KISAH PARA RASUL 2:11 - Allah Wene Fano Wene Hupla Inane

¹¹ Nit fena ebe Yahudi mene, nen it fena alek mene Yahudi mene ninoba kwi wagaukwasik Allah ane wanhukwasik ninom welagoat. Nen, afuni o Kreta mene inom, Arab mene ninom were'ma, it yi nen Allah omameba elalinat hilingitarek mene yaganisugunem, ninonggwarek ninaneba lombok ninesanggo holhi lago yi,” iluk,

KISAH PARA RASUL 2:11 ပူးပေါင်းရင်းမြစ်များ

1RAJA-RAJA 10:15

Nen, andem helikhi lagaikhe mene re it onggo wanhi lagaukwa inaben inom, yi mene ti mene onggo palugun iluk waluk laga logolik onggo fuluk laga lagaukwa mene inom, it raja-raja o Arab oba nen fugu mene inom, nen it gubernur-gubernur o Israel oba werek mene nen fugu mene inom, omanogoet wenagaisogo re fuk.

2 TAWARIKH 17:11

It afuni Filistin inaben at agaiyekhogo iluk he perak inom, amungge inom, hokho pokhorogo wogosi wagaukwa, nen it afuni o Arab mene nen he wam domba ebe 7.700 nen inom, kambing ebe 7.700 nen inom wogosi wagaukwa.

2 TAWARIKH 26:7

Aren he it ap Filistin inap inom, Arab inap inom, o Gur-Baal welagaukwa mene andoma inom, it Meunim inap inom, inalong lek hilingisogo fisoageluk Tuhan nen lebethikhi lagaikhe.

AYUB 9:10

Aren mondogat walhasikhe mene andoma re, mondok hokho-pokhorogo hilingi'mo re, wenasu re mondok elo'lek, Aren elalin mene mondok alonghogo hilingitikhe mene andoma niren mondok higithogo wenasu re elo'lek.

MAZMUR 107:15

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik ubaat ikhi logouwak.

MAZMUR 107:21

Aren it afuni inoba endawirinapluk inobaget yi wene ti wene elalin mene mondok hokhorogo hilingiti lagaikhe mene andoma re mondok elo'lek mene hilingiti lagaikhe hilingi'mo re, Iren at Tuhan oba hai watu aple andi re u higit obaat hai wati logouwak.

MAZMUR 107:8

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik u higit obaat ikhi logouwak.

MAZMUR 111:4

At Tuhan andi re afuni endawi hundik hilinginafik, inelagaik isigik, hilingiterek, niren hundik-handik eberek mondok logouwageluk, Aren he afuni nen fogerasu mene omanogo nek hilingiterek.

MAZMUR 136:4

We Arenat hilingisu elo'lek mene mondok hokho mene hilingiterek, Endawi hundik hilingninaferek mene andi re mondok-mondok logogin mene.

MAZMUR 26:7

nen legeisogo hobagauwageluk Haren elalin hilingiti lagen mene andoma fagetik, Hat hobaget yi mene ti mene warogo nolhuba mezbah era'lukwe masetik, ikhi lagi.

MAZMUR 40:5

It afuni ekhe Tuhan hoba himbirik logolik, tugwi kembu fogeratarek lek mene inom, it ekhe leget fakhagarek mene nen inebe telinabuageluk inayonggo fagarek lek mene inom, andoma re, hobuk inendawimo inagaiyek asugun o.

MAZMUR 71:17

Neisena Allah, an nebe sougeba nen engge Harenat yanggulnafi lagen, yogondak huli nen enggere Haren yi mene ti mene hokhorogo walhogo fesiginmo mondok nik polanhogo hilingik mene andi faget hundik-handik tindelhu welagirego.

MAZMUR 77:11

A'nogo ebetu logolik he, ”An nendawi warikhi lagi a'nogo re, At Lego Mondok werek mene a'nogo omame lek kwelegat hilingiti lagi higi,” iluk anggikhi logolik ikhi lagi.

MAZMUR 78:4

At Tuhan omame hokho a'nogoba hilingiti lagaikhe mene inom, Aren yi mene ti mene elalinhogo elalhikhe mene andoma inom, At obabut hilingisu elo'lek mene hilingiti lagaikhe mene inom andoma re, nit ninagainafuri inoba nen sebelogo fuluk hinagaisogo fisogo logogun lego. Athe niren he tindelogo yagaisugunem he iren hobuk inagainafuri taginabumo logogun mene inoba ogo fakhogo yagaisikhi logogun aro.

MAZMUR 89:5

Hat hebe kain henupogot logolik ferinarek logogin oba andi re, inenggi mondok-mondok andoma faget An nen nenggi omamerogo fisogo logogin o, nen mo lagagik-pigik andomaba re hat hagainafuri tagomangge mene nen ferinarek logogun,” iluk yagati, isigin a'nogo.

MAZMUR 96:3

It afuni inunggulenu lombok andoma inoba At ebe andungdang welagarek mene a'nogo faget tindelhi logoni, Aren afuni inoba wesa polanhogo hilingiri'lago mene andoma faget pilingiti logoni.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

YESAYA 13:20

Ap misik iluk ogo andoma ekhe logogin lek. Ap Arab inap leil warik nikharek inap ogore inawi sabu andoma salogo logogun legat, nen it ap inanggo kambing, domba halharek mene nen engga noageluk andoma woginarek waga logogun legat.

YESAYA 21:13

Arab oba asigin mene faget yagaisoageluk isikhe mene re yi: Yago, hit Dedan hinap hiren mene ap onggo paluogeluk yatma lagaikharek mene omanogo re o Arab kweang oba engga anggele'ma omanogo inawi sabu salogo nogoli'lagwi. inom nen hit o Tema anggweang oba welagep hinap inom yoma sani! Ap hit mene logalek ekhe onggo paluogeluk yatkwe laga la'luk Arab kweang oba hinawi tenda wuti lagep mene andoma re

YESAYA 25:1

Tuhan Hat he an neisena Allah welagen, an nen Hat legeisogo hobagakhi logolik, Hat henu fogethafi lagi. Haren hilingiti lagen mene andoma mondogat he elalin mene nek hilingiti lagen, Andiba re Haren o attak andoma nen wene melalogo fesigindik tiphogo nek hilingiti logolik welagen.

YESAYA 28:29

Hebelek mene andi re Tuhan Omame Mondok Hokho mene a'nogo nen wogete mene. Tuhan nen hilingisigin mene iluk wenggelogo fikherek mene andoma re we mondok hebelek mene nek hilingi'mo re, ambisangma tiphogo nek hilinglagarek.

YEREMIA 3:2

Punu unggulkwe andoma heilenggen liakhan! Haren pailak hilingirageluk lagalagen lekwe re koma nogo? Ap Arab mene lei pirim se'ma welagaikharek higit, haren ebekhalem inendawi nunggunem hilingitarek engge a'nogo hilingisugun iluk ap nenangorinafu welagen. Haren he o kweang yi re babi lagik, hanini mene hilingitik, hilingitu logolik he mondogat emetfikhi lagen.

KISAH PARA RASUL 2:10

Frigia mene inom, Pamfilia mene inom, Mesir mene inom, o Libia Kirene higit a'lima mene inom, o Roma a'lima lagosik ninebe o kuluk hagat welagosik wago mene inom, ninom welago yi.

KISAH PARA RASUL 2:12

Inebe mondogat inobakheindok palagaukwasik it-it fogerati logolik he, ”Andi hilinglaga andi re, ebe ninggi'nogo mene he,” iluk isukwa.

KISAH PARA RASUL 27:12

O salim oba e so fanorogo hele kelfuluk logou elo'lek andi nen he, it ap yabu e soba hilingiti lagaukwa mene inebe hokhorogo nen he, ”O kota enu Feniks logoin halok he, lambik, o salim oba o andoma fano logoin,” iluk wene palhukwa. Wene a'nogo palhukwa andi re, i alonggenma enu Kreta andoma, o Feniks i unggutmo andoma o mo korokhogo kwikherek higit abel ponggwe ambe palegat, manggwe ambe palegat were'ma re, e so hele kelfuluk fano welagaikharek andi nen isukwa.

KISAH PARA RASUL 27:13

Nit andoma were'ma, sogoi i laut higiren erogat funha wagaikhemo, it ap yabu e soba hilingiti lagaukwa mene nen he, ”Nit louwogeluk ogo a'nogo arat horok aga,” iluk e so ago telik mene henogo waluk he, i alonggenma enu Kreta era'lukwe wagagu.

KISAH PARA RASUL 27:7

Wo'ninarek kwisikhesik, hup hundik lingge hundik erogat ya nogolik waga lagagusik, wesugun higit agaikhe meneat he, o enu Knidus higit wagagu. Wagagusik, sogoi en kwe higithogo wesu lek hak agaikhemo, kwanirogo, i alonggenma enu Kreta andi abel fenakwe sogoi kwe palek fano iluk, Salmone ambisangma andi herakfisaluk pikhit wagagu.

1 KORINTUS 12:10

Nen, at ekhe yi mene ti mene elalinat hilingiti logouwageluk wogetik, at ekhe nen Allah ane yagaisikhi logouwageluk wogetik, at ekhe nen ikhi logolik he: ”At andi Allah Areagun endawimo logolik hilingiri'logo, igik, weak mene areagun endawimo logolik hilingiri'logo, igik,” enegat obabut palhi logouwageluk wogetik, at ekhe nen inane onggot mene elalinat ikhi logouwageluk wogetik, at ekhe inane inonggot mene ugunem, at esanggo holiluk he, ”Ebe yi'nogo mene faget ikhe,” iluk it inaneba higithogo yagaisikhi logouwageluk wogetik, inebe lombok wogisikherek andi.

1 KORINTUS 12:28

At Allah nenat he, againafuri ninobalik lombok ninobagakhi logolik, attak he, nit at ane yagaisilik nikhi logouwageluk ninayonggo figik, ninombo'ne re, at ane yagaisikhi logouwageluk it ekhe inayonggo figik, it inombo'ne re, wene yagaisikhi logouwageluk it ekhe inayonggo figik, it inombo'ne re, elalin mene hilingiti logouwageluk it ekhe inayonggo figik, it inombo'ne re, afuni ekhe ou mene higirinafi logouwageluk it ekhe inayonggo figik, nen, yi mene ti mene leberisikhi logouwageluk it ekhe inayonggo figik, inogogwi kain mendek logouwageluk it ekhe inayonggo figik, afuni o yi awi ti awi inane inonggot meneba wene ikhi logouwageluk it ekhe inayonggo figik, ninebe lombok a'nogo ninayonggo fesikhe.

GALATIA 1:17

Nen, it ekhe Yesus nen inayonggo fuluk lakfisasikhe mene omanogo, o Yerusalem were'ma inoba lagi'legaro. Meneat he, o afuni Arab mene inaiba a'lima lagagisik he, hobuk nambotkwe o Damsyik wagagi.

GALATIA 4:25

He Hagar andi, tom Sinai afuni Arab mene inaiba welagarek mene andi faget igi andi. At Hagar ebe inom, eagwi inom, inamingmingengge welagaukwa andi hak, yogondak afuni o Yerusalem mene a'nogoat welagaikharek andi.

TITUS 1:12

Ap o Kreta awi eisewerek mene misik ekhe endawinggen kagalek logolik wene yagaisikhi lagaikhe mene nen, wene mel isikhe: ”It afuni o Kreta mene yoma inobabut he, ineranen mondok ikhi logolik, wam maro mene obabut hangge. Yabu wanhi'lek logolik, an enek nele yi!”

TITUS 1:5

An nen hat o Kreta andoma hobagaluk wesigeluk ikhi logolik, wene yi'nogo hilingiti logoino, iluk hoba fesigi andi: ”Yi wene ti wene oan hilingiti'lek mene, halogo figik, o yi awi ti awi andoma afuni Allah againafuri ekhe kwelaginarek logouwageluk inogogwi lombok menfisigik, ikhi logoino,” iluk, yagahe'luk wagagi andi.

IBRANI 2:4

Wene andi yagaisilik nugunem he, it afuni ekhe nen, ”Wene andi eberogoat,” iluk futfouwageluk, Allah nen inane legeisogo yi mene ti mene hilingisu lek mene elalinat omamerogo hilingitik, at endawinggen amolo meneat higithogo inobabut lombok Areagun sumburogo wogisigik, isikhe mene andi, niren ninabit iluk herakfisogoin halok he, herakhinobagagin anggegeba? Weagetninabigin aro.