KISAH PARA RASUL 17:34 - Allah Wene Fano Wene Hupla Inane

³⁴ A'nogo herakfisaluk wulifikhe meneat he, it afuni ekhe at oba andogosi lagaukwasik he, ”Wene andi eberogoat,” iluk inendawinggen Yesus oba himbiret fesukwa. It andi ekhe enu Dionisius, it ap kaindek o Areopagus andi inom andogoti lagaukwa mene. Nen, he ekhe enu Damaris, nen, it ekhe inomat a'nogo inendawinggen Yesus oba himbiret fesukwa.

KISAH PARA RASUL 17:34 ပူးပေါင်းရင်းမြစ်များ

MATIUS 20:16

A'nogo yagatikhe andi hak he, it hobuk mene andi attak asugun o. Nen attak mene andi hobuk asugun o,” iluk yagaisasikhe.

KISAH PARA RASUL 13:48

A'nogo yagaisugunem he, it afuni endakwe mene inesanggo holhukwasik, iren he, ”Allah wene andi fano mondok isikhemo higi,” iluk fogeratukwasik inendawimo agaiyek anggasukwa. Inendawimo inagaiyek anggasukwasik he, Allah nen it nabulal-habulal hilinginabigeluk wenaginafikhe mene halok he, ”Wene andi eberogoat,” iluk futfesukwasik wanhukwa.

KISAH PARA RASUL 17:19

A'nogo isukwasik, it afuni o Atena andoma inawiwerek mene mondogat inom, ap pok mene andoma welagaukwa mene inom, inobabut he, hunogo mene hilingiti'lek, we, wene kerat waluk wagunem inesanggo holhik, wene ebe pilingitik, ugu mondok logou inamolo welagaikharek andi nen, Paulus ebe waluk he, afuni o Areopagus wene elugun watarek oba andoma andogotunem inoba waluk lagaukwasik he, mel yagatukwa: ”Hat wene ket mene waluk wagendik yaganisikhi lagen andi re, nit ninesanggo holhi logolik, hunogoat mene anggikhi lago andi nen, nit wene andi ebe ninggi'nogo mene, iluk furogo ninelu asugun ninamoloat,” iluk yagatukwa.

KISAH PARA RASUL 17:22

A'nogo yagatukwama, at Paulus ebe ap kaindek o Areopagus andoma andogotukwa mene omanogo, inanggele'ma tulem menlagaikhesik he, mel yagaisasikhe: ”Ap Atena mene yi sani. Nogogwi nagaila'lak. Hit he, yi mene ti mene faget hilingisuogeluk he, tugwi kembu andiat hinendawinggen tulem were'ma hinobabut palhi lagi.

KISAH PARA RASUL 17:33

A'nogo yagatukwama, at Paulus it o andoma herakfisaluk wulifikhe.

KISAH PARA RASUL 17:4

A'nogo yagaisasikhemo re, it afuni fenakwe nen, ”Eberogoat,” iluk wene andi wanhukwasik, it Paulus Silas werekwe asi lagaukwa. Andi hagat, it afuni Yunani mene Allah ane wanhukwasik inebe Yahudi mene hangge welagaukwa mene hokhorogoat it werekwe asi lagik, hemi kaindek mene inebe hokhorogoat it werekwe asi lagik, isukwa.

FILIPI 4:22

It Allah againafuri o yoma welago mene mondogat lambulogo nen hai wathinafa aro. Hai a'nogo wathinafi logolik, ebe esin hangge re it at kain Kaisar inom welagaikharek mene nen hai wathinafa o.