KISAH PARA RASUL 12:3 - Allah Wene Fano Wene Hupla Inane

³ A'nogo watukwama, at Herodes endawimo nen he, ”An a'nogo hilingiti lagi andiba, it ap Yahudi mene inendawimo inagaiyek mondok agaikha o,” iluk, hobuk Petrus enggi hele wasuageluk agoromi yagaisasikhemo, Pesta Roti Fiterek Lek Meneba werago mene nunggu kwelek enggi hele watukwaat.

KISAH PARA RASUL 12:3 ပူးပေါင်းရင်းမြစ်များ

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

KELUARAN 23:15

Tugi Abib andi oba re, huli warek werek higithogo hiren Roti Fiterek Lek mene, Linggene Esin mene An nen hilingiti logouwageluk melalhinobagasigi higithogo seni isati logogun andi, ero re tugi andiba hit o Mesir herakfuluk wulibi wagagip andiba re a'nogo hilingiti logogun. Hiren hinenggi sabiren andem oba An napne wanhi logolik roti fiterek meneba weragongge ninggi lagou fuk. Nen hiren An were'ma andogosi waga logolik he, hundik-handik andoma An nobaget fugu meneet waluk waga logoino.

MATIUS 26:17

Yudas a'nogo endawimo ebetu kwelek he, it afuni Yahudi mene Linggene Roti Fiterek Lek Mene inenggi attak lilu werago nenggarek mene nouwogeluk ikhi logolik, at Yesus agoromi ane wanhi lagaukwa mene omanogo oba wagaukwasik he, mel yagatukwa: ”Noe. Hat wam domba seni Paskah faget nanogen he, niren yi mene ti mene o koma tegelogo fei logoin hamolo anggegen,” iluk oba heinok wanhukwama,

YOHANES 12:43

It andi Allah nen fogerinabuageluk hilingiti lagaukwa lek, we afuni nen fogerinafu mene inamolo nen hilingiti lagaukwa.

YOHANES 19:11

at Yesus nen he mel yagatikhe: ”At Allah nen he, Haren wene afuni inoba figik, kotik, ikhi logoino, iluk hat eisewerek fagailep le'ma re, haren wene noba fagain elole'k aro. Andi nen he, Haren weak hilingiten, iluk wene hoba endebat hak werek meneat he, at ekhe nen an nebe waganogo hat henggiba nobagai waga mene andi nek he, weak hilingite iluk wene hokho mene hak oba werego,” iluk yagatikhemo,

YOHANES 21:18

A'nogo yagatikhesik he, wene ekhe mel yagatikhe: ”Attagat hat hebe alage logolik he, An o andoma lagain, iluk halinggin honggwaregenat ninghogo ikhaluk laga lagagin meneat he, hobuk hat hebe yaman asumo, henggi pisarogo lakfugunem he, it ekhe nen hat henggi hele ninghogo homakhabimbik he, o hat lagain habit oba wokharek logoin o, iluk eberogoat yagaheti,”

KISAH PARA RASUL 12:4

A'nogo watukwasik he, o afuni inenggi hele warek fisagarek oba fei lagaukwa. Fei lagaukwasik he, ap tentara mene inebe 16 nen logolik he, attak inebe 4 en kagalek welagik, hobuk inebe 4 enat kagalek welagik, ikhi logouwageluk inayonggo fesikhesik he, at Herodes endawimo nen mel anggasikhe: ”Seni enu Paskah nogoin a'nogo naluk he, Petrus waganogo afuni ineilhanem wene oba fembik wasuogen, enggi hele waregat logouwago,” iluk endawimo anggasikhe.

KISAH PARA RASUL 2:14

Inane a'nogo ugu kwelek he, at Petrus a'nogo Yesus agoromi inebe 11 nen omanogo inomat logolik, siakhogo menlagaikhe. Menlagaikhesik ane fakhogo mel yagaisasikhe: ”Hit Yahudi mene inom, hit ekhe yogondak ya o Yerusalem welagep mene mondogat inom, nerugwi nagaila'lak. An wene igin yi hinelu asuagen he, hinesanggo fanorogo holino o.

KISAH PARA RASUL 20:6

A'nogo yetninarek werek kwelek, afuni Yahudi mene Linggene Seni Roti Fiterek lek mene a'nogo nasukwama nen, nit o Filipi nen i agum ebene e soba o Troas laga logolik, nogo ninenggi 5 nen iluk, it o Troas were'ma isa lagagusik, andoma logolik nogo ninenggi 7 nen isugu.

KISAH PARA RASUL 24:27

A'nogo ugu werek kwelek, mo lagagik pigik 2 tahun welagaukwasigen, hobuk Feliks obali'mo ap ekhe enu Perkius Festus gubernur asuageluk menfesukwa. Menfouwogeluk ugunem, at Feliks nen he, ”It afuni Yahudi mene inendawimo fanorogo,” iluk Paulus enggi hele waregat herakfesikhe.

KISAH PARA RASUL 25:9

A'nogo yagatikhemo, at Festus nen he, afuni Yahudi mene inendawimo fanorogo iluk, Paulus mel yagatikhe: ”O Yerusalem andoma nen wene yi faget an neilhanem ero heratunem, eberogoat halok an nen elugun wasigen, ninom louwoga? Habira,” iluk yagatikhe.

KISAH PARA RASUL 4:13

It Petrus Yohanes emberek inailo lek logolik, wene fakhogo a'nogo yagaisugunem he, it ap omanogo nen fogerinafi logolik he, ”Ap yi sekolah yanggulhi'lek. We, inonggot meneat he, Yesus inom nikhi lagaikha mene a'nogo nen higi,” iluk futfisasukwa.

GALATIA 1:10

An nane igi andi re, afuni nen, ”Hat fano egen,” iluk yaganesuageluk ikhi lagi a? Athe, Allah nen, ”Hat fano egen,” iluk, yaganesuageluk ikhi lagi a. Afuni inendawimo fanorogo ikhi lagi halok he, an nebe Kristus amingmingengge igin legaro. Mene re, an Allah endawimo fanorogo ikhi lagi o.

1 TESALONIKA 2:4

Athe, we, at Allah nenat ninobabut palogo nen he: ”Fano wene andi, hirat waluk nikhi logobagaik,” iluk, ninayonggo fesikhe higithogo yagahisikhi logolik, afuni inendawimo fanorogo yagaisogorek fuk. Lego. We, Allah ninobabut pali'logo mene a'nogo endawimo fanorogo yagaisogorego.