KISAH PARA RASUL 2:17 - Allah Wene Fano Wene Hupla Inane17 Aren he, mel isikhe: At Allah nen ikhi logolik he, O wurep oba an Nareagun andi, hokhorogoat afuni mondogat inoba pelakfei wesigin o. Pelakfei wagunem he, hinagainafuri alage yenggerugwi inom, en helimenggerugwi inom, iren an nane afuni yagaisigik, hinagoromi alage nen inabikanggo higik, hineisenalak yamanugwi nen inabiba higik, ikhi logogun o. အခန်းကိုကြည့်ပါ။ |
KISAH PARA RASUL 2:17
38 ပူးပေါင်းရင်းမြစ်များ
An nen it hit hinaselei mene andoma inoba mep en inafekwe lugu-lugwirogo hilingfisamo re it-it wat-wat logoin o. A'nogo hilingisugun andiba re yi afuni ti afuni mondogaren, An hineisena Tuhan logolik, telhinafirek mene, Allah Yakub agap telhigi mene, nomame mondok hokho mene a'nogo hinelu asugun o.” iluk ikhe.
A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.
Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.
Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.
A'nogo pi wagaikhemo, it afuni inagap inenggalimo mene palek logolik wene eberogoat iluk wanhukwa mene ekhe Petrus inom o Yobe nen wagaukwasik were'ma, Allah nen Areagun a'nogo it endakwe mene inoba pelakfei wagaikhemo, helasukwasik, wene it ekhe inane inonggot meneba elalinat igik, Allah fogeratik, ugunem, ineilenggen higik, inesanggo holhik, isukwasik he, mel isukwa: ”Allah nen Areagun it afuni endakwe mene higirat wogisikhemo higi. Nailo e,” iluk fogeratukwa. A'nogo fogeratukwama, at Petrus nen he, mel yagaisasikhe:
Nen, at ekhe yi mene ti mene elalinat hilingiti logouwageluk wogetik, at ekhe nen Allah ane yagaisikhi logouwageluk wogetik, at ekhe nen ikhi logolik he: ”At andi Allah Areagun endawimo logolik hilingiri'logo, igik, weak mene areagun endawimo logolik hilingiri'logo, igik,” enegat obabut palhi logouwageluk wogetik, at ekhe nen inane onggot mene elalinat ikhi logouwageluk wogetik, at ekhe inane inonggot mene ugunem, at esanggo holiluk he, ”Ebe yi'nogo mene faget ikhe,” iluk it inaneba higithogo yagaisikhi logouwageluk wogetik, inebe lombok wogisikherek andi.
At Allah nenat he, againafuri ninobalik lombok ninobagakhi logolik, attak he, nit at ane yagaisilik nikhi logouwageluk ninayonggo figik, ninombo'ne re, at ane yagaisikhi logouwageluk it ekhe inayonggo figik, it inombo'ne re, wene yagaisikhi logouwageluk it ekhe inayonggo figik, it inombo'ne re, elalin mene hilingiti logouwageluk it ekhe inayonggo figik, it inombo'ne re, afuni ekhe ou mene higirinafi logouwageluk it ekhe inayonggo figik, nen, yi mene ti mene leberisikhi logouwageluk it ekhe inayonggo figik, inogogwi kain mendek logouwageluk it ekhe inayonggo figik, afuni o yi awi ti awi inane inonggot meneba wene ikhi logouwageluk it ekhe inayonggo figik, ninebe lombok a'nogo ninayonggo fesikhe.
hit mene emas inom, perak inom, kulumage falogo fikhemo werek andi ri! Hinebe o wurep oba logoligat he, yi mene ti mene hinonggwarek faget fologo fakhaluk welagep andi nen, hobuk Allah nen wene hinoba fugunem, kulumage falek andi nenat, ”It inobabut ariginik,” iluk, enegat sele'mat fugunem yi mene ti mene endu nen ninggerek andi hak, hinebe kulumage falek andi nenat weagethinabigino.
ကြော်ငြာတွေ