KISAH PARA RASUL 13:2 - Allah Wene Fano Wene Hupla Inane

² Logolik he, inenggi ekheba Allah againafuri inom Tuhan Allah awe a'ma kwisukwasik, sumburu ninggi'lek, at fogeratu were'ma, Allah Areagun nen yagaisikhi logolik, ”Barnabas Saulus emberegen an faget hilingiti logouwageluk, inayonggo figimo andi nen he, it inebe minggilogo an faget mennobagaino o,” iluk yagaisasikhe.

KISAH PARA RASUL 13:2 ပူးပေါင်းရင်းမြစ်များ

1 TAWARIKH 16:4

A'nogo hilingitukwasik he, at Daud en it ap Lewi mene inebe wenagaisogo Peti Wene warek a'nogo era'lu andem en afuni Israel mene ineisena Tuhan Allah a'nogo obaget hilingisuogeluk wuni watik, fogeratik hilingitunem melalinabuageluk menfisasikhe.

DANIEL 9:3

A'nogo ebetirik, neisena Tuhan Allah nen endawit nabuagaluk su karung mene laberogo, sumburu ninggi'lek heang nebe wul oba hurek logolik, samban nane nelagaik nane Allah ayonggo figi.

MATIUS 6:16

A'nogo yagaisasikhesik he, ekhe mel yagaisasikhe: ”Hit sumburu ninggi'lek sambanat ugu mondok logouwogeluk halok he, it afuni ekhe inagap oba nek fano hak logolik, inendawinggen pire mene nen, Afuni ekhe nen enegat futninobagaluk inelokhonggen ofuselogo welagaikharek andi hak, logogun lek. It andi onggo hela hak he, we, afuni nen enegat yerisagarek andiat iluk, eberogoat yagahisigi o.

MATIUS 9:38

Andi nen he, Ap eabu eisewerek mene a'naga nen afuni enggen palugun mene ekhe lakfisoagen, At ayonggo fikhi logoino,” iluk yagaisasikhe.

LUKAS 10:1

A'nogo yagaisasikhesik ninoe Enupogoren ap inebe 70 nen heragaisogo fisasikhesik he, at onggwarek endawimo anggasikhe kwe yi awi ti awi o sili lombok loageluk, it andi tak inebe pirendek lombogethigik lakfisasikhe.

LUKAS 2:37

sogwe fesikhesik oba nen, at ebe umur 84 tahun mondok yaman agaikhesik welagaikhe. Logolik enggi ekhe sumburu ninggi'lek ambe heang fakhasikhesik Allah awi wuri'mo andoma linggene hubanggo abit agi'lek samban mondok ikhi lagaikhe.

KISAH PARA RASUL 10:19

Heinok wanhu kwelek he, at Petrus a'nogo abikanggo hasikhe mene a'nogo, ”Ebe ninggi'nogo mene higi,” iluk endawimo ebetoat were'ma, Allah Areagun nen he, ”Ap inebe henagan mene herakhabik wagaikhasik werego.

KISAH PARA RASUL 10:30

A'nogo yagaisasikhemo, at Kornelius nen he, ”O uage, mo hea i lagu kwelek, jam 3 ba o yi'nogo hilinglagunemat an naiba samban igi. Samban a'nogo ugunem he, ap ekhe asu amulit hokho laberek mene an neilhanemat menlasi pi waga.

KISAH PARA RASUL 13:3

Yagaisasikhemo re, sumburu ninggi'lek samban ikhi lagaukwasigen, inenggi it Barnabas Saulus emberek inunggul sebelogo lakfisa wagaukwa.

KISAH PARA RASUL 13:4

It Barnabas Saulus emberek Allah Areagun nen lakfisa wagaikhemo re, o Seleukia pi wagaukwa. Pi wagaukwasik he, o Seleukia andoma nen he, ima kwe i soba o Siprus i alonggenma wagaukwa.

KISAH PARA RASUL 14:26

O Atalia nen he, i agum ebene nen e so warogo o Antiokhia inambotkwe lagaukwa. Andoma nen, a'nogo hilingirik nikhi logouwageluk fageat it Allah againafuri nen lakfisa waga logolik he, ”Allah obabut fano a'nogo nen wokhinarek loago,” iluk lakfisa wagaukwama a'nogo hilingirik nikhi lagaukwasik he, arat hilingi'luk inambotkwe hobuk lagaukwa andi.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

KISAH PARA RASUL 22:21

A'nogo yagatunem, Tuhan nen he, it afuni endakwe mene yatma andoma inoba lakhobagagin andi nen he, lan o, iluk yaganetikhe,” iluk yagaisasikhe.

KISAH PARA RASUL 4:36

A'nogo hilingiti logolik he, ap ekhe enu Yusuf. Unggulenu Lewi mene. Aiba o enu Siprus mene, it ap Yesus nen inebe wenagaisogo inayonggo fuluk lakfisasikhe mene omanogo nen, nit ninaneba enu inendawinggen sebelek iluk u hak, it inaneba enu Barnabas salhukwa.

KISAH PARA RASUL 6:4

Menfisamo, it a'nogo hilingitu kwelek, niren he, samban igik, wene ebe wene andiat yagaisigik, ikhi logogun,” iluk yagaisasukwa.

KISAH PARA RASUL 8:29

A'nogo salik pugu kwelek he, at Allah Areagun nen Filipus yagati logolik he, ”Kereta andi pugunem agap fakha lambik oba horokhogo lan o,” iluk yagatikhe.

KISAH PARA RASUL 9:15

A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.

ROMA 1:1

Hit Allah againafuri o Roma welagep mene nerugwi nagaila'lak. At Allah hinebe endawi mene mondogat an Paulus Kristus Yesus amingmingengge mene a'nogo nen wene lisu palogo hinoba lakfei wagi andi o. An nen fano wene a'nogo afuni yagaisilik nikhi logouwageluk, Allah nen wenagaisogo mennobagaikhesik laknobagai wagaikhe o.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

1 KORINTUS 12:11

A'nogo wogisikherek andi re, Allah Areagun misigat andi nenat endawimo anggaluk, yi hilingitik, ti hilingitik, ikhi logouwageluk inebe lombok minggilogo wogisikherek andi.

1 KORINTUS 7:5

Halok he, hemi ap hinom nogo ikhi logogun. Heksek logogubo. Samban uogeluk halok he, yi'nogo ugun: ”Elama faget weat logouwok,” iluk weneane hinom imbigen, samban ikhi logombik he, hobuk hinom lambukhogo logoino. Hinendawinggen sebelugun elo'lek andi nen, Iblis nen hinendawimo kagalinogo iluk he, hinom lambukhogo logogun andi.

2 KORINTUS 11:27

Yi mene ti mene faget set kwil-kwalhogo hilingitik, hundik-handigat nogo neluk nogo igik, sumburu inom, i inom, legen nele welagik, hundik-handigat sumburu ninggi'legat welagik, nasu legen sogoi noatik, o koma nogo u heat agik, ikhi lagagisigat.

2 KORINTUS 6:5

Yei ninoatik, ninenggi hele warogo o hele warek fisagarek oba ninobagagik, afuni hokhorogo nen ninoba limamit palik-palik ninoasu hak hilinglagik, ugu kwelek welago. Yabu set kwil-kwalogo hilingitik, nogo u lek hak hilinglagik, sumburu nele agik, ikhi logolik hilingiti lago.

GALATIA 1:15

A'nogo meneat he, Allah obabut fano a'nogo nen attagat nagaisa alabutmo nen oan ta'nafi'lek werek kwelegat he, nebe wena'nafikhe.

EFESUS 3:7

An afuni inamingmingengge hak logolik, wene andi sumburisikhi logouwageluk, Allah obabut fano nen omamerogo hilingninaferek higithogoat nayonggo fesikhe andi.

ULANGAN 10:8

Wagaukwama, At nineisena Tuhan tom andiba nen afuni inunggulenu Lewi mene At faget hilingitik, Peti Wene Warogo Aren wo'ninafikhe mene elema kwalek andi waluk lagik, Aren afuni ekhe fanorinafi logouwagaluk enu hombuk palogo yagaisigik, ikhi logouwageluk inebe At onggwarek faget hilingitikhe andi. A'nogo hilingitikhemo, it yabu andi mene hilingitu mondok huli yogondak hilingitoat welagaikharek.

KOLOSE 4:17

At Arkhipus a'nogo wene mel iluk yaga'no: ”Ninoe Enupogoren yabu at faget yi'nogo hilingi'no iluk hayonggo fikhe mene andi, wurep kobokhogo hilingi'no,” iluk yaga'no.

1 TIMOTIUS 2:7

A'nogo anggikherek andi nen, aren he, ”Haren ebe wene andi afuni endakwe mene nen eberogoat iluk inendawimo anggaluk wanuageluk, yagaisilik nikhi logoino,” iluk, an nayonggo fuluk laknobagai wagaikhemo, yagaisilik nigirek andi. A'nogo igi andi eberogoat igi. Nera nen igi lego.

2 TIMOTIUS 1:11

A'nogo isikhesik, an fano wene andiat yagaisigik, komorinafik, ilik nikhi logouwageluk nayonggo fesikhesik laknobagai wagaikhemo nikhi lagi andi.

2 TIMOTIUS 2:2

An nen wene afuni hokhorogoat ineilhanem yagahetigimo wanhigin mene a'nogo, haren it afuni ekhe inobabut humbunsek mene nen it ekhe yagaisikhi logouwageluk, inoba feino.

2 TIMOTIUS 4:5

It a'nogo hilingitu kwelegat he, hat he, yi mene ti mene faget, hobabut hebelogo logolik, hoba yi enggin ti enggin hikhi logolik, hafe morogoat logoino. Fano wene yagaisilik nikharek andi meneat esinet fuluk he, Allah nen, ”Yi'nogo leberisikhi logoino,” iluk, hayonggo fesikhe mene andi ekhe herakfisigi'legat higithogo hilingiti logoino.

IBRANI 5:4

It a'nogo hilingiti logouwogeluk, ”An nebe Allah eisewerek kain logogin,” iluk inonggwaregen menfakhagarek lego. We, at Allah nenat, ap Harun ayonggo fesikhemo menfesukwa andi hak, Allah nen inayonggo fugu halogat menfisagarek.

1 SAMUEL 2:11

A'nogo fogeratikhesik he, at Elkana againafuri inom o Rama inambotkwe lagaukwa. A'nogo meneat he, omalik Samuel a'nogo o Silo andoma herakfuluk lagaukwama, ap Eli Allah eisewerek mene a'nogo nen fisogo werek kwelek nineisena Tuhan faget hilingiti lagaikhe.