KISAH PARA RASUL 13:3 - Allah Wene Fano Wene Hupla Inane3 Yagaisasikhemo re, sumburu ninggi'lek samban ikhi lagaukwasigen, inenggi it Barnabas Saulus emberek inunggul sebelogo lakfisa wagaukwa. အခန်းကိုကြည့်ပါ။ |
Inenu isukwasik, Allah ayonggo fikhi logolik he, ”Nineisena. Yudas hat hane yagaisilik nikhi logouwageluk ayonggo fesigin meneat he, aren herakfisaluk wa'lasigin higithogoat wa'lagama, obali'mo ap inebe pire yi, haren ap ki hak ayonggo fegen. Hat afuni inebe mondogat inendawinggen helu andi. Halok, ap ebe yi ayonggo figi, iluk, haren yaganisan o,” iluk yagatukwa.
Logolik he, inenggi ekheba Allah againafuri inom Tuhan Allah awe a'ma kwisukwasik, sumburu ninggi'lek, at fogeratu were'ma, Allah Areagun nen yagaisikhi logolik, ”Barnabas Saulus emberegen an faget hilingiti logouwageluk, inayonggo figimo andi nen he, it inebe minggilogo an faget mennobagaino o,” iluk yagaisasikhe.
A'nogo yagaisaluk wulibi waga logolik he, o yi awi ti awi, Allah againafuri andogoti lagaukwa lombok, inogogwi ferinarek logouwageluk menfisaluk he, inenggi ekhe samban uogeluk sumburu ninggi'lek weat logolik samban yi'nogo ikhi lagaukwa: ”Tuhan Yesus ninoe. Hagainafuri inendawinggen hoba himbirik werek mene yi, ferinarek logoinogen iluk hat henggiba fogo o,” iluk samban ilik wulibi wagaukwa.
O Atalia nen he, i agum ebene nen e so warogo o Antiokhia inambotkwe lagaukwa. Andoma nen, a'nogo hilingirik nikhi logouwageluk fageat it Allah againafuri nen lakfisa waga logolik he, ”Allah obabut fano a'nogo nen wokhinarek loago,” iluk lakfisa wagaukwama a'nogo hilingirik nikhi lagaukwasik he, arat hilingi'luk inambotkwe hobuk lagaukwa andi.
A'nogo yagatikhemo, at Ananias a'nogo lagaikhesik he, oloba kwisikhesik, enggi Saulus oba fakhikhi logolik he, mel yagatikhe: ”Saulus, nagailak. Tuhan Yesus, hat o yoma wesigeluk kweba wagunem, helokhoma menlagama, heilenggen hegen mene a'naga nen, hat heilenggen fenggen lagik, Allah Areagun hendawimo peterogo kwi wagik, uageluk laknobagai wagama wagi o,”
Hat faget fageat it ap Allah againafuri kwelaginarek welagaikharek mene nen inenggi hunggul oba sebelhu kwelek, it ap Allah ane yagaisagarek mene nen mel isukwa andi: ”Hat hobuk yi'nogo hilingiti logoino,” iluk, yagahetukwa higithogo, Allah obabut fano nen ninobabut tomok wo'nisikherek a'nogo hat wokhetikhe mene andiba hilingiti'lek hobakhenene herakfisaguno.