KISAH PARA RASUL 13:9 - Allah Wene Fano Wene Hupla Inane

⁹ A'nogo sebeligeluk ugunem, at Saulus, enu ekhe Paulus a'nogo nen he, Allah Areagun endawimo peterek logolik eilenggen Bar Yesus oba lurogo fikhi logolik he,

KISAH PARA RASUL 13:9 ပူးပေါင်းရင်းမြစ်များ

MIKHA 3:8

A'nogo hilingisugun oba nen, an enek he neisena Tuhan nen omame wo'netik, nen Areagun wo'netik ikhemo welagi o. A'nogo wo'netesik, wene futfuluk higithogo hilingitu mene faget inom, nen afuni Israel mene nen weak hilingiri'lagwi mene andoma faget nailo lekhogo inenggali warogo yagaisoageluk inom wo'netemo welagi o.

MATIUS 10:20

Wene onggo yagaisogoin andi re, hiren hinendawimo nen kagalogo ugun lek. We, hineisena Allah Areagun hinendawimo logolik he, yi'nogo ini o, iluk yagahisugu kwelek ugun o.

MARKUS 3:5

Kamo isukwama re, at Yesus eilenggen isilik lagaikhesik he, endawimo nen he: ”Inobabut lagi-lagorek yi ri!” iluk endawimo weak agaikhesik a'mage lagasikhe. A'mage lagasikhesik inoba uarogo re, ap a'nogo mel yagatikhe: ”Henggi pisat han o,” iluk yagatikhemo re, enggi pisat hasikhemo arat fano agaikhe.

MARKUS 8:25

at Yesus nen hobuk enggi eilenggen oba fakhasikhemo re, eilenggen tek isikhesik fano agaikhesik he, yi mene ti mene furogo hasikhe.

LUKAS 20:17

at Yesus ebe hebekhogo it omanogo eilenggen yerisasikhesik he, mel yagaisasikhe: ”It ap ekhe nen lisu palogo fikhi logolik he, It ap tukang o helep meneba wutarek mene nen, o ebe wuti logolik he, Helep yi weak, iluk herakfisasukwa mene andi ubuleat ya'lagama o, iluk lisu palogo fesukwa andi nenangge faget isukwa anggegep?

KISAH PARA RASUL 2:4

Ineilenggen a'nogo hugu kwelek, Allah Areagun it inebe mondogat inendawimo peterogo kwisikhe. Kwisikhesik he, Allah Areagun nen, ”At andi ane yi'nogo ikhi logouwak,” iluk anggasikhe higithogoat, it afuni ekhe inaneba uageluk yagaisugu kwelek elalinat ikhi lagaukwa andi.

KISAH PARA RASUL 4:31

A'nogo Allah ayonggo fikhi lagaukwama re, o it andogorek welagaukwaba andi abolok isikhe. Abolok ikhi logolik he, Allah Areagun inebe mondogat inendawimo peterogo kwisikhemo, wene Allah nen isikhe mene andi afuni inailo legat yagaisikhi lagaukwa.

KISAH PARA RASUL 4:8

at Petrus Allah Areagun endawimo peterogo welagaikhe mene a'nogo nen wene mel yagaisasikhe: ”Nogogwi kaindek lak inom, neisugwi lak inom, hinalabok.

KISAH PARA RASUL 7:55

Wasuogeluk ugu kwelegat he, at Stefanus Allah Areagun endawimo peterek logolik, eilenggen pogoroba liakhasikhe hak he, at Yesus Allah ebe fogeratarek mene a'nogo era'lu mendek emberek were'ma eilenggen liagisasikhe.