KISAH PARA RASUL 2:14 - Allah Wene Fano Wene Hupla Inane

¹⁴ Inane a'nogo ugu kwelek he, at Petrus a'nogo Yesus agoromi inebe 11 nen omanogo inomat logolik, siakhogo menlagaikhe. Menlagaikhesik ane fakhogo mel yagaisasikhe: ”Hit Yahudi mene inom, hit ekhe yogondak ya o Yerusalem welagep mene mondogat inom, nerugwi nagaila'lak. An wene igin yi hinelu asuagen he, hinesanggo fanorogo holino o.

KISAH PARA RASUL 2:14 ပူးပေါင်းရင်းမြစ်များ

AMSAL 8:32

Andi faget he, hit ap alage mene yi sani! An nen wene fano wene komothinafirek mene andi, hinendawinggenma waluk higithogo hilingiti logoino o. A'nogo hilingiti logogun halok ambisangma fano logogun o.

YESAYA 40:9

Tom uan mene ungguloba lagai lambik he, wene ebe mene o Yerusalem awene andi faget yagarisa lano o, hailo agi'lek hane hokhorogo kweti logolik wene fano wene andi o Sion faget yagaisano. It o kota-kota Yehuda ba andoma werek mene inoba yagaisikhi logolik he, Allah it ineisena re hobuk wesigin o, iluk yagaisano!

YESAYA 51:1

Tuhan nen yi'nogo ikhe, ”Hit An nen telninaplep iluk anggikhi lagep mene inom lebetninabuageluk kino yaganeti lagep mene inom he, An nane ikhi lagi mene yi holini o. Hiren helep tom koma meneba nen serelhigik wokhinafa nogo, nen helep he koma meneba habulogo wokhinafa nogo, andoma ebe'ni o.

YESAYA 51:4

Yago, hit An nunggulenu mene yi sani, An nane futfikhi logoni o, Hit An nagainafuri mene yi sani, An nen ikhi lagi mene andoma furogo holhi logoni. An nen yi afuni-ti afuni inunggulenu lombok inoba yanggulinafi lagi, An nawene melalek werek mene andoma nen it selegerinafi logogin.

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

YESAYA 52:8

At Tuhan ebe o Sion oba ambotkwe sugulogo wagunem it ineilenggen tomok furogo houwogeluk, ap o kota kagalek werek mene omanogo nen amit-mit lagali'lagwingge a'li holini, it inebe mondogaren inagaiyek eri'lagwingge andi!

YESAYA 55:2

Yi mene ti mene hinoba homot hinobagaikherek lek mene faget huniti lagep andoma re ninggi nogoluk nogo? Nen hinoba homothinobagaikherek lek mene faget yabu hilingirik hobalik laga lagep andoma re nenahalok nogo? An nen hilingi'ni iluk yagahisikhi lagi mene andi higithogo hilingisugun halok, hiren fano mene nek ninggi logogun o, nen enduk fano fanonggeba isagongge ninggi logogunat.

YESAYA 58:1

Tuhan nen ikhi logolik, ”Hinane omamerogo kwe'ni o! An nagainafuri nen weak hilingita mene faget yagaisani o.

HOSEA 8:1

Tuhan nen ikhi logolik, ”Ap inaselei mene re sue kuri nen senggelherek engge senggeligiluk sebeli wagarek hak, An naiba omanogo it selei mene nen weim yabi weri'lagwingge re, weim waga iluk enek engge re trompet ane fu'ni o! An nagainafuri nen he An ninom wene watugu mene a'nogo taganhogo hilingitik, An nen yagaisikhi lagi mene omanogo sagalogo hilingitik, ili'lagwi andi.

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.

KISAH PARA RASUL 1:26

A'nogo isukwasik he, ”Ap yi menfouwoga? yi menfouwoga,” iluk oagengge sa oba asigin, sa oba asigin inenu salogo walhasukwama, Matias oba higit agaikhe. Higit agaikhemo, it ap Yesus nen inebe wenagaisogo inayonggo fesikhesik lakfisasikhe mene omanogo inebe 12 mene 11 agaikhemo nen, 12 asuageluk Matias inom logouwageluk menfesukwa andi.

KISAH PARA RASUL 13:16

at Paulus ebe menlagaikhesik he, wene yagaisageluk enggi map isikhe. Enggi map isikhesik he, ”Hit afuni Israel mene inom, endakwe mene Allah ane hologo hilingiti lagep mene inom, nerugwi nagaila'lak. Wene igin andi hinesanggo holini o.

KISAH PARA RASUL 2:22

Mene re, hit Israel mene nerugwi nagaila'lak. An nane igin yi holini. Yesus aiba Nasaret mene a'nogo Allah nen ayonggo fesikhemo, ninom logolik, wene futfouwageluk hilingisu lek mene Allah nen enggi omamerogo elalinat hilingiti lagaikhe andi re, ebe Yesus nenat hilingiti lagaikhe. Halok he, Yesus Allah nen lakfei wagaikhemo, iluk enegat agaikhe andi hinelu.

KISAH PARA RASUL 21:28

Fakfesukwasik he, ”Ap Israel mene a! Nit werekwe a'ni a! Ap yi nen afuni o yi awi ti awi yagaisilik nikhi logolik he, nit afuni Israel mene nen hilingitorek mene andi weak iluk, alek mene yagaisigik, wene Allah nen komotninafikhe wene a'nogo weak iluk, alek mene yagaisigik, o Allah awi wurik yi abok weak igik, ilik nikho mene a'nogo ebe yi ara! Yogondak ap Yunani mene woginarek Allah awi wuri'mo kwi wagasik, o Allah onggwarek awi wurik weaget fikhe a'nogo yi a!” iluk inane hokhorogo pak silakhogo wenagetukwa.

KISAH PARA RASUL 5:35

A'nogo yagaisasikhemo, wulakfisasukwama nen, aren wene mel yagaisasikhe: ”Hit ap Israel mene nagaila'lak. Ap omanogo ninggi'nogo hilinginabugun anggegep. Hinendawimo fanorogo ebet fulugen hilingisugun o.

KISAH PARA RASUL 7:2

Yagatikhemo, at Stefanus nen he, mel yagaisasikhe: Nogogwi, nagoromi, neisenalak hinalabok. Wene igin yi, hinesanggo fanorogo holini. Ninambu Abraham a'nogo o Haran tekhogo wagi'lek, o Mesopotamia were'ma, Allah fogeratorek mene a'nogo elokhoma menlagaikhe.

ULANGAN 27:9

A'nogo yagaisasikhesik at Musa nen nekhengge it ap imam hilingitarek mene Lewi inap omanogo inom logolik it afuni Israel mene inoba yagaisikhi logolik, ”Nori, nerugwi inom hiren futfuluk fanorogo hinesanggo holini o! Yogondak yi sambul he hit mondogat hineisena Tuhan Allah againafuri agebo.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.