Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.
KISAH PARA RASUL 13:10 - Allah Wene Fano Wene Hupla Inane10 mel yagatikhe: ”Hat hebe Iblis amlogo o. Afuni lalinafik, nongerinafik, ugu mondok logolik, yi mene ti mene higit hilingisuogeluk ugunem he, haren legetfisageluk hilingitu mondok welagen yi ri! Tuhan Allah nen, afuni telninabigeluk kwe higithogo yakninobagasikhe mene, haren kamo igi'lek weaget inobagaigeluk ugu mondok welagen andi nahalok. အခန်းကိုကြည့်ပါ။ |
KISAH PARA RASUL 13:10
23 ပူးပေါင်းရင်းမြစ်များ
Arigini'mo re inebe mondogat he obabut higithogo nek inoba fagain, nen o kweangma yoma yi'nogo ti'nogo hilinglagarek mene omanogoba nen inendawinggen mondogat heiselek mene re andi nek werek. At ebe eluk logolik oba re weak mene omanogo endawinggenma peterogo welagik, wenggelherek mene agore kemburogo nek ebethaluk igik, ikherek. A'nogo hilingitila'luk ferekhogo aremnogoat at ebe wa'lagarek.
Iren he inaneba nen, ”Tuhan oba enggin ekhe werek,” iluk aga hanogo. Afuni ekhe nen ambi ane andi mene ekhe ugu halok he, An nen ibi-eberogo nen ikhi lagi mene andi enggin mene oba fagain o. Ap aneba nek ikhi logolik, ”Tuhan oba enggin werek,” agarek mene andi re An it ineisena Allah nane, An Allah neluk mondok welagirek mene Tuhan Mondok esin mene a'nogo nane oak sagali'lagwi o.
Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.
A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!
A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.
A'nogo isikhemo re, at Tuhan Yesus nen mel yagatikhe: ”Hit ap Farisi mene hinagaiwak andi inom, piring andi inom, we, endakwe nek he fanorogo sobalhi lagep meneat he, elonggoma afuni inagarek hinenggi abisak helikhi lagep mene andi inom, yi weak ti weak hilingiti lagep mene andi inom, hinendawimo mondok hokhorogo peterek werek andi weago!
Halok he, hit ap Allah ane lisu palek yagaisikhi lagep mene yi, oloba kwe hurogo kuogeluk walhagarek hak, it afuni ekhe yi wene ti wene inelu asuogeluk walhugunem, hiren kunci telaluk fisogo logolik hinonggwarek hinelu asuogeluk yanggulhi'lek logolik, it ekhe yangguluogeluk ugunem, hiren he: Yanggulugun lego, iluk wenagisikhi lagep andi nen Allah nen weaget hinabigin o,” iluk a'nogo yagaisaluk he,
A'nogo yagatukwama at Yohanes nen he mel yagaisasikhe: ”At Yesaya Allah ane yagaisikhi lagaikhe mene a'nogo nen, mel isikhe: Ap ekhe o leimo afuni le'ma andoma ane hokhorogo ikhi logolik he, Ninoe Enupogot wesigin kwe fanorogo yati logoni o, iluk, ikhi logogin, iluk isikhemo lisu palek werek a'nogo re, nebe anaro,” iluk yagaisasikhe.
A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.
A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.
Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.
ကြော်ငြာတွေ