KISAH PARA RASUL 12:7 - Allah Wene Fano Wene Hupla Inane

⁷ A'nogo were'ma re, malaikat Tuhan yonggo pelakfisa wagarek mene omanogo ekhe ka nen heat andoma menlagunem he, o hulu senggele'ma a'nogo mondok selek ombak hokho mene hilinglagaikhe. A'nogo hilinglagaikhemo, at malaikat a'nogo nen he, Petrus eluk asuageluk abelenggen oba enggi nen elelhikhi logolik, mel yagatikhe: ”Weak-weak menlame,” iluk yagatikhemo menlagunem he, posiemanggen a'nogo enggiba nen erabisak lologo pisikhe.

KISAH PARA RASUL 12:7 ပူးပေါင်းရင်းမြစ်များ

2 SAMUEL 22:29

An naesage re Harenat ibilnafi lagen, Neisena Allah harenat an o mummo were'ma seleget nafi lagen.

1RAJA-RAJA 19:5

A'nogo yagatikhesik, e a'nogo eroma ebe weinglagaikhesik he, nogo isikhe. Nogo a'nogo ugu kwelek, at malaikat ekhe ka nen heat weinam agaikhesik he, ebe enggi fakfesikhesik mel yagatikhe: ”Elia, heluk asimbik he, hamburu nan o,” iluk yagatikhe.

1RAJA-RAJA 19:7

A'nogo nogo ugunem, at malaikat a'nogo hobuk wagaikhesik ebe enggi fakfesikhesik he, mel yagatikhe: ”Elia. Heluk asimbik he, hat kwe uankwe lagainmo re, hamburu nan o,” iluk yagatikhe.

MAZMUR 107:14

Aren he it inebe o mum oba omanogo nen inom posiemanggen meneba homago mene omanogoba nen inom, hele fikhalogo wulakfisa waga lagaikhe.

MAZMUR 116:16

An yi neisena Tuhan hamingmingengge mene o. Nagaisa nen Hat faget hilingiti lagaikhe hak, an ogo Hat fagerat hilingitirego. Nebe hele warek were'ma, Haren hele fikhalnafigin.

MAZMUR 146:7

Afuni sebelogo fisagarek mene re At Tuhan nenat inebikhit a'luk inili woginaferek, afuni inamburu nele were'ma Aren nunggu mene wogisikherek. It afuni hele warek were'ma Aren lologo wulak fisikherek,

MAZMUR 34:7

Afuni inonggwaregen hilingisu elo'lek mene nen Tuhan ayonggo fugunem, enggin-fenggin inoba werek mene mondogat he Aren leget fikherek.

MAZMUR 68:6

It yenggerugwi suarek mene inom, nen hemi sogwe mene inom, ferinarek mene re ineisena At Allah Awi mondok hore'ma welagarek mene andi aro.

YESAYA 37:30

Ekhe Yesaya nen Hizkia ba wene yi'nogo lakfesikheat, ”Hat hoba enegengge asigin mene re, tahun yiba inom tahun hobuk wesigin meneba inom he afuni re anggur enggen amu wilibik mene palogo ninggi logogun. Oba nen he andem ninggi la'luk tahun henaganek meneba re inonggwaregen gandum awi inom anggur awi inom yakfuluk enggen palogo ninggi logogun oba asi wesigin o.

YESAYA 60:1

Hat Yerusalem yi re, selek hat hebe telhabigin mene a'nogo mondogat waga andi nen he hebe menla'luk selegabesin o, Allah ombak-bak he hat hoba fisari'lago.

YEREMIA 40:1

At Nebuzaradan it Babel mene tentara faget inoe welagaikhe agun a'nogo nen an o Rama nen lologo nobagaikhemo were'ma Tuhan ane an noba yaganete. An he afuni Yerusalem mene inom Yehuda mene inom hele warogo woginarek o Babel lagunem aremnogo nenggi hele warogo wo'narek lagaukwama andoma welagi.

YEHEZKIEL 43:2

andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.

DANIEL 3:28

A'nogo isasukwasik, at raja nen mel isikhe: ”Allah Enupogot Sadrakh inom, Mesakh inom, Abednego inomen fogeratarek mene andiat fogerati logouwogo. It he afuni nen, Nineisena ebe yi aro, iluk fogeratarek mene andi fogerasu inabit logolik, we it ineisena Allah it fogeratarek mene andi nek fogerasugun iluk inendawinggen at oba himbiret fuluk logolik, Ninebe ninoasugun halok fano aro, iluk an nen wene ero wulafi mene herakfisagama, wene inoba figi meneat he, At Allah nen amingmingengge inebe henagan aremnogo faget agoromi malaikat mene ekhe inoba lakfei wagasik it inebe telinafe andi.

DANIEL 6:22

Heinok a'nogo wokhasikhemo, at Daniel en he, mel yagatikhe: ”Henupogot mene noe. Hebe heluk mondok logoino o.

MIKHA 7:9

Niren Tuhan oba weak mondok hilingitugumo re, yogondak nit hilingitugu onggo At anini ninoba fugunem ikhi lago. Oba nen he, aninurogo welagi'legat Aren nit ninebikhit asimbik ninili wanhik, ninobaget higithogo hilingninobagagik, Aren nit ninebe wo'ninarek o selek oba wilibi wagik igin. Aren telninabigin mene andi hilingitunem he nit ninebe lombogen hogoin enek.

HABAKUK 3:11

Handok pisingethugunem ombak-bak he furung warogo lagik, harigeba fangetunem amulit yabelanget higik, ugunem he, mo inom, tugi inom, lagi'lek aloksek werek andi.

HABAKUK 3:4

Hat hebe wagunem he hombak-bak yararet hilik waga lagen, nen Hat henggiba nen he hasinandi amulit tibelenggeri'lago. A'nogo tibelenggeri'lagoba andoma re Hat homame a'nogo hinago welagen.

MATIUS 2:13

It ap hesagal ineilenggen en waluk wagaukwa mene omanogo arat lagaukwama re, hubanggo at Yusuf nogo ugunem malaikat pogoroba nen wagaikhesik he, abiba mel yagatikhe: ”Yusuf. Hat he, omalik tago ari agaisa emberegat woginarek, o Mesir andoma heise lan o. Lambik he, andomaat logoino o. Were'ma an nen yagaheti halogat we'no. At kain Herodes a'nogo nen omalik tago ari wasigeluk ili'logo o,” iluk yagatikhemo abi hasikhe.

LUKAS 2:9

A'nogo were'ma aremnogo, Tuhan nen malaikat pogoroba nen yonggo pelakfisa wagarek mene ekhe ka nen waga heat wagaikhesik inera'lu menlagunem he, nineisena Tuhan ombak-bak hokho mene a'nogo inoba selegaphogo fisasikhemo, it inailo mondok hokho agaukwa.

LUKAS 24:4

Warek ebe le'ma hasukwasik he, ”Yi ninggi'nogo hilinglagama,” iluk inobakheindok palagaikhesik menenei ebetunem, ap inebe pire inasu kut amulit hokho mene laberogo, it hemi ineilhanem aremnogo ka nen heat inera'lu menlasi wagaukwa.

KISAH PARA RASUL 10:30

A'nogo yagaisasikhemo, at Kornelius nen he, ”O uage, mo hea i lagu kwelek, jam 3 ba o yi'nogo hilinglagunemat an naiba samban igi. Samban a'nogo ugunem he, ap ekhe asu amulit hokho laberek mene an neilhanemat menlasi pi waga.

KISAH PARA RASUL 12:6

Samban a'nogo ugu kwelek he, at Herodes nen ohealekwe re Petrus ebe waganogo afuni inenggiba feigeluk endawimo anggasikhesik, oan werek kwelek he, o andi sambul hubanggo, ap tentara mene omanogo, it inebe ekhe kweba kagalek werek kwelek, inebe pire ekhe Petrus enggi fena-fena hele homago nogo ugu kwelek, it abel fena-fena logolik hele elugun inenggiba kelogo welagaukwa.

KISAH PARA RASUL 12:8

Pisikhemo re, at malaikat a'nogo nen he, mel yagatikhe: ”Halinggin itik, heisok sepatu labetik, in o,” iluk yagatikhe. A'nogo yagatikhemo labetikhemo re, at malaikat a'nogo nen he, ”Su endakwe mene laberogo re, nombo'ne eme o,” iluk yagatikhemo,

KISAH PARA RASUL 16:26

A'nogo ugunem, misigamat lugul hokho mene langethugunem he, o hokho wuri'mo welagaukwaba andi o tik warek mene erak-kwerak hikhi logolik, kwe yagarek mene mondogat houwak lambuk igik, afuni mondogat inenggi hele warek welagaukwa mene omanogo fikhalagik, isikhe.

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

KISAH PARA RASUL 5:19

Kwelakfisasukwasik were'ma re, malaikat ninoe Tuhan yonggo pelakfisa wagarek mene omanogo ekhe hubanggo pi wagaikhesik he, o afuni inenggi hele warek fisagarek oba, kwe yagarek mene a'nogo meisak lambukhogo hilingitikhesik inebe woginarek wulibi wagaikhe.

KISAH PARA RASUL 9:3

A'nogo yagatikhemo, wogetikhemo re, waga lagaikhesik, o kota Damsyik andoma horokhogo kwigin ha'ma re, ferekhogo aremnogoat pogoroba nen ombak-bak yararet hikhi logolik at oba seleget fei wagaikhe.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

WAHYU 18:1

A'nogo yaganetesi'mo nen ombo'ne re, at malaikat hunogo mene ekhe pogoroba nen pi wagunem yethigi. At andi omame mondok hokho logolik, ebe amulit hokhoma re, afuni kweangma mene mondogat inoba ibilogo yethikhi laga higi.