KISAH PARA RASUL 11:23 - Allah Wene Fano Wene Hupla Inane23-24 At Barnabas andi, obabut fano logolik, endawinggen Yesus oba himbirik mondok were'ma re, Allah Areagun endawimo peterek welagaikhe andi nen, lakfei wagaukwama, wagaikhesik eilenggen isasikhesik, endawimo nen he, ”Allah obabut fano nen fano hilinginafemo werek higi,” iluk endawimo agaiyek anggikhi lagaikhe. Endawimo agaiyek anggasikhesik he, ”Hit mondogat hinendawinggen Yesus oba eberogoat himbiret fuluk, at hinom hundigat mondok logoino o,” iluk komorinafikhe. Komorinafi lagaikhemo, afuni hokhorogoat Tuhan Yesus werekwe lambuk isukwasik inebe sik-pik ikhi lagaukwa. အခန်းကိုကြည့်ပါ။ |
KISAH PARA RASUL 11:23
37 ပူးပေါင်းရင်းမြစ်များ
Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.
Yagaisasukwama, it samban ikhi lagaukwaba nen wulifukwasik lagunem he, it afuni Yahudi mene inom, endakwe mene Allah ane wanhukwasik Yahudi mene hak welagaukwa mene inom, inebe hokhorogoat inombo'ne lagaukwa. Lagaukwama, it Paulus Barnabas emberegen he, mel yagaisasukwa: ”Allah obabut fano nen hilingninaferek mene andi, hinendawinggen tulemhogo logolik hilingiti logoino o,” iluk komorinafukwa.
It andi inobabut a'nogo enegat asigin meneat he, hat he, an nen wene yagaisigirek mene inom, nobabut hilingitirek mene inom, ”Yi'nogo hilingisigin,” iluk nendawimo anggigirek mene inom, nendawinggen Allah oba himbirik welagirek mene inom, wene nendawimo uanhogo ebetirek mene inom, afuni mondogat nendawirogo welagirek mene inom, nafe morogo welagirek mene inom, fagearen futnobagakhi lagen aro.
A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.
O Atalia nen he, i agum ebene nen e so warogo o Antiokhia inambotkwe lagaukwa. Andoma nen, a'nogo hilingirik nikhi logouwageluk fageat it Allah againafuri nen lakfisa waga logolik he, ”Allah obabut fano a'nogo nen wokhinarek loago,” iluk lakfisa wagaukwama a'nogo hilingirik nikhi lagaukwasik he, arat hilingi'luk inambotkwe hobuk lagaukwa andi.
Nineisena Tuhan Allah hinendawinggen hundik logolik, At oba lomborogo ane hologo mondok hilingiti logoino o. A'nogo hilingisugun halok he, At Tuhan nen o ninombalak Abraham inom, Ishak inom, Yakub inom, wogisagaluk wene warisasikheba andoma hit hinebe inom, hiren tagongge mene inom, hineluk logolik hinebe umur uanhogo logogun o,” iluk yagaisasikhe.
A'nogo hinawulfuk hangge palek welagep andi re, hit an ninom hundik, an hit ninom hundik logouwogo. Hele enggisok andi re, ebeba hundik lek halok, enggen isu mondok elo'lego. We ebeba hundik halok, enggen iterek andi hak he, hit an ninom hundik logogun lek halok he, fano mene hilingisu elo'lego. We, an nebeba hundik halogat, fano hilingisugun o.
A'nogo yagatikhesik he, at agoromi ane wanhi lagaukwa mene omanogo ekhe mel yagaisasikhe: ”Ap sa nen an nombo'ne nikhi logoigeluk halok he, obabut onggwarek faget endawinggen tulem logolik hilingiterek mene andi, Nabit, iluk herakfisaluk, e nunggulik oba menfisaluk inoatarek mene andi meneat waluk nombo'ne nikhi logoigeluk wesuago.”
Wene melalek Musa nen hit yagahisikhe mene omanogo hologo hilingiti logobagaigen he furogo kagalek logoino. Wene melalek andi re: Hineisena Tuhan Allahba hinendawinggen hundik hilingitik, At endawimo anggikherek mene nek murok lagik, At Awene melalek omanogo fi-furogo hologo nek hilingitik, At oba lombokhogo welagik, hinendawinggen oba inom, hineluk hinareagun oba inom mondogaren At obaget enek hilingitik, ikhi logoino o, yagahisikhe a'nogo,” iluk yagaisasikhe.
Wene Allah obabut fano nen wo'ninaferek wene andi hinenggi ninghogo fisogo logobagaigeluk, yagahisigi. Yogondak he, at Allah omame werek mene nen, wene andiba hinendawinggen wurigethinafik, yi mene ti mene at againafuri wogisageluk fisasikhe mene wokhisigik, elok hilingisigin mene enggiba hinobagagi o.
A'nogo pelakfesukwama, at Yesus eilenggen hasikhesik he, mel isikhe: ”Ap yi inendawinggen an noba eberogoat himbiret fagasigen waluk wagaikha higi,” iluk, eilenggen enegat isaluk he, ap enggi eisok wut warek mene a'nogo mel yagatikhe: ”Namlogo e. Hat weak hilingiti lagen mene re, an nen arat sebelogo legetfisigi o,” iluk yagatikhe.
Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.
Nen, it ekhe nen, afuni ekhe inendawinggen ago wati logouwageluk inobabut wogisasikhe mene andi re, a'nogo fanorogo hilingiti logogun o. Nen, it ekhe nen, inagarek mene it afuni ekhe inagarek lek mene sumburisikhi logouwageluk inobabut wogisasikhe mene andi re, inonggwarek faget anggigi'lek lebekhogo wogisikhi logogun. Nen, it ekhe kain logouwageluk inobabut wogisasikhe mene andi re, ninghogoat hilingiti logogun. Nen, it ekhe nen afuni ekhe inendawirinafi logouwageluk inobabut wogisasikhe mene andi re, inendawimo inagaiyek hikhi logolik inendawirinafi logogunaro.
At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.
An nen wene horogat andi komorogo hinoba lakfei wesigeluk he, lisu paluageluk an nagot Allah amlogo Silas andi obabut humbunse'ma higirik he, ayonggo figimo lisu yi palhemo hinoba lakfei wagi andi. Allah obabut fano nen hilingninabi'logo mene ebe yiat iluk, an nelu logolik eberogoat yagahisigi o. Halok, hinendawinggen andibaat himbirik logolik, ninghogo mendek logoino, iluk wene lisu palogo hinoba lakfei wagi andi.
ကြော်ငြာတွေ