA RASUL 2:2

aremnogoat, sogoi uarek funha waga logolik ane ikherek andi hak, Allah nen pogoroba nen pelakfei wagaikhemo re, it afuni oloba hurek welagaukwa mene omanogo mondogat ane inesanggo holhukwa.

KISAH PARA RASUL 2:4

Ineilenggen a'nogo hugu kwelek, Allah Areagun it inebe mondogat inendawimo peterogo kwisikhe. Kwisikhesik he, Allah Areagun nen, ”At andi ane yi'nogo ikhi logouwak,” iluk anggasikhe higithogoat, it afuni ekhe inaneba uageluk yagaisugu kwelek elalinat ikhi lagaukwa andi.

1 KORINTUS 12:10

Nen, at ekhe yi mene ti mene elalinat hilingiti logouwageluk wogetik, at ekhe nen Allah ane yagaisikhi logouwageluk wogetik, at ekhe nen ikhi logolik he: ”At andi Allah Areagun endawimo logolik hilingiri'logo, igik, weak mene areagun endawimo logolik hilingiri'logo, igik,” enegat obabut palhi logouwageluk wogetik, at ekhe nen inane onggot mene elalinat ikhi logouwageluk wogetik, at ekhe inane inonggot mene ugunem, at esanggo holiluk he, ”Ebe yi'nogo mene faget ikhe,” iluk it inaneba higithogo yagaisikhi logouwageluk wogetik, inebe lombok wogisikherek andi.

YAKOBUS 3:6

Ninamelinggen andi re, ebe endu hangge aro. Nit afuni kweangma yoma yi weak ti weak hilingitorek andi hak, ninenggi nineisok yi werek kwelegat he, ninamelinggen yi nenat ninebe abirengge weaget ninaferek andi. A'nogo weaget ninaferek andi re, endu andi ero re, endu ai'mo logogun mene andi meneatma, ninamelinggen oba nonggala'luk, ninebe mondok abirenggeat endu nunggu welagarek andi.

WAHYU 14:6

A'nogo higiri'mo nen, ombo'ne re, at malaikat ekhe wene fano wene mondok logogin mene afuni kweangma mene inunggulenu lombok, inane lombok, inagap lombok, inaiba lombok, yagaisilik pogot ebene tarogo nugunem yethigi