KISAH PARA RASUL 12:4 - Allah Wene Fano Wene Hupla Inane4 A'nogo watukwasik he, o afuni inenggi hele warek fisagarek oba fei lagaukwa. Fei lagaukwasik he, ap tentara mene inebe 16 nen logolik he, attak inebe 4 en kagalek welagik, hobuk inebe 4 enat kagalek welagik, ikhi logouwageluk inayonggo fesikhesik he, at Herodes endawimo nen mel anggasikhe: ”Seni enu Paskah nogoin a'nogo naluk he, Petrus waganogo afuni ineilhanem wene oba fembik wasuogen, enggi hele waregat logouwago,” iluk endawimo anggasikhe. အခန်းကိုကြည့်ပါ။ |
Andem sambul it Yahudi mene domba wam warogo seni Paskah isati lagaukwa a'nogo mene inom, Linggene Roti Fiterek Lek Meneba hilingisuogeluk inom, inenggi pire wela'luk ekheba nouwogeluk logolik, it ap Allah eisewerek mene omanogo inogogwi kaindek inom, Allah ane lisu palek eisewerek mene omanogo inom, Yesus eil warogo fakfuluk wasuogeluk weim abok ikhi lagaukwa.
Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.
A'nogo yagatikhesik he, wene ekhe mel yagatikhe: ”Attagat hat hebe alage logolik he, An o andoma lagain, iluk halinggin honggwaregenat ninghogo ikhaluk laga lagagin meneat he, hobuk hat hebe yaman asumo, henggi pisarogo lakfugunem he, it ekhe nen hat henggi hele ninghogo homakhabimbik he, o hat lagain habit oba wokharek logoin o, iluk eberogoat yagaheti,”