KISAH PARA RASUL 2:23 - Allah Wene Fano Wene Hupla Inane

²³ Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 2:23 ပူးပေါင်းရင်းမြစ်များ

KEJADIAN 50:20

Hit hinebe mondogaren an weaget nabuogeluk mondok isigipsik weaget nafigip meneat he, at Allah nen afuni yogondak werek mene hokhorogat telinabigiluk, hiren an weak hilingnafigip mene andiba fano mene hilinglasuageluk hilingitemo o.

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

YESAYA 37:26

Andoma asigin iluk An nen o attagaren wenggelogo fesigi mene andi re hat he hesanggo holhi lagen lega? A'nogo fesigi mene a'nogo yogondak hilingisigiluk welagi. Haren o kota leget pak omamerogo waganek mene andoma wolelenggenhogo fugunem meisalek agum houwak lagakhi logouwageluk he An nenat halonget hobagakhi lagi a'nogo re honggot nogo?

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

MATIUS 20:19

Wene noba fembik he, it ap endakwe mene nen inane asegen yaganetik, yei lambisogengge noatik, imbik he, nebe eba mennobagambik noasuageluk wogisogoin o. Nen, arat noatunem, nenggi pire warek logombik he, henaganek he neisena Allah nen neluget nabigin o,” iluk, yagaisasikhe.

MATIUS 26:24

An abat ta'lasi wagagi a'nogo, hilingisigin mene lisu palek werek higithogoat hilingisigin meneat he, at ap nebe noasuageluk yonggo lagain mene andi nek he, Eigo. Mondok weagat asigin o. At ap andi ta'la'lep le'ma re, fanoat logoilep mene,” iluk yagaisasikhemo,

MATIUS 27:35

A'nogo hilingitukwasik he, at ebe eba menfuluk asu nonggolek omanogo, ”Sani asugun,” iluk, oagengge lakfigik, wakfigik, isukwasik he, oagengge inoba agaikhe mene halok sumburogo helasukwa.

MARKUS 15:24

Yesus ebe arat eba menfesukwasik he, asu nonggolek omanogo inebe lombok, sa hak asigin iluk, oagengge lakfigik, wakfigik, isukwasik, oagengge inoba agaikhe mene halok sumburogo helasukwa.

LUKAS 22:22

Yonggo lamo an abat ta'lasi wagagi a'nogo at Allah nen he, at wasuak, iluk anggasikhe higithogoat noasugun meneat he, ap an noasuageluk yonggo lagain mene andi nek he, nendawi e. Alomat lakhagain o,” iluk yagaisasikhemo re,

LUKAS 22:37

An hilingnabugun mene faget lisu palogo fikhi logolik he, At andi afuni inobabut weak hilingitarek mene inom higithogo hilingnafa o, iluk isukwa a'nogo, an noba higit asigin meneat yogondak higit arik weri'lago andi nen yagahisigi o,” iluk yagaisasikhemo,

LUKAS 23:33

Woginarek he, tom enu Inungguloak palek punuba lagaukwasik, at Yesus eba menfikhi logolik he, ap inebe pire inobabut mondok weak hilingiti lagaukwa mene ekhe enggi ebekwe, nen ekhe enggi harekwe eba menfisaluk inoatukwaat.

LUKAS 24:20

it ap Allah eisewerek mene inogogwi kaindek inom, nit ninogogwi kaindek inom, inomen wene oba fesukwasik eba menfuluk wasuagelugat inenggiba fagama wata o.

YOHANES 19:18

Wagaukwasik he, andoma Yesus ebe eba tulem menfesukwasik he, it ap ekhe hunogoat mene inom esanggo fena-fena menfisasukwa.

YOHANES 19:24

it-it ekhe nen ekhe yagaisikhi logolik he, ”Su yi tilibesugun lego. We sa hak helagain iluk oagengge walhouwogo,” iluk isukwa. A'nogo isukwa andi re, Allah ane lisu palogo fesukwama mene yi'nogo werek: ”An nasu nonggolek sumburagasik he, nasu endakwe mene heluogeluk oagengge lakfaga o,” iluk isukwa mene lisu palogo fesukwa mene werek higithogoat, it ap tentara mene nen a'nogoat hilingitukwama ebe agaikhe andi.

KISAH PARA RASUL 13:27

Wene lakfei waga mene andi, it afuni o Yerusalem mene inogogwi kaindek inom enat he, Yesus ebe futfesukwa lek. Futfigi'lek logolik, attagaren it ap Allah ane yagaisikhi lagaukwa mene omanogo nen wene lisu palogo fesukwa mene were'ma, samban hundik-handik ikhi logolik enu salhunem inesanggo holharek meneat he, wene ebe futfikhi lagaukwa lek. A'nogo futfigi'lek logolik, Yesus wene oba fuluk ebe watukwa andiba, wene attagat isukwa mene andi oba tibisikhe andi.

KISAH PARA RASUL 15:18

a'nogo ninelu asuageluk fageat yaganisasikhemo, lisu palogo fesukwa andi.

KISAH PARA RASUL 2:36

At Yesus ebe re, hiren eba menfuluk watepma, at Allah nen he, Hinoe Enupogot Kristus ebe yiat, iluk menfikhe andi. Halok he, hit afuni Israel mene mondogaren he, Wene andi eberogoat, iluk hinelurogo logoino,” iluk yagaisasikhe.

KISAH PARA RASUL 3:18

Fageat Allah nen he, An nen telhinabigin mene Kristus hinoba lakfei wesigin andi, ebe yi enggin ti enggin oba fembik wasugun aro, iluk wene watnisasikhe mene andi, ebe it ap at ane yagaisikhi lagaukwa mene omanogo inebe mondogaren ikhi lagaukwa andi hagat hilinglasuageluk hilinglaga andi.

KISAH PARA RASUL 4:28

Mene re, wene andi hat henggi omame werek mene nen, hendawimo nen he, A'nogo hilingisuak, iluk anggasigin obaat, a'nogo hilingita andi.

KISAH PARA RASUL 5:28

”Hiren ap andi enu hombuk palogo nen wene yagaisagubo, iluk niren fanorogo komothinafo a'nogo meneat he, hiren wene andi wialogo yagaisikhi lagepma re, afuni o Yerusalem mene yoma mondogat inelu aga andi re, ap wata mene andi re, wene nit ninoba fouwogeluk ikhi lagep higi,” iluk yagaisasukwa.

KISAH PARA RASUL 5:30

Hiren Yesus ebe fakfegepsik eba menfuluk watep a'nogo, at Allah ninombalagen awe a'ma kuluk fogerati lagaukwa mene a'nogo nenat ambotkwe eluget fikhemo werego.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

ROMA 2:12

It afuni endakwe mene wene Allah nen komotninafikhe wene a'nogo inonggot logolik weak hilingitare'ma andi nen he, wene andi inonggot logoligat nong asugun o. Meneat he, it afuni Yahudi mene wene andi inelu logolik weak hilingitare'ma andi nen he, wene andiba inanema waganogo wene inoba fagain o.

ROMA 4:17

Wene andi faget Allah nen Abraham mel yagatikhe: ”Yi afuni ti afuni inunggulenu hokhorogoat ineisena re, hat menhobagagi o,” iluk yagatikhemo lisu palogo fesukwa. A'nogo yagatikhemo re, at Abraham endawimo nen he, ”At Allah re, afuni warek mene inelugerinafik, nen, yi mene ti mene lek mene aneba weregetfigik, ikherek mene nen abok yaganete andi eberogoat yaganete o,” iluk endawinggen oba himbiret fesikhe andi.

1 TESALONIKA 2:15

It ap Yahuri mene nenat, it ap fageat Allah ane yagaisikhi lagaukwa mene inebe inoatik, ninoe Enupogot Yesus ebe watik isukwa hagat, nit yi enggin ti enggin hilingninabi'lagwi andi, Allah nen fano iluk anggikherek lek. It andi afuni inom weak enek logolik,

1 PETRUS 1:20

Kristus, Allah nen kweang pogot oan elalhi'lek logolik, endawimo nen anggaluk ayonggo fesikhesik welagaikhesigen, ebe yogondak o wurep oba hit faget weinamhogo lakfei wagaikhemo hinebe telhinafikhe andi.

1 PETRUS 2:8

Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.