KISAH PARA RASUL 13:1 - Allah Wene Fano Wene Hupla Inane

¹ Allah againafuri o Antiokhia andogoti lagaukwa mene omanogo, it ekhe nen Allah ane yagaisigik, it ekhe nen yagaisigik, ikhi lagaukwa mene inebe ap ekhe Barnabas andi, ekhe Simeon enu Ebe muli ikhi lagaukwa mene andi, ekhe Lukius o Kirene mene andi, ekhe Menahem, Herodes kain gubernur agailak emberek ambine kulinafukwa mene andi, ekhe Saulus andi, welagaukwa.

KISAH PARA RASUL 13:1 ပူးပေါင်းရင်းမြစ်များ

MATIUS 27:32

Yesus ebe wasuogeluk waluk, o silimo nen arat wulibi wagaukwasik wagunem, ap ekhe enu Simon, aiba o Kirene mene inom ambi agaukwasik he, inane ninghogoat mel yagatukwa: ”Yesus eba menfembik wasugun mene e yi hat woginabin o,” iluk yagatukwa.

LUKAS 3:1

Ap kain enupogot Kaisar Tiberius andi afuni Roma mene mondogat at enggiba ferinarek 15 tahun werek kwelek andi huliat, ap Pontius Pilatus andi ebe gubernur o Propinsi Yudea welagaikhe. Nen, ap Herodes andi ebe kain logolik, o Galilea tonggwe andoma ferinarek welagaikhe. Nen, ap kain Herodes agot Filipus andi ebe kain logolik he, o Iturea andoma inom, o Trakhonitis andoma inom, ferinarek welagaikhe. Nen, ap Lisanias andi ebe kain logolik, o Abilene andomaat ferinarek welagaikhe.

KISAH PARA RASUL 11:30

A'nogo andogotukwasik he, Barnabas Saulus emberegen, inenggim waluk lagaukwasik, it ap Allah againafuri kwelaginarek welagaukwa mene inenggiba fei loageluk lakfisasukwa andi.

KISAH PARA RASUL 12:25

A'nogo hokho agu kwelek he, it Barnabas Saulus emberegen, afuni Yerusalem mene arat leberisaluk he, inambotkwe wesuogeluk, ap enu Yohanes igik, Markus igik ikhi lagaukwa mene andi waluk wagaukwa.

KISAH PARA RASUL 13:9

A'nogo sebeligeluk ugunem, at Saulus, enu ekhe Paulus a'nogo nen he, Allah Areagun endawimo peterek logolik eilenggen Bar Yesus oba lurogo fikhi logolik he,

KISAH PARA RASUL 15:32

Inendawimo inagaiyek agaukwama re, at Yudas Silas emberek Allah ane yagaisikhi lagaukwa mene andi nen he, Allah againafuri omanogo inendawinggen sebelhik, ago warinafik, uogeluk he, wene hokhorogoat yagaisikhi lagaukwa.

KISAH PARA RASUL 15:35

It Paulus Barnabas emberek ogo re, o Antiokhia andoma kamo isukwasik, it afuni ekhe hokhorogoat inom andoma logolik he, Wene Fano wene andi yagaisigik, komorinafik, ikhi lagaukwa.

KISAH PARA RASUL 19:6

Pelaginafukwama, at Paulus nen enggi inunggul sebelhunem he, Allah Areagun inoba pi wagaikhemo, iren he, wene it ekhe inane inonggot meneba elalinat igik, Allah ane it ekhe yagaisigik, ikhi lagaukwa.

KISAH PARA RASUL 21:9

At Filipus a'logomi inebe 4 mene re, inebe silerik logolik, Allah ane yagaisikhi lagaukwa mene welagaukwa.

KISAH PARA RASUL 4:36

A'nogo hilingiti logolik he, ap ekhe enu Yusuf. Unggulenu Lewi mene. Aiba o enu Siprus mene, it ap Yesus nen inebe wenagaisogo inayonggo fuluk lakfisasikhe mene omanogo nen, nit ninaneba enu inendawinggen sebelek iluk u hak, it inaneba enu Barnabas salhukwa.

KISAH PARA RASUL 9:1

A'nogo hilingitu kwelek, at Saulus a'nogo a'mage lagasikhesik he, afuni ninoe Yesus ane wanhukwa mene omanogo inoasigeluk weim abok endawimo logolik, it ap Allah eisewerek inoe kain mene oba kwisikhesik mel yagatikhe:

ROMA 16:21

At Timotius an nagailak nemberek Allah faget hilingiti lago mene a'nogo nen: ”Hai warinafi o,” iluk yaganetemo nen yagahisigi o. Ap nit mene Lukius inom, Yason inom, Sosipater inom, yoma nen: ”It hai warinafo,” iluk yaganetama nen yagahisigi aro.

1 KORINTUS 11:4

Ap inebe lombok inunggulasu salogo nen afuni andogore'ma samban igik, wene yagahisigik, ili'lagwi halok he, ninoe Enupogot enggali wasu hagat hilingiri'lagwi.

1 KORINTUS 13:2

Nen, Allah ane fano mondok yagaisigik, wene afuni inendawimo hinago welagarek mene andi mondogat nelu agik, yi wene ti wene ekhe mondogat neluat welagik, nendawinggen Allahba mondok himbiret fuluk he, tom ekhe obali'mo nen sanokhogo ekhema loageluk yagasigin elok welagik, ikhi logolik meneat he, afuni ekhe inebe nendawirogo logogin lek halok he, we tulemat ikhi logogin o.

1 KORINTUS 13:8

A'nogo ikhi logombik he, inenggi ekhe sambul Allah ane yagaisagarek andi mene hobuk yagaisagain lek agik, afuni inane inonggot mene elalinat agarek andi mene hobuk ugun lek agik, yi wene ti wene inelu welagaikharek mene andi hobuk inelu asugun lek agik, ugun meneat he, afuni inebe inendawirogo welagaikharek andi mene nek, lek agi'lek mondok logogin o.

1 KORINTUS 14:29

Nen, Allah ane yagaisagarek mene andi inebe pire nen a? Henagan nen a, yagahisogoin. A'nogo yagahisugu kwelek he, hit ekhe nen, wene higit ili'logo igik, kwanirogo ili'logo igik, obabut palhi logogun o.

1 KORINTUS 14:32

At Allah re, hesangge-pesangge hilingiterek mene fuk. Athe, we, higithogo nek hilingiterek andi nen he, it ap Allah ane yagaisagarek mene andi, wene yagaisikhi logouwageluk at Areagun en inobabut wogisikherek mene andi eise asimbik logolik, inonggwaregenat, ”An yi'nogo yagaisak, ti'nogo yagaisak,” iluk ikhi logogun o. Wene Allah nen komotninafikhe wene a'nogoba lisu palogo fikhi logolik he: ”Hemi re, inane legat inawe a'ma logogun,” iluk isikhe andi nen he, Allah againafuri o yi awi ti awi andoget fuluk welagaikharek hak, hit hinebe andogorek logolik he, hemi inane legat logogun o. Inane sagalhi logogun lek.

1 KORINTUS 9:6

I a, athe, it andi yabu wanhi'lek weat werek kwelek, an Barnabas nemberek ninalegat enek yi mene ti mene ninenggiba nen set kwil-kwalhogo hilingi'lugen herakfisogoin anggegep?

GALATIA 2:13

At ane pire logolik ikhogo wulifikhe hak, it afuni Yahudi mene fena inebe mondogat inom wulifi logolik he, at Barnabas a'nogo endawimo kagalogo hobuk it inane pire mene andi inoba mangotikhesik wulifikheat.

GALATIA 2:9

A'nogo futninobagasukwasik he, it Yakobus inom, Petrus inom, Yohanes inom, Allah againafuri nen he, ”Nit ninogogwi it werek,” iluk agarek mene nen he, ”Hiren he, wene afuni endakwe mene yagaisilik lano. Nen, niren he, afuni inagap inenggalimo mene palek mene faget yagaisilik logoin. Ninom hundigat hilingiti logouwok,” iluk he, Barnabas nemberek ninenggi fak-fak hai wa'ninafukwa.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

FILIPI 4:22

It Allah againafuri o yoma welago mene mondogat lambulogo nen hai wathinafa aro. Hai a'nogo wathinafi logolik, ebe esin hangge re it at kain Kaisar inom welagaikharek mene nen hai wathinafa o.

1 TESALONIKA 5:20

Allah ane at Areagun nen inendawimo kagalogo yagaisikherek mene andi, hinendawimo sebelfisigik, ikhi logogubo.