KISAH PARA RASUL 16:6 - Allah Wene Fano Wene Hupla Inane

⁶ A'nogo hilinglagu kwelek he, Allah Areagun en, ”Wene o propinsi Asia andoma yagaisogoin lek,” iluk inendawimo kagalhikhemo re, it o Frigia Galatia kwe andoma tulemkwe lagakhogo waga lagaukwasik,

KISAH PARA RASUL 16:6 ပူးပေါင်းရင်းမြစ်များ

YESAYA 30:21

Hiren ebekwe herak fisaluk taganhogo wulibi logoin oba nen, hinambotkwe nen yagahisikhi logolik, ”Ebekwe re yi o, yiba lani,” iluk yagahisikhi logogin.

KISAH PARA RASUL 10:19

Heinok wanhu kwelek he, at Petrus a'nogo abikanggo hasikhe mene a'nogo, ”Ebe ninggi'nogo mene higi,” iluk endawimo ebetoat were'ma, Allah Areagun nen he, ”Ap inebe henagan mene herakhabik wagaikhasik werego.

KISAH PARA RASUL 11:12

Wagaikhama re, Allah Areagun nen an mel yaganete: Ninom logoin elo'lek, iluk hendawimo menenei ebeti'legat, hinom lano o, iluk yaganete. A'nogo yaganetemo re, it Allah againafuri o Yope mene inebe 6 en wagaikhasik yoma werek yi ninomat o Kaisarea lago. Lagosik, nit mondogat ap Kornelius aiba kogo.

KISAH PARA RASUL 16:7

O Misia wagaukwasik andoma nen, o Bitinia louwogeluk isukwa meneat he, Allah Areagun en, ”O andoma logoin lego,” iluk inendawimo kagalhikhe.

KISAH PARA RASUL 18:23

O Antiokhia wagaikhesik welagaikhesigen he, hobuk o propinsi Galatia inom, Frigia inom, waga logolik andoma it afuni Yesus ane wanhukwa mene inendawinggen ago watfisilik nikhi lagaikhe.

KISAH PARA RASUL 19:10

A'nogo ugu mondok werek kwelek 2 tahun were'ma nen, it afuni o propinsi Asia andoma, Yahudi mene inom, Yunani mene inom, mondogat wene Fano wene a'nogo inesanggo holhukwa.

KISAH PARA RASUL 20:16

At Paulus nen endawimo anggikhi logolik he, ”An o propinsi Asia yoma yingitu kwelek, Pesta Pentakosta faget mondogat namo lagi hanogo iluk, o kota Efesus kwigi'lek pikhit o Yerusalem elok lambigen nogogin halok he, fano,” iluk endawimo anggasikkhesik, weak-weak lageluk isikhe.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

KISAH PARA RASUL 20:4

Lageluk ugunem, ap Sopater, Pirus amlogo, awi o Berea mene inom, Aristarkhus, Sekundus emberek inawi o Tesalonika mene inom, Gayus awi Derbe mene inom, Timotius inom, Tikhikus Trofimus emberek inawi o propinsi Asia mene inom, inom lagaukwa.

KISAH PARA RASUL 21:27

Enggi wenagaisogo yagaisasikhe a'nogo 6 en arat welagaukwasik, inenggi ekhe 7 meneba arat agu kwelek, it ap Yahudi mene ekhe o propinsi Asia nen wagaukwasik, Paulus ebe Allah awi wuri'mo were'ma ineilenggen hasukwa. Ineilenggen hasukwasik he, Paulus fakfouwageluk afuni hokhorogoat inanggele'ma menfesukwasik, inomen ebe fakfesukwa.

KISAH PARA RASUL 6:9

Hilinginafi lagaikhemo re, it ap Yahudi mene o Kirene mene inom, Aleksandria mene inom, inebe afuni ekhe inamingmingengge welagaukwasik hobuk inale'ma a'luk samban misi'mo ikhi lagaukwa mene inom, it afuni Yahudi mene ekhe o propinsi Kilikia mene inom, Asia mene inom, inomen at Stefanus ane ugunem menlagaukwasik he, anema lagik-lagokhogo wanhukwasik wenagetukwa.

KISAH PARA RASUL 8:29

A'nogo salik pugu kwelek he, at Allah Areagun nen Filipus yagati logolik he, ”Kereta andi pugunem agap fakha lambik oba horokhogo lan o,” iluk yagatikhe.

ROMA 16:5

Allah againafuri it Priskila Akwila emberek inaiba andogori'lagwi mene inomat, ”Paulus lagen hai wathinafa,” iluk yagaisano aro. Nen, ekhe re, ap Epenetus nendawi mene andi, ”Aren hai wathafe,” iluk yaga'no aro. O Asia andoma re, at andi tak endawinggen Kristus oba himbiret fesikhemo nen, it ekhe hobuk himbiret fesukwa.

1 KORINTUS 12:11

A'nogo wogisikherek andi re, Allah Areagun misigat andi nenat endawimo anggaluk, yi hilingitik, ti hilingitik, ikhi logouwageluk inebe lombok minggilogo wogisikherek andi.

1 KORINTUS 16:1

Yogondak he, hiren uang andogorogo hinerugwi hinagaila'lak Allah againafuri ekhe inobagauwogeluk egep andi re, wene it Allah againafuri o Galatia mene yagaisigi andi hagat hilingi'no o.

1 KORINTUS 16:19

Allah againafuri o propinsi Asia yi awi ti awi andogori'lagwi mene yoma nen hit hai wathinafa o. Ap Akwila agwe Priskila emberegaren, Allah againafuri it inaiba andogori'lagwi mene inomaren, ninoe Enupogot inom hundik logolik hai hokhorogo wathinafa aro.

2 KORINTUS 1:8

Nerugwi nagaila'lak. Nit o propinsi Asia a'lima nen yi enggin ti enggin hilingninafi lagaukwa mene andi hinonggot logoinogoluk yagahisak. A'nogo hilingninafi logolik, enggin mondok hokho niren hilingisu elo'lek mene ninoba fesukwama, ”Nit nineluk logogun lek higi,” iluk ninendawinggen na lagaikhe.

GALATIA 3:1

Hit afuni o Galatia mene hinendawinggen lek hilingiti lagep andi ri! Yesus Kristus ebe eba menfuluk watukwa wene a'nogo hineilhanemat furogo yagahisasugu meneat he, wene hobuk sa nen hinendawimo kagalhemo a'nogo hilingiti lagep.

2 TIMOTIUS 1:15

It afuni o propinsi Asia yi awi ti awi mene omanogo inebe mondogat an heraknobagaluk pugulogo wulifi logolik, at Figelus inom, Hermogenes inom, inomat pugulha andi hat heluat welagen o.

IBRANI 11:8

At Abraham ogo re, Allah nen ayonggo fesikhesik, ”Hat o ekhe eise logoinogeluk wokhesigen he, lano,” iluk abok yagatikhemo, aren he, ”Wene andi eberogoat,” iluk endawinggen Allah oba himbiret fuluk o koma lagain heat onggot logoligat wagaikhe.

1 PETRUS 1:1

Nerugwi nagaila'lak. An Petrus, Yesus Kristus nen na yonggo fesikhesik laknobagai wagaikhe mene a'nogo nen, wene yi lisu palogo hit nineisena Allah nen, hinebe attagat wenakhinafikhe mene, yogondak ya elama faget o yi awi ti awi pugulogo lagepsik, o propinsi Pontus inom, Galatia inom, Kapadokia inom, Asia inom, Bitinia inom, afuni inanggelekwe lombok welagepsek mene a'nogo hinoba lakfei wagio. Hinebe Allah nenat endawimo anggaluk wenakhinafikhesik, Yesus Kristus ane hologo hilingiti logouwageluk awe a'ma hinobagagik, amep oba hothinafik, igeluk he ”An nonggwarek nagainafuri asubagaigeluk wokhinafio,” iluk at Areagun en wokhinafikhe andi. Allah obabut fano a'nogo nen fano mene wokhisigik, hinendawinggen hobugalep hambugethinafik, hokhorogo ikhi logouwago.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

WAHYU 1:4

An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.