KISAH PARA RASUL 2:22 - Allah Wene Fano Wene Hupla Inane

²² Mene re, hit Israel mene nerugwi nagaila'lak. An nane igin yi holini. Yesus aiba Nasaret mene a'nogo Allah nen ayonggo fesikhemo, ninom logolik, wene futfouwageluk hilingisu lek mene Allah nen enggi omamerogo elalinat hilingiti lagaikhe andi re, ebe Yesus nenat hilingiti lagaikhe. Halok he, Yesus Allah nen lakfei wagaikhemo, iluk enegat agaikhe andi hinelu.

KISAH PARA RASUL 2:22 ပူးပေါင်းရင်းမြစ်များ

YESAYA 41:14

Tuhan nen ikhi logolik, ”Israel ao, hat he hebe yenggerek logolik, homame lek welagen oba nen he, hailosu fugo. An heisena Tuhan nen hat lebethiikhi logogin o, Allah Israel mene ineisena Mondok Horek mene andi re, hat hagap telhafu mene werego.

MATIUS 12:28

Meneat he, an nen Neisena Areagun omameba munggwarengge inobabut weak mene andi afuni inendawimo kuluk were'ma henegeisogo wulakfisikhi lagi halok he, Allah nen awe a'ma inobagagin a'nogo arat hinoba asi waga o.

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

MATIUS 9:8

A'nogo hilingitikhemo re, it afuni omanogo ineilenggen hasukwasik inailo agaukwasik he, ”Allah nenat afuni mene nen yi'nogo hilingiti logouwageluk menfesikhemo andi nailo e,” iluk, Allah fogeratukwa.

LUKAS 11:20

Meneat he, an nen Allah omame andiba munggwarengge obabut weak mene andi henegeisogo wulakfisikhi lagi halok he, Allah awe a'ma inobagagin mene andi arat hinoba horogasi waga o.

LUKAS 18:37

Heinok wanhikhemo, iren he, mel yagatukwa: ”Yesus awi Nasaret mene a'nogo kwe yikwe wagu nen ili'lagwi o,” iluk yagatukwama,

LUKAS 24:18

Menlagaukwasik he, it aremnogo, at ekhe enu Kleopas nen he, mel yagatikhe: ”Wene age yiat hilinglaga andi, it ap pok o Yerusalem we'luk elama faget werek mene fena mondogat inelu meneat he, hat yi nek he, honggot welagenma higi,” iluk yagatikhemo,

YOHANES 1:45

Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,

YOHANES 10:37

An Neisena nen he, yi'nogo hilingiti logoin o, iluk nayonggo fuluk laknobagai wagaikhe mene, ebe hilingiti'lek logoilema re, hiren nebe futnobagaluk hinendawinggen noba himbiret fogoin elo'lego.

YOHANES 11:47

A'nogo yagaisa lagaukwama re, it ap Allah eisewerek inogogwi kaindek inom, Farisi mene inomen he, it ap wene ero pilingiterek mene wolisasukwama wagaukwama re, mel yagaisasukwa: ”At ap andi ebe futfouwageluk elalin mene hokhorogo hilingiri'logo andi re, niren ninggi'nogo hilingisuok anggegep?

YOHANES 12:17

Nen, at Lazarus warek salhukwasi'mo nen he, at Yesus nen wolhasikhemo ebe eluk agaikhesik wulibi wagunem, it afuni ineilenggen hasukwa mene omanogo nen, it fena yagaisikhi logolik,

YOHANES 15:24

It afuni fenakwe nen hilingitarek mondok lek mene, yi wene ti wene ineilhanem hilingiti lagagi a'nogo hilingiti logoile le'ma re, it weak, iluk ile lego. A'nogo meneat he, an nen wene andi mondogat hilingitunem ineilenggen neasukwasigen, an neisena nemberek inabiret ninobagali'lagwi o.

YOHANES 19:19

A'nogo menfisasukwama re, at Pilatus nen he, lisu mel iluk palhikhe: ”Yesus awi o Nasaret mene afuni Yahudi mene inoe Enupogot,” iluk lisu palogo wogisasikhemo re, e Yesus menfesukwa mene a'nogo wurep oba to'morogo fesukwa.

YOHANES 3:2

At ap andi o hubanggo inenggi ekhe sambul Yesus oba wagaikhesik he, mel yagatikhe: ”Guru noe. Ap ekhe Allah emberek hundik lek halok he, haren elalin mene hilingirik nikhi lagen andi hak, hilingisu mondok elo'lego. Andi nen he, haren wene yaganisoageluk Allah nen lakhobagai wagama wagen, iluk ninelu ago,” iluk yagatikhe.

YOHANES 4:48

at Yesus nen he, ap kain a'nogo mel yagatikhe: ”Hit afuni yoma hinobabut he, an nen hit hinelu asuageluk elalin mene ekhe hilingitunem hineilenggen neambik enek he, hinendawinggen noba himbiret fogoin anggikhi lagi. Elalin mene hilingiti'lek halok hinendawinggen noba himbiret fogoin lek hisikhi lagi o,” iluk yagatikhemo.

YOHANES 5:36

an nebe futnobagauwageluk, aren nabok pilingisogo yagahisikhi lagaikhe meneat he, elo'lek hak. Athe, an neisena nen, neabu ando ekhe figi'lek felelenghogo hilingi'no, iluk, nayonggo fesikhemo hilingiti lagi andiba nek he, afuni nen, At ebe eisena nen lakfei wagaikhemo iluk nabok ugunem inesanggo holfuluk nebe futnobagau hagat futnobagagun o.

YOHANES 6:14

A'nogo kwalogo fesukwama, at Yesus nen ebe futfouwageluk elalinat hilingitikhe mene andi it afuni ineilenggen hasukwama andi nen he, mel isukwa: ”Ap ekhe nen Allah ane kweangma yaganisa wesigin isukwa a'nogo eberogoat he, ebe yi aro,” iluk isukwa.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

YOHANES 7:31

It ekhe nen fakfouwogeluk ikhi lagaukwa meneat he, it afuni hokhorogo omanogo inebe fena hokhorogoat inendawinggen Yesus oba eberogoat himbiret fesukwasik mel isukwa: ”Ap ari elalin mene hilingite andi re, elo'lek anggegep? Nen, afuni telninabuageluk Allah nen lakfei wesigin isikhe a'nogo wesimbik he, ebe futfouwageluk elalin mene hokhorogoat hilingisigin nogo? Lego,” iluk isukwa.

YOHANES 9:33

Ap andi Allah nen lakfei wagi'lek logoilepma re, aren yi hilingitik, ti hilingitik, hilingiterek a'nogo hilingiti logoilep lego,” iluk yagaisikhi lagaikhemo,

KISAH PARA RASUL 13:16

at Paulus ebe menlagaikhesik he, wene yagaisageluk enggi map isikhe. Enggi map isikhesik he, ”Hit afuni Israel mene inom, endakwe mene Allah ane hologo hilingiti lagep mene inom, nerugwi nagaila'lak. Wene igin andi hinesanggo holini o.

KISAH PARA RASUL 14:27

O Antiokhia lagaukwasik, Allah againafuri andogerinafukwasik he, mel yagaisasukwa: ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisikhi logolik mel yagaisasukwa: ”It afuni endakwe mene wene andi eberogoat iluk wanuageluk, Allah nen kwe huthikhemo elok wanugun werego,” iluk yagaisasukwa.

KISAH PARA RASUL 2:19

Nen, afuni nen fogerati logouwageluk, elalin mene pogot po yiba nen hilingitik, wene futfouwageluk kweangma yoma hilingitik, ikhi logolik, yi mene ti mene oba, mep inom, endu inom, age endu hule hangge inom, hilingisigin.

KISAH PARA RASUL 2:43

Afuni nen wene futfouwageluk, it ap Yesus nen inebe wenagaisogo inayonggo fuluk lakfisasikhe mene omanogo nen hilingisu lek mene elalinat hokhorogo hilingitunem he, afuni inebe lombok inailo aga lagaikhe.

KISAH PARA RASUL 21:28

Fakfesukwasik he, ”Ap Israel mene a! Nit werekwe a'ni a! Ap yi nen afuni o yi awi ti awi yagaisilik nikhi logolik he, nit afuni Israel mene nen hilingitorek mene andi weak iluk, alek mene yagaisigik, wene Allah nen komotninafikhe wene a'nogo weak iluk, alek mene yagaisigik, o Allah awi wurik yi abok weak igik, ilik nikho mene a'nogo ebe yi ara! Yogondak ap Yunani mene woginarek Allah awi wuri'mo kwi wagasik, o Allah onggwarek awi wurik weaget fikhe a'nogo yi a!” iluk inane hokhorogo pak silakhogo wenagetukwa.

KISAH PARA RASUL 22:8

A'nogo yaganetikhemo, an nen he, Eige. Noe. Hat sa, iluk yagatigimo, aren he, An Yesus, nawi Nasaret mene, yi enggin ti enggin hilingnabigeluk mu'narek nikhi lagen mene a'nogo aro, iluk yaganetikhe.

KISAH PARA RASUL 24:5

Ap yi nen he, afuni weagerinabik nugunem, obabut palho. It afuni ap Nasaret mene a'nogo ombo'ne lili'lagwi mene inoe kain logolik he, afuni Yahudi mene o yi awi ti awi welagaikharek mene mondogat inendawimo kagalik nikho.

KISAH PARA RASUL 26:26

”Agripa noe. Wene yi mondogat hat helu andi nen, an hat heilhanem nailo lekhogo ikhi lagi. Wene andi, o hinagoma hilinglagi'lek. We, weinama hilinglagaikhe andi nen, wene andi ekhe hat honggot welagen, iluk nendawimo anggikhi lagi lego.

KISAH PARA RASUL 26:9

”An attak he, Yesus aiba Nasaret mene enu andi lek asuageluk yi mene hilingitik ti mene hilingitik, hilingiti logogin aro, iluk nendawimo anggasigi.

KISAH PARA RASUL 3:12

Andogotukwama re, at Petrus eilenggen isasikhesik he, mel yagaisasikhe: ”Hit afuni Israel mene yi sani. Ap yi kwe nikho yi, nit ninonggwarek ninomameba hilingitik, ninobabut fano Allah ane hologo hilingiti lagoba, hilingitik, ogoma hangge, hit fogeratik, hineilenggen lurogo nisigik, ikhi lagep oma nenahalok?

KISAH PARA RASUL 3:6

Eilenggen inoba were'ma re, at Petrus nen mel yagatikhe: ”Uang emas inom, perak inom, an nenggimo mondok lego. We, an werek mene ekhe wokhesigin. Andi re, hebe menla'luk kwe nikhi logoinogeluk, Yesus Kristus aiba Nasaret mene enu hombuk palogo yagaheti o,” iluk yagatikhe.

KISAH PARA RASUL 4:10

Halok he, wene andi faget, hit mondogat inom, afuni inunggulenu Israel mene ekhe mondogat inom, hinelu asuageluk wene ero furogo yagahisak. At Yesus Kristus aiba Nasaret mene hiren eba menfuluk watepma Allah nen eluget fikhe mene a'nogo enuba ap yi fano agasik hineilhanem mendek fano werek yi.

KISAH PARA RASUL 5:35

A'nogo yagaisasikhemo, wulakfisasukwama nen, aren wene mel yagaisasikhe: ”Hit ap Israel mene nagaila'lak. Ap omanogo ninggi'nogo hilinginabugun anggegep. Hinendawimo fanorogo ebet fulugen hilingisugun o.

KISAH PARA RASUL 6:14

Nen, aren ili'logo mene ekhe re, Yesus aiba Nasaret mene a'nogo nen, Allah awi wurik yi meisalogo fesukwasik he, wene at Musa nen ninombalak yagaisasikhemo, nit hilingiti lago mene a'nogo, hobuk hunogoat hilingisin o, iluk ugunem ninesanggo holho o,” iluk isukwa.

2 KORINTUS 12:12

Hiren, ”Paulus he, Kristus nen ayonggo fuluk lakfei wagaikhemo,” iluk enegat futnobagauwageluk, an ninom logolik yi mene ti mene faget nafe morogo hilingitu were'ma, afuni nen futfouwageluk, Allah nen omamerogo yi mene ti mene elalinat hilingiti lagaikhe.

IBRANI 2:4

Wene andi yagaisilik nugunem he, it afuni ekhe nen, ”Wene andi eberogoat,” iluk futfouwageluk, Allah nen inane legeisogo yi mene ti mene hilingisu lek mene elalinat omamerogo hilingitik, at endawinggen amolo meneat higithogo inobabut lombok Areagun sumburogo wogisigik, isikhe mene andi, niren ninabit iluk herakfisogoin halok he, herakhinobagagin anggegeba? Weagetninabigin aro.