KISAH PARA RASUL 11:1 - Allah Wene Fano Wene Hupla Inane

¹ It afuni ekhe nen he, ”It afuni endakwe mene Allah ane wanha o,” iluk isukwama, it ap Yesus nen inebe wenagaisogo inayonggo fuluk lakfisasikhe mene omanogo inom, Allah againafuri o Yudea andogoti lagaukwa mene ekhe inom, inesanggo holhukwa.

KISAH PARA RASUL 11:1 ပူးပေါင်းရင်းမြစ်များ

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

YESAYA 11:10

Linggene ekhe wesigin oba re raja ket mene Daud ambisangmangge mene ekhe re yi afuni ti afuni inobaget menlasumo re inebe mondogen At faget herarik waga logogun. Iren At oba we'luk he, At ebe werek oba mondok fanoma omanogo andogoluk fogerati logogun.

YESAYA 32:15

A'nogo meneat he, hobuk nineisena Allah omamerogo wesigin o, ma re, o leikwe andoma re yabu kweang heiselek mene hilingisogo figik, nen yabu yagokwe andoma re o engga ogoikwe hilingisogo figik, igin.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YESAYA 42:6

”An heisena Tuhan nen hat higithogo hilingiti logoinogeluk, wolhafirik heabu wokheti o. Afuni mondogat faget hat hebe wene warogo woginafi mene hangge hilinglagik, yi afuni ti afuni faget selegerinafi logogin mene hilinglagik, inogoluk An nen hebe setharek mondok logolik, lebethiikhi logogin o.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YESAYA 60:3

Yi afuni ti afuni inunggulenu lombok uluk-uluk hat haselek oba waga logogun, hat hoba nen hombak-bak weinam asigin mene andi faget he ap raja-raja inendawinggen wanigin.

YESAYA 62:2

Yerusalem yei, yi afuni ti afuni inunggulenu lombok werek mene omanogo nen fano wene yagaisikhi lagen mene andoma ineilenggen hogoin o, nen it raja-raja omanogo nen hat foget hafarek mene andoma hogoin aro. Hat henu ket meneba yagaheti logogun, Tuhan amu nen henu andi wokhesigin.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

HOSEA 2:23

An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.

MIKHA 5:7

Afuni Israel mene fena ineluk werek mene andoma, afuni inunggulenu lombok inanggelekwe andoma werek mene re enggama mene singa nen paik watik, nen oloba nen he wam domba senggelhik ikherek hak hilingiti logogun. Mene singa nen he wam domba omanogo eisogen tandamerisaluk he, aigen libik-labakhogo ninggik, ugunem afuni nen ambemangge telu elo'lek andi hak hilingik logogin.

ZEFANYA 2:11

Tuhan nen he, it inebe inailonek asuageluk hilingfisagain. Aren he, kembu Dewa o kweangma werek mene andoma mondogat wolelenggenhogo lakfisagain. A'nogo hilingfisamo re yi afuni ti afuni inunggulenu lombogen he, Tuhan obaget inonggwarek inailokwe lombogen hilingiti logogun.

ZEFANYA 3:9

Iluk a'nogo anggasigiba nen he, An nen it afuni inunggulenu lombok andoma inendawinggen hebel fisamo re, iren An noba nek samban ikhi logogun. Nen, kembu ilah amu mene oba ekhe ikhi logogun lek. It afuni inunggulenu andoma mondogaren he, An nobaget enek hilingiti logogun.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.

MATIUS 8:11

Nen, ekhe yi yagahisak. Afuni inebe hokhorogo po'lima nen, ma'lima nen, Allah awe a'ma kwimbik he, Abraham inom, Ishak inom, Yakub inom, seni isago nouwogeluk andogosi kugun.

MARKUS 16:5

Hasukwasik, horokhogo wagaukwasik inebe kwisukwa re, ap alage mene ekhe asu kut uan mene laberogo inenggi ebekwe higit hurek were'ma ineilenggen hasukwasik he, ina'manggen lagaikhe.

KISAH PARA RASUL 1:15

Andi sambul, Allah againafuri ekhe inom inebe 120 hangge andogorek logolik, at Petrus inanggele'ma menlagaikhesik he, wene mel yagaisasikhe:

KISAH PARA RASUL 11:29

Andi sumburu ouwak ebe oan hilinglagi'lek werek kwelek he, it afuni Yesus ane wanhukwa mene omanogo nen he, ”Halok he, nit ninebe lombok uang ninenggimo aga mene higithogo ninerugwi ninagaila'lak o propinsi Yudea andoma andogotarek mene leberisouwogen andogorogo lakfouwogo,” iluk wene palhukwasik uang andogotukwa.

KISAH PARA RASUL 14:27

O Antiokhia lagaukwasik, Allah againafuri andogerinafukwasik he, mel yagaisasukwa: ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisikhi logolik mel yagaisasukwa: ”It afuni endakwe mene wene andi eberogoat iluk wanuageluk, Allah nen kwe huthikhemo elok wanugun werego,” iluk yagaisasukwa.

KISAH PARA RASUL 15:3

It Allah againafuri nen a'nogo isukwasik lakfisasukwama re, o andoma nen he, Fenisia nen, Samaria nen, laga logolik he, mel yagaisilik lagaukwa: ”It afuni endakwe mene inobabut hebelarik inelokhe Allah wogotama o,” iluk yagaisilik lagunem, it Allah againafuri andoma mene inendawimo inagaiyek hokhorogoat agaukwa.

KISAH PARA RASUL 28:15

Wagunem, it afuni ekhe nen, ”It weri'lagwi,” iluk isukwama, Allah againafuri o Roma mene nen inesanggo holhukwasik, ninelokhoma, it ekhe Pasar Apius, lagu kwelek, ekhe o hotel ap pok mene we'luk nogo agarek oba o ebe henagan wuri'mo andoma lagaukwama, at Paulus eilenggen isasikhesik he, Allah hai watikhesik endawinggen yamuk isikhe.