KISAH PARA RASUL 2:2 - Allah Wene Fano Wene Hupla Inane

² aremnogoat, sogoi uarek funha waga logolik ane ikherek andi hak, Allah nen pogoroba nen pelakfei wagaikhemo re, it afuni oloba hurek welagaukwa mene omanogo mondogat ane inesanggo holhukwa.

KISAH PARA RASUL 2:2 ပူးပေါင်းရင်းမြစ်များ

1RAJA-RAJA 19:11

A'nogo yagatikhemo, Tuhan nen he, ”Hebe oumo ari nen wulibi me o. Wulibi wesimbik he, An noba tom unggul oba menlasi lagai we'no o,” iluk yagatikhe. A'nogo yagatikhemo lagaigiluk ugunem, Tuhan ebe Elia era'lukwe lagaluk ugunem, sogoi tak aninirogo funha laga logolik, tom unggul-unggul omanogo pagerik lagik, helep isa omanogo sere'lambuk igik, isikhe. A'nogo meneat he, sogoi andi anggele'ma re Tuhan ebe weinam agaikhe lek. Sogoi a'nogo lek agu kwelek he, lugul langet hasikhe meneat he, At Tuhan ebe lugul andiba weinam agaikhe legat.

MAZMUR 18:10

Pogot healhaluk he At ebe ohena hik meneba eisok sebelik pi wagarek,

KIDUNG AGUNG 4:16

Sogoi abel utara fikhit mene yi, heluk ame o, nen sogoi selatan fikhiren eme o! Waga logolik, an neabu waganekwe andoma funhame, a'nogo hilingisigin oba amben enek sang-bang uakhogo. A'nogo hilinglagunem an nendawi hundik mene a'nogo at eabumo andoma we'luk, agayonggen enduk fano mene andoma na wesigin fano o.

YESAYA 65:24

Iren An noba oan kino yaganeti'lek werek kwelek An nen tak onggo yagaisikhi logogin. Iren samban ugu mene inane wurep obokhigi'lek werek kwelek, An nen inane onggo fouget fikhi logogin.

MALEAKHI 3:1

A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.

LUKAS 2:13

A'nogo yagaisugu kwelek aremnogoat he, malaikat pogoroba nen yonggo pelakfisa wagarek mene inebe mondok hokhorogo ka nen heat weinam agaukwasik he, at malaikat ekhe a'nogo inomat Allah fogerati logolik, mel isukwa:

YOHANES 3:8

Sogoi andi, we, erabisak hesangge fun hugunem he, ane nek hesanggo holhi lagen meneat he, ebe re, koma nen heat weri'logo. Nen koma kwe heat lili'logo. Honggot andi. Andi hak he, afuni Allah Areagun en inebe lombok a'nogoat taginaferego,” iluk yagatikhe.

KISAH PARA RASUL 2:3

Inesanggo holhukwasik ineilenggen yethasukwa re, endu amulok mene ameli hangge fena melanget ha lagik, fena melanget ha lagik, ikherek andi hak, inebe lombok inoba labok ugunem ineilenggen hasukwa.

KISAH PARA RASUL 2:6

Were'ma re, sogoi ane isikhe a'nogo inesanggo holhukwasik afuni inebe hokhorogoat andogosi wagaukwa. Andogosi wagaukwasik were'ma, it Yesus agoromi omanogo nen it afuni o yi awi ti awi nen wagaukwa mene omanogo inaneba lombok ugunem, inesanggo holhukwasik ina'manggen lagaikhe.

KISAH PARA RASUL 4:31

A'nogo Allah ayonggo fikhi lagaukwama re, o it andogorek welagaukwaba andi abolok isikhe. Abolok ikhi logolik he, Allah Areagun inebe mondogat inendawimo peterogo kwisikhemo, wene Allah nen isikhe mene andi afuni inailo legat yagaisikhi lagaukwa.

1 PETRUS 1:12

Heinok wanhunem, at Allah nen he, ”Wene andi re, hit hinonggwarek faget he, lego. It hobuk oan mene faget hilingiti lagebo,” iluk hit fagerat isikhe. A'nogo yagaisasikhesik welagaikhesigen, hobuk Allah Areagun pogoroba nen pelakfei wagaikhemo, it ap fano wene Yesus Kristus hilingitikhe wene a'nogo yagahisoageluk hinanggele'ma logolik yogondak fakhogo yagahisili'lagwi ebe andi faget ikhi lagaukwa andi. Wene andi, it malaikat Allah nen yonggo pelakfisa wagarek mene omanogo nen he, ”Eige, nit wene andi furogo ninelu a'lo e,” iluk anggagarek.