KISAH PARA RASUL 12:9 - Allah Wene Fano Wene Hupla Inane

⁹ ombo'neat wulifikhe. Wulifi logolik, at malaikat a'nogo nen eberogoat hilingitikhe meneat he, at Petrus obakhe palek logolik he, ”Nabi hikhi lagi he a,” iluk endawimo anggasikhe.

KISAH PARA RASUL 12:9 ပူးပေါင်းရင်းမြစ်များ

KEJADIAN 45:26

Ambit asi lagaukwasik iren ineisena yagati logolik he, ”Yusuf he eluk werego” nen, ”At ebere o Mesir oba at he ebe kainat mendek werek,” iluk yagatukwama holhikhesik he, at Yakub ane igik lek oba fok agaikhesik, iren isukwa mene a'nogo faget eberogo ili'lagwi iluk anggasikhe lek.

KEJADIAN 6:22

A'nogo yagatikhemo, at Nuh wene Allah nen, yi'nogo hilingi'no ti'nogo hilingi'no, iluk yagatikhe hagat mondogat higithogo hilingitikhe.

MAZMUR 126:1

Allah awi wuri'mo lagakhi logolik wuni watukwa mene. At Tuhan nen o Yerusalem a'nogo ambotkwe fanot fesikhemo, niren kwelakhasugu re inabi wokhugu mene hak hilingi'mo hasugu.

YOHANES 2:5

A'nogo yagatikhe meneat he, at agaisa nen, it he ita mene eisewerek inamingmingengge omanogo inoba mel yagaisasikhe: ”Aren, yi'nogo hilingi'ni, ikhe halok he, at igin mene andiat hilingi'no,” iluk yagaisasikhe.

KISAH PARA RASUL 10:17

Lagasikhemo at Petrus nen he, ”Nabikanggo higi andi ebe ninggi'nogo mene heat,” iluk endawimo menenei uan horok ebeti logolik were'ma re, it ap Kornelius nen lakfisasikhe mene omanogo lagaukwasik, afuni ekhe yagaisikhi logolik he, ”Simon aiba ki,” iluk heinok wanhukwama, iren he, ”Aiba ari,” iluk isukwama, kweba arat kwisukwa.

KISAH PARA RASUL 10:3

A'nogo ugu mondok logolik he, enggi ekhe sambul, o mo hea i lagu kwelek jam 3 hak, abikanggo mel hasikhe. Malaikat Allah nen yonggo pelakfisa wagarek mene omanogo ekhe pi wagaikhesik at oba kwisikhesik he, ”Kornelius,” iluk yagatikhe.

KISAH PARA RASUL 11:5

”An o Yope andoma samban ikhi logolik he, nabikanggo oba mel higi. Su kain hangge hokho unggut 4 en ugu mene hele kelogo pogoroba nen nera'lu pelakfei wagunem nabikanggo hikhi logolik neilenggen higi.

KISAH PARA RASUL 12:8

Pisikhemo re, at malaikat a'nogo nen he, mel yagatikhe: ”Halinggin itik, heisok sepatu labetik, in o,” iluk yagatikhe. A'nogo yagatikhemo labetikhemo re, at malaikat a'nogo nen he, ”Su endakwe mene laberogo re, nombo'ne eme o,” iluk yagatikhemo,

KISAH PARA RASUL 26:19

A'nogo yagatikhesik, ekhe mel yagatikhe: ”Andi nen, Agripa noe. Allah nen Yesus nelokhoma menlasuageluk lakfei wagaikhe mene andi, ane hologo hilingiti logoigeluk nomamerogo hilingitu mondok welagi.

KISAH PARA RASUL 9:10

Werek kwelek, o Damsyik andoma ap ekhe Tuhan Yesus ane wanhikhe mene enu Ananias welagaikhe. Were'ma, Tuhan nen he, abikanggoba mel yagatikhe: ”Ananias,” iluk ane fakhugunem, aren he, ”Wu! Noe. Nebe yi welagi,” iluk isikhe.

IBRANI 11:8

At Abraham ogo re, Allah nen ayonggo fesikhesik, ”Hat o ekhe eise logoinogeluk wokhesigen he, lano,” iluk abok yagatikhemo, aren he, ”Wene andi eberogoat,” iluk endawinggen Allah oba himbiret fuluk o koma lagain heat onggot logoligat wagaikhe.