KISAH PARA RASUL 17:11 - Allah Wene Fano Wene Hupla Inane

¹¹ It afuni Yahudi o Berea mene inobabut he, afuni o Tesalonika mene inendawimo puk welagaukwa andi hak he, lek. We, it he, wene anggilukhogo wanhi logolik, ”Wene ikhe andi eberogoara? Lega,” iluk, Allah ane lisu palogo fesukwa mene a'nogo hundik-handigat enu salogo furogo kumuthikhi lagaukwa.

KISAH PARA RASUL 17:11 ပူးပေါင်းရင်းမြစ်များ

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

MAZMUR 119:100

An he wene haren tekhogo isigin mene andoma fisogo logolik welagimo re, it ap inaluendegen inelu mene re we sebelek hak hilingik kwelek, an enek he mondok omamerogo futfikhi lagi.

MAZMUR 119:148

Haren wene yaganeti lagen mene a'nogo pilingisogo ebesigin iluk he, Hup inukhogo kagalek logolik welagi.

MAZMUR 119:97

Hat hawene melalek faget he an mondogat nendawi hundik anggikhi lagi, linggene inukhogo kumuthikhi logolik ebetu welagi.

AMSAL 1:5

Komo wene andomaba re, it inendawinggen kagalek mene ogore ekhe inomat inelu agik, nen it ap sekolah hilingitu mene ogore ekhe inom ineluet fisigik, ikhi logogin.

AMSAL 8:10

Uang perak andiba inom, emas ebe mene andiba inom, we endebat hangge wanhi logogun meneat he, wene an nen komorinafirek wene andi inom, yi wene ti wene inelu agaikharek wene andi inom enek he, mondok hokhorogo wanhi logoino o.

AMSAL 9:9

Haren ap hebelek mene oba komo wene yagasigin halok he, at andi ekhe inomat hebelek mene hilinglasigin. Nen, ap Allah ba tipsek mene komosigin halok he elu agarek mene andi re, ekhe inomat hokhorogo elu asigin.

YESAYA 34:16

Buku Tuhan nen mene heragaisogo pilingi'ni: Yi mene ti mene mondogat andoma we misik iluk ogo ekhe longgo igin lek, nen wutsek mene andoma ekhe taganet lasigin legat. A'nogo logogin iluk Tuhan nen awene melalogo fikhemo re At amu nenat it inebe andogorogo fisagain.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

YEREMIA 2:21

Hat hebe re An nen anggur awi yatarek higit, enggen ebe mene fologo fakhigirik yakhigi mene welagen. Oba nen he yogondak hat he enggen awi amu tang mene wuliferek andi hangge agameten andi.

MATIUS 13:23

Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

LUKAS 11:3

Nit ninamburu hundik-handik ninggi logogun mene, higithogoat wo'nisikhi logoin o.

LUKAS 16:29

aren he, mel yagatikhe: It andi Musa wene andi inom, ap Allah ane yagaisikhi lagaukwa mene omanogo inane andi inom, fisogo weregaro. Halok he, wene andiat holhi logouwago, iluk yagatikhemo,

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

YOHANES 3:21

A'nogo inendawimo anggagarek meneat he, it ekhe inobabut higithogo hilingiri'lagwi mene nek inebe lombok, inendawimo anggikhi logolik he, Allah ninom hundik logolik yi'nogo fano hilingiti lagoma, iluk, weinam asuageluk. an selek mene noba wagaikharego,” iluk yagatikhe.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

KISAH PARA RASUL 10:33

Andi nenat, an nenggi ekhe welagi'legat he, ap ekhe hayonggo hoba lakfisigimo, hat hobabut fano nen kamo igi'lek fano wagen, noe. Nit mondogat yogondak Allah eilhanem welago yoma re, Aren wene yagaisano, iluk yagahete mene, wene andi mondogat ninesanggo holuogeluk welago, noe,” iluk yagatikhe.

KISAH PARA RASUL 11:1

It afuni ekhe nen he, ”It afuni endakwe mene Allah ane wanha o,” iluk isukwama, it ap Yesus nen inebe wenagaisogo inayonggo fuluk lakfisasikhe mene omanogo inom, Allah againafuri o Yudea andogoti lagaukwa mene ekhe inom, inesanggo holhukwa.

KISAH PARA RASUL 17:1

At Paulus Silas emberek o andoma nen he, o Amfipolis nen Apolonia nen pikhit o kota Tesalonika wagaukwa. O Tesalonika andoma re, o afuni Yahudi mene samban ikhi lagaukwaba ekhe wurik welagaikhe.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

ULANGAN 29:29

Wene fena At nineisena Tuhan Allah nen hinagaisogo fikhe mene werek oba nen he, awene melalek nit ninoba weinamhogo nit inom, niren tagomangge mene inom faget yaganisikhemo niren hologo hundik-handik hilingiti logogun o,” Iiuk yagaisasikhe.

1 TESALONIKA 1:6

Hit yi enggin ti enggin hilinghinafu kwelegat he, hinagaiyek anggikhi logouwageluk Allah Areagun en hinendawimo kagalhikhemo, hinagaiyek anggikhi logolik fano wene wanhigipsik he, nit ninobabut wanhik, ninoe Enupogot obabut wanhik isigip andi o.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

2 TESALONIKA 2:10

A'nogo hilingiti logolik he, ebe wene andi afuni inamolo nen wanumo Allah nen telinabu meneat he, at obabut weak mene a'nogo nen lalfalhogo hilinginafunem, iren he: ”Ebe wene andi ninabiro,” iluk, ikhi logogun andiba weagerinabigino.

YAKOBUS 1:21

Andi nenat, yi weak ti weak inenggali lek hilingirik nikhi lagep mene andi herakfisigik, weak hokhorogoat hilingirik nikhi lagep mene andi herakfisigik, ikhi logoino o. Wene fano wene Allah nen hinendawimo awi yagaisogo fikhe mene andiba elok telhinabigin andi nen he, at awe a'ma kuluk, aren wene hinendawinggenma kagali'logo mene andiat wanhi logoino o.

1 PETRUS 2:2

Yi mene ti mene enduk mikhaluk, fano agarek andi hak, ninoe Enupogot obabut fano hikhi lagep andi nen he, omalik ket tago mene eilak nele nen nunggu mondok welagaikharek andi hak, wene fano wene hinendawinggen andiba wurik asumo fanothinabuagaluk, wene andiat wanhu mondok logoino o.