KISAH PARA RASUL 2:20 - Allah Wene Fano Wene Hupla Inane

²⁰ An Tuhan Allah hokhorogo hilingitunem afuni nen foge'nafu kwelek wesigin andi sambul oan wagi'lek werek kwelek he, o mo elokhonggen hunogoat mum agik, tugi elokhonggen mep agik, andi tak hilinglasigin o.

KISAH PARA RASUL 2:20 ပူးပေါင်းရင်းမြစ်များ

YESAYA 13:10

Hesagalenggen mondogat he selegerati'lek logogin, mo wulibi wagarek oba aremnogo mondogat mum asigin, tugi yati'lek logogin.

YESAYA 13:15

Ap sa nen it inebe ekhe fakfisaluk halok he mondogat talogo pinggi inoati logogun.

YESAYA 13:9

O Tuhan awi wei igin sambul andi re Tuhan anini a'nogo inoba kweisalogo foumo re, kweangma yi mene ti mene mondogat leget fisambik, afuni inebe lombok weak hilingitu onggo ineiloak leget fisagainat.

YESAYA 24:23

Tuhan Omame Mondok Hokho mene a'nogo ebe Raja menlasimbik melalinafi logolik werek kwelek enek he tugi elokhe mum agik, mo yati'lek kamo igik, igin. At ebe o Yerusalem oba logolik Andom Sion oba andoma nen melalinafi logogin. Andoma nen he it afuni kaindek At againafuri ferinarek welagaikharek mene omanogo inelokhoma nen Aren elalinhogo hilingiterek mene omanogo inugisagain.

YESAYA 34:8

O andi sambul Tuhan nen Sion ili wanhi logolik, aselei mene inoba a'mage werek mene a'nogo onggo inoasigin mene re a'nogo andi.

YEREMIA 4:23

Kweangma andoma neilenggen hugunem, yi mene ti mene mondogat le'ma pirimhogo hilingi'mo higi, nen pogoroba neilenggen liakhigi re, egi, selegeratu mene ekhe welaga mondok lek.

YOEL 2:1

”Nineisena Tuhan awi wei igin a'nogo horogat asi wagama arat wei igiluk werek andi nen he, tom Sion fano hore'ma nineisena Allah ebe welagarek oba andoma nen pinggong hokho mene anet feni o. A'nogo anet fugunem, hit afuni o Yehuda welagep mene hinoagelekwe abolok igin.

YOEL 2:31

O mo mum agik, tugi elokhonggen mep hangge hilinglagik, igin. A'nogo mondogat hilinglasigin andi re, An hineisena nawi esin inailo mene wei igin andi re, oan wei igi'lek werek kwelek attak-attak hilinglasigin.

YOEL 3:14

An Tuhan nawi tegelinabigin oba a'nogo weak-weagat asigiluk werek andi nen he, afuni inebe mondok hokhorogo inenggi wenasu elo'lek mene o wene inoba figik, kotik igin oba werego.

AMOS 8:9

An nen he, o linggene werek kwelek mo ubukhogo kuageluk hilingitik, mum asuageluk hilingitik, igin oba werego, iluk An hineisena Tuhan Lego Mondok welagirek mene a'nogo nen nane arat igi.

MALEAKHI 4:5

Oba nen he linggene elalin awi An nen enogo fesigi mene andi oan wagi'lek werek kwelek he, An nen hit hinoba Allah ane yagahisikhi lagaikhe mene nabi Elia a'nogo lakfei wesigin.

MATIUS 24:29

At Yesus nen a'nogo yagaisasikhesik, hobuk ekhe mel yagaisasikhe: ”Weak hokhorogo a'nogo hambik oba nen inenggi hokhorogo welagi'legat he,” O mo mum agik, tugi yati'lek kamo igik, hesagal pogoroba nen lologo pi wagik, pogoroba inomame hokho mene andi Allah nen inabologet higik igin o.”

MATIUS 27:45

A'nogo yagatu were'ma re, o lingge tulem jam 12 oba o mum agaikhesik he, o andoma mondogat huli jam 3 mumat welagaikhe.

MARKUS 13:24

At Yesus nen a'nogo yagaisasikhesik he, ekhe mel yagaisasikhe: ”Weak hokhorogo hogoin andi mondogat hamo nen, hobuk he, o mo mum agik, tugi yati'lek kamo igik,

LUKAS 21:25

At Yesus nen a'nogo yagaisasikhesik he, hobuk ekhe mel yagaisasikhe: ”Hinendawinggen wenggelogo re, mo inom, tugi inom, hesagal inom, andi elokhe hunogoat mene hilinglagunem hogoin o. Nen, kweangma yoma i laut mogwe hokho yenggelek welagarek a'nogo ha'labu omamerogo waga logolik he, i eindep ane hokhorogo ikhi logoumo re, it afuni inunggulenu lombok inailo asimbik inendawinggen fisigin o.

KISAH PARA RASUL 2:19

Nen, afuni nen fogerati logouwageluk, elalin mene pogot po yiba nen hilingitik, wene futfouwageluk kweangma yoma hilingitik, ikhi logolik, yi mene ti mene oba, mep inom, endu inom, age endu hule hangge inom, hilingisigin.

KISAH PARA RASUL 2:21

A'nogo hilinglagu kwelek he, hit afuni nen an hineisena Tuhan nenu hombuk palogo nayonggo fogoin mene halok inebe lombok telinabigin o, iluk Yoel en isikhe andi.

1 KORINTUS 5:5

Ap andi endawinggen ninoe Enupogot wesigin andi sambul waga logolik teluagen he, yogondak ebe Iblis nen weagetfouwageluk, at Iblis at wogo'no.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.

2 PETRUS 3:7

Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.

WAHYU 16:8

At malaikat enggaminogo nek mene nen he, Allah a'mage i hak hinago a'nogo mene ekhe moba kweisalogo fugunem he, mo aigen afuni inoba endu hangge ninggi logouwageluk, mo aik hokhorogo hilingisogo fikhemo, afuni inoba endu hangge ninggi laga yethigi.

WAHYU 6:12

A'nogo yerisigiri'mo nen, ombo'ne yethigi hak he, suesingga uan meneba silo fagarek andi hak, amusu te'merogo fesukwa a'nogo mene Domba Eak a'nogo nen enggi fuap oba arat fikhalhesigen, ekhe fikhalhunem he, lugul hokhorogo lang-fanget higik, o mo elokhonggen mum hal-hali warek hangge hilinglagik, tugi elokhonggen afuni inamep hangge agik,