KISAH PARA RASUL 12:8 - Allah Wene Fano Wene Hupla Inane

⁸ Pisikhemo re, at malaikat a'nogo nen he, mel yagatikhe: ”Halinggin itik, heisok sepatu labetik, in o,” iluk yagatikhe. A'nogo yagatikhemo labetikhemo re, at malaikat a'nogo nen he, ”Su endakwe mene laberogo re, nombo'ne eme o,” iluk yagatikhemo,

KISAH PARA RASUL 12:8 ပူးပေါင်းရင်းမြစ်များ

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

MARKUS 6:9

We, hineisok oba sandal enek igisogo laga logolik he, hinebeba su pirendek labeti'lek misiktek laberogo lano,” iluk yagaisasikhesik ekhe mel yagaisasikhe:

LUKAS 12:37

At kain a'nogo amingmingengge mene omanogo inoe yerogo were'ma ebe waga logoumo re, inendawimo inagaiyek hokhorogo anggogoin o. A'nogo yerogo were'ma wesimbik he, at inoe a'nogo obakhe hele pukhogo, agoromi omanogo isago noageluk inebe misi'mo lambukhogo hutfisambik he, aren sumburisagain o, iluk yagahisigi,” isikhe.

KISAH PARA RASUL 12:7

A'nogo were'ma re, malaikat Tuhan yonggo pelakfisa wagarek mene omanogo ekhe ka nen heat andoma menlagunem he, o hulu senggele'ma a'nogo mondok selek ombak hokho mene hilinglagaikhe. A'nogo hilinglagaikhemo, at malaikat a'nogo nen he, Petrus eluk asuageluk abelenggen oba enggi nen elelhikhi logolik, mel yagatikhe: ”Weak-weak menlame,” iluk yagatikhemo menlagunem he, posiemanggen a'nogo enggiba nen erabisak lologo pisikhe.

KISAH PARA RASUL 12:9

ombo'neat wulifikhe. Wulifi logolik, at malaikat a'nogo nen eberogoat hilingitikhe meneat he, at Petrus obakhe palek logolik he, ”Nabi hikhi lagi he a,” iluk endawimo anggasikhe.

KISAH PARA RASUL 8:26

O kota Yerusalem lagaukwasi'mo re, malaikat Tuhan en yonggo pelakfisa wagarek mene ekhe Filipus oba pi wagaikhesik wene yagati logolik he, ”Hat hebe siakhogo, o Yerusalem en o Kasa i ambutmo higit pagarek kwe, afuni inebe lekwe andi nen pino o,” iluk yagatikhemo re, siakhogoat pisikhe.