KISAH PARA RASUL 18:6 - Allah Wene Fano Wene Hupla Inane

⁶ A'nogo yagaisugunem iren he, ”Weak ikhi lagen o,” iluk abok weak palhi lagaukwama re, at Paulus nen he, ”An wene noba lego,” iluk u hak, asu endakwe mene ololong horogo pelakfisikhi logolik he, mel yagaisasikhe: ”Hit hinonggwaregen nong akhegep halok he, hinoba lombogo. An noba lego. Huli yogondak huli nen, an afuni endakwe mene wene yagaisa lagain o,” iluk yagaisasikhesik,

KISAH PARA RASUL 18:6 ပူးပေါင်းရင်းမြစ်များ

2 SAMUEL 1:16

A'nogo wa'lagaikhemo, at Daud en warek mene a'nogoba ikhi logolik he, ”Hat honggwaregen he, An nen kain raja Tuhan nen wenagaisogo menfesikhe mene wati, iluk egenma, honggwaregen wene hoba fakhegenma hoato o,” iluk yagatikhe.

1RAJA-RAJA 2:33

Ap sikhe fisogo mene inogogwi inebe pire wa'lagaikha mene andem faget ambisangma re at Yoab onggwarek inom nen aren tagomangge mene inomen erembulmo hugu mondok logogun. Oba nen he an neisena raja welaga mene a'nogo nen tagomangge mene mondogat he Tuhan nen fanorinafu mondok logogin. Nen it he, ambisangma fano mene nek hikhi logogun,” isikhe.

NEHEMIA 5:13

A'nogo yagaisasigisik an nen su mene nobakheba puksek welagagi mene a'nogo nonggologo wanhigisik yi'nogo isigi, ”Ap ekhe nen aneba wene wate mene tiphogo hilingitu lek mene andi re at Allah nen leget fagain. Nen leget fisambik he ap andi angge inom, awi inom, Allah nen mondogat wanumo re at ebe enggi lek mondok logogin!” iluk yagaisasigi. A'nogo yagaisasigimo re afuni wene kabogetunem kaboksek welagaukwa mene a'nogo nen he, ”Eberogo,” iluk u hak he, ”Amin” isukwasik TUHAN fogerati lagaukwa. Andiba re it afuni melalinafu mene a'nogo nen he wene watukwa higithogo re tiphogo nek hilingirik wagaukwa andi.

YEHEZKIEL 18:13

Aren angge ap amu mene inoba hobuk to'mongge inom wo'nesubagaigen iluk wogisikherek. Ap a'nogo hilingiterek mene andi re eluk logou hak nogo? Lego! Aren he mondok weak inabit mene andoma hilingitunem he at andi re wa'lasigin o. At ebe wa'lasigin andi re onggwarek aweak hilingiti laga mene omanogo onggo wa'lasigin.

YEHEZKIEL 33:4

Ma re ap ekhe nen youk werek iluk enegengge hilingisigin mene andi holhikhi logoligen oba nen afe morogo werek halok selei mene kwi waga logolik wasumo re at wa'lasigin andi re onggwarek weak elekwe. Nen aren ambi ane enegengge ugu mene andi hol feilepsik ogal feilepma nen he agap telogo fakhelep.

YEHEZKIEL 33:6

Oba nen he ap kagalek mene andi nen selei mene wagunem isilik laga logoligen ane enegengge igin mene a'nogo futhagain lek halok, wonghogo were'ma nen selei inap kwi we'luk afuni andoma inoasugun halok andi ap kagalek mene andi weak elekwe inoasugun. Ma re at oba enggin asigin andi. Nen An nen ogore ap andi oba onggo kino igin aro.

IMAMAT 20:9

Tuhan nen wene melalek yi Musa oba fikhi logolik, ”Ap ekhe nen eisena ogo agaisa ogo homan fisugu halok wene oba fuluk pinggi wasugun fano. Nen, at wa'lasigin mene andi re onggwarek aweak onggo.

MATIUS 10:14

Nen, it andoma nen hinebe wokhinafi'lek logolik hinane wanhi'lek herakfisaga halok he, o andoma herakfisaluk hinambotkwe wulibi waga logolik he, hineisok aling horogo pelakfisaluk wulibi we'no.

MATIUS 21:41

iren he, ”Ap anggweang eisewerek mene andi wesimbik he, it inobabut weak mene andoma mondok felelenghogo inoasimbik he, yabu anggur yabu andi kagalek logolik, enggen arat wurik agunem palogo wogosi laga logouwageluk he, ap hunogoat mene ekhe inayonggo fagain aro,” iluk yagatukwa.

MATIUS 21:43

Hit he, Allah nen awe a'ma hinobagau hagat welagagip meneat he, awe a'ma hinobagagin lego. We, hit hinobali'mo re, e enggen fano mene isu hak, it afuni inunggulenu hunogoat mene nen, Allah endawimo anggikherek mene higithogo hilingiti logogun mene halok inobagagin o.

MATIUS 22:10

it amingmingengge mene omanogo hobuk kwe hokho handogalma andoma lagaukwasik were'ma, afuni inobabut weak mene fano mene, lagunem inom ambi agaukwa mene mondogat inayonggo fesukwama wagaukwama re, oloba inebe mondok pete isikhe.

MATIUS 27:25

it omanogo inane ninghogoat ikhi logolik he, ”At amep andi re, nit ninagainafuri ninomat ninoba logouwago!” iluk yagatukwama re,

MATIUS 8:11

Nen, ekhe yi yagahisak. Afuni inebe hokhorogo po'lima nen, ma'lima nen, Allah awe a'ma kwimbik he, Abraham inom, Ishak inom, Yakub inom, seni isago nouwogeluk andogosi kugun.

LUKAS 22:65

inane hokhorogoat li'no-pi'norogo enggali watik, ikhi lagaukwa.

LUKAS 9:5

Nen, it afuni o ekhema nen hinebe wokhinafi'lek halok he, hebisaluk wulibi waga logolik he, it o andoma mene inendawimo futfouwageluk he, hineisok aling horogo pelakfisaluk wulibi we'no,” iluk, komorogo lakfisasikhemo,

KISAH PARA RASUL 13:51

Wulakfisugunem inendawimo eberek logouwageluk, it Paulus Barnabas emberegen he, ”Hinoba lombok,” iluk ineisok ologoilong horogo herak fisaluk he, o Ikonium kwi lagaukwa.

KISAH PARA RASUL 26:11

A'nogo ikhi logolik he, an o afuni Yahudi mene samban agarek kwe lombok kuluk, it inendawinggen Yesus oba himbirik welagaukwa mene hebisoageluk nane ninghogo yagaisigik, yi enggin ti enggin hilinginafik, ikhi logolik, na'mage hokhorogo lagakhi logolik he, it ekhe o yatmaat esanggo-esanggo andoma mene sikmuk isikhi lagagiat,” iluk yagatikhe.

KISAH PARA RASUL 26:20

Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.

KISAH PARA RASUL 28:28

A'nogo yagaisasikhesik, wene elugun warogo re, mel yagaisasikhe: ”A'nogo isikhe andi nen, wene yi hinelu asubagaigeluk yagahisak: Allah nen he, afuni ekhe nen, aren telinaferek wene andi, it afuni endakwe mene yagaisa loageluk inayonggo fikhemo yagaisili'lagwi. It a'nogo yagaisugunem, inesanggo hologo hilingisugun o, iluk hinelu asubagaigeluk yagahisigi andi o,” iluk Paulus nen yagaisasikhe.

ROMA 3:29

At Allah re, nit afuni Yahudi mene nek nineisena nogo? It endakwe mene ninomat nineisena lek nogo? Eberogoat afuni endakwe mene ninomat nineisena o.

1 TIMOTIUS 5:22

Afuni ekhe Allah faget hilingiti logouwageluk, inunggul weak-weak sebelinafi logou fuk. Nen, it ekhe weak hilingitunem hinom hilingiti'lek heil lomborogo logoino.

2 TIMOTIUS 2:25

A'nogo yagaisugunem, it afuni ekhe nen at ane sebeluogeluk ugunem, aren ane liokhogoat komorinafi logogin. A'nogo komorinafunem, it weak hilingitarek mene herakfisaluk, ebe wene andi wanuageluk, Allah nen inendawimo kagaluago, iluk komorinafi logogin.

1 PETRUS 4:14

Afuni ekhe nen at Kristus faget wenakhisugu halok he, hinendawimo nen he, ”Allah Areagun fogeratarek mene a'nogo ninoba louk ikhemo welago,” iluk hinendawimo hinagaiyek anggikhi logoino o.

1 PETRUS 4:4

Meneat he, yogondak hit hinobabut it weak inamolorogo mondok hilingirik, lagaikharek andi hak hinom hilingiti'lek kamo ikhi lagep andi nen, hit hinabok weak pali'lagwi andi.