KISAH PARA RASUL 18:8 - Allah Wene Fano Wene Hupla Inane

⁸ Ap Krispus, o afuni Yahudi mene samban ikhi lagaukwaba andi kain eisewerek welagaikhe mene ebe inom, againafuri inom, ”Wene andi eberogoat,” iluk inendawinggen Tuhan Yesus oba himbiret fesukwa. Himbiret fesukwama re, it afuni o kota Korintus mene ekhe inebe hokhorogoat wene holhukwasik he, ”Eberogoat,” iluk wanhi lagaukwama re, inom ima pelaginafukwa.

KISAH PARA RASUL 18:8 ပူးပေါင်းရင်းမြစ်များ

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

MATIUS 28:19

Halok he, yi afuni ti afuni inunggulenu lombok mondogaren An nagoromi hilinglasuageluk, neisena Allah enuba, An Amlogo nenuba, Areagun enuba, ninenu hombuk palogo ima pelaginafik, An nen wene komothinafi mene andi mondogat higithogo hilingiti logouwageluk yagaisigik, laga logoino. Yet hani! Hit a'nogo hilinginabik lagunem, An nebe ninom mondok-mondogat were'ma huli wurep oba hilinglasigin o,” iluk yagaisasikhe.

MARKUS 5:22

Andogosi wagaukwasik were'ma re, o afuni Yahudi mene samban agarek oba inogogwi kain welagaukwa mene ekhe enu Yairus wagaikhesik, Yesus eilenggen yethasikhesik, awe a'ma eindep awi yagaisogo hai wati logolik he, mel yagatikhe:

MARKUS 5:35

A'nogo yagatu kwelek aremnogoat, o afuni Yahudi mene samban agarek oba inoe kain a'nogo aiba nen agoromi yonggo wagaukwasik he, mel yagatukwa: ”Noe. Ha'logo a'nogo arat wa'lagama nen wago. Halok he, ninoe kain wene yaganisikherek mene ari, tulemat hemberek louwogeluk oba weagasugun nogo? Lego,” iluk yagatukwa.

KISAH PARA RASUL 10:2

At Allah ailorogo logolik againafuri inomen fogerati lagaukwa. Fogerati logolik he, it afuni Yahudi mene omanogo ekhe inenggi lek inelagaik mene hokhorogo leberisikhi logolik, samban kamo igi'lek ugu mondok welagaikhe.

KISAH PARA RASUL 11:14

Aren hat hebe inom, hoe hagot inom, hagainafuri inom, Allah nen telhinabuageluk, wene yagahisagain mene werego, iluk yaganete, iluk at Kornelius nen ikhe.

KISAH PARA RASUL 13:15

Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,

KISAH PARA RASUL 16:34

Ima pelaginafukwama, at Paulus Silas emberek at kain a'nogo nen aiba wogi narek lagaikhesik he, sumburu melagi sasikhe. Melagisasikhesik, at againafuri inom mondogaren inendawinggen Allah oba himbiret fesukwa andi nen, inendawimo inagaiyegetukwa.

KISAH PARA RASUL 18:1

A'nogo hilingitikhesik he, at Paulus o kota Atena andoma herakfuluk o kota Korintus wagaikhe.

KISAH PARA RASUL 18:17

Wulakfisugunem, it afuni ekhe mondogaren he, ap enu Sostenes, o afuni Yahudi mene samban agarek oba eisewerek kain welagaikhe mene andi, ebe fakfesukwasik he, o wene inoba figik, kotik, ikhi lagaukwaba andoma ebe yei watukwa. A'nogo watu kwelegat he, at Galio a'nogo nen elele wanhi'lek obakhe nene kamo isikhe.

KISAH PARA RASUL 19:1

At Apolos o Korintus andomaat werek kwelek he, at Paulus a'nogo o propinsi Galatia inom, Pergia inom, abel ambolkwe andoma nen lagokhogo waga lagaikhesik, o kota Efesus wagaikhe. Wagaikhesik, afuni Yesus ane wanhukwa mene ekhe were'ma inoba kwisikhe.

KISAH PARA RASUL 8:12

A'nogo meneat he, at Filipus nen fano wene Allah nen awe a'ma fisikherek wene andi yagaisigik, Yesus Kristus enu andi yagaisigik, fano wene andi ikhi lagaikhemo re, afuni omanogo nen he, ”Wene andi eberogoat,” iluk wanhu mene halok, ap inom, hemi inom, ima pelaginafi lagaikhe.

2 KORINTUS 1:1

Nerugwi nagaila'lak. An Paulus Allah endawimo anggasikheba, Yesus Kristus nen nayonggo fesikhesik laknobagai wagaikhe mene a'nogo, ninagailak Timotius a'nogo nemberegen hit Allah againafuri o Korintus andogoti lagep mene inom, o propinsi Akhaya yi awi ti awi andoma welagep mene mondogat inom, wene yi lisu palogo hinoba lakfei wago andi.

2 KORINTUS 1:23

An o Korintus hinoba wagi'lek kamo isigi andi re, hit hinendawimo weak asinogo iluk kamo isigi mene andi, at Allah nendawimo eilenggen niikherek mene nen elu o.

2 KORINTUS 6:11

A'nogo logolik he, hit afuni o Korintus mene, nerugwi nagaila'lak. An nendawimo wene ekhe sebelfigi'lek mondok fakhogo yagahisigi andi. Menere, hit faget an nendawimo ebetirik welagi.

2 TIMOTIUS 4:20

At Erastus a'nogo o Korintus kamo ikhe andi. Nen, at Trofimus a'nogo oba ouat weregen, o Miletus fuluk wagi andi.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.