KISAH PARA RASUL 10:9 - Allah Wene Fano Wene Hupla Inane

⁹ Lakfisasikhemo, it a'nogo laga lagaukwasik ohealekwe o Yope horogat kuogeluk lagu kwelek, at Petrus a'nogo linggene jam 12 samban igeluk o tum sabia tale'ma lagagarek oba lagasikhe.

KISAH PARA RASUL 10:9 ပူးပေါင်းရင်းမြစ်များ

2 SAMUEL 11:2

A'nogo logolik inenggi ekhe sambul he, at Daud linggene nogo isikhesik eluk agaikhesik he, awi wa'lengge awi wuri'mo obuluk liokse'ma andoma lagasikhesik yethasikhe re, he ekhe mondok fano mene kume watunem eilenggen yethasikhe.

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

YEREMIA 19:13

Yerusalem oba o wurik mene andoma mondogat inom, nen ap raja-raja Yehuda ba ferinarek werek inap inawi andoma mondogat inom he, o Tofet hakhogo mondok emerek mene asigin, andi re afuni nen it inawi tomkwe andoma kembu dewa pogoroba werek mene faget iluk amben fano mene dupa noletik, dewa amu mene faget anggur wogetik, hilingiri'lagwi andiba asigin o,” ikhe iluk yagaisano, isikhe.

YEREMIA 32:29

endu fasugun. Andi re afuni nen An na'mage kwelafi logolik o andoma tum oba nen he iren Baal faget amben fano mene dupa nolhik, nen tugwi kembu obaget anggur agai hilingitik, hilingiri'lagwi aiba andoma mondogat alkan kurogo leget fagain o.

DANIEL 6:10

A'nogo yagatukwama, at raja Darius nen wene melalek a'nogo, lisu palogo enggi amusu fesikhesik he wulafikhe.

ZEFANYA 1:5

Afuni ekhe nen o tum oba lagaluk mo inom hesagalenggen inom apne wanugun iluk lagagarek mene andoma re An nen mondogat nenggi sabul horogo herakfisagain. Nen, ekhe it afuni nen An napne wanhik, tiphogo hilingiti logogin iluk inane hombuk palhik, ikhi logolik oba nen iren kembu dewa Milkom enu igisogo hombuk palharek mene andoma re An nen mondogat legetfisagain aro.

MATIUS 20:5

A'nogo yagaisasikhemo it a'nogo lagaukwama re, ap kweang eisewerek a'nogo attak hilingitikhe hagat he, hobuk a'nogoat linggene jam 12 oba it ekhe inayonggo figik, hu'mokwe jam 3 oba it ekhe inayonggo figik, fikhi lagaikhe.

MATIUS 24:17

Heise lagauwogeluk halok, afuni ekhe o tum oba lagambik logombigen inambotkwe pi wesimbik he inangge yi mene ti mene oloba wani kwigi'lek heise pikhirat lagauwago.

MATIUS 27:45

A'nogo yagatu were'ma re, o lingge tulem jam 12 oba o mum agaikhesik he, o andoma mondogat huli jam 3 mumat welagaikhe.

MATIUS 6:6

Meneat he, hit samban uogeluk halok he, hinaiba kwe yagarogo kuluk, hineisena Allah pogoroba mene ebe ineilenggen hagarek lek mene a'nogo nen wokhisoageluk kino yagati logoino. Hiren hinagaisogo kino yagasugun mene andi, at eilenggen hinago mene hikherek andi nen he, wokhisagain o.

MARKUS 1:35

A'nogo higirinafi lagaikhesik he, nogo isikhesik o wei igeluk ugu kwelek o wigik eluk a'luk wulifikhe. Wulifikhesik he, o leimo afuni le'ma lagaikhesik samban ikhi lagaikhe.

MARKUS 6:46

A'nogo yagaisasikhemo, wulibi wagu kwelek, at Yesus nen it afuni omanogo arat lakfisaluk he, at samban igeluk punuba lagasikhe.

KISAH PARA RASUL 10:3

A'nogo ugu mondok logolik he, enggi ekhe sambul, o mo hea i lagu kwelek jam 3 hak, abikanggo mel hasikhe. Malaikat Allah nen yonggo pelakfisa wagarek mene omanogo ekhe pi wagaikhesik at oba kwisikhesik he, ”Kornelius,” iluk yagatikhe.

KISAH PARA RASUL 6:4

Menfisamo, it a'nogo hilingitu kwelek, niren he, samban igik, wene ebe wene andiat yagaisigik, ikhi logogun,” iluk yagaisasukwa.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

1 TIMOTIUS 2:8

Nen, o yi awi ti awi samban ikhi logolik, it aben he, inenggi nen ekhe weak hilingiti'lek, ina'mage lagagi'lek, wene palhi'lek, tegelek mondok logolik, samban ikhi logouwageluk, yagaisagain iluk nendawimo namolo anggigirigen yagaheti andi.

1 SAMUEL 9:25

A'nogo naluk he, o punuba nen o kota pi wagaukwasik, at Saul o senggelek ambolkwe meneba nogouwageluk yagatukwama nogosikhe.