KISAH PARA RASUL 10:4 - Allah Wene Fano Wene Hupla Inane

⁴ Yagatikhemo, at Kornelius eilenggen at oba lurogo fikhi logolik, ailo agaikhesik he, ”I, noe. Nenahalok,” iluk isikhemo, aren he, ”Hat samban igik, afuni inenggi lek inelagaik mene leberisigik, ikhi lagen andi re, Allah elu agasik hoba eberek werego.

KISAH PARA RASUL 10:4 ပူးပေါင်းရင်းမြစ်များ

2 TAWARIKH 32:24

Andem oba re at Hizkia a'nogo ou oba agaikhesik he, ou mondok enggin mene wanhi logolik at ebe wa'lasu hak agaikhe. A'nogo logolik he samban isikhemo At Tuhan nen at oba ou andi fano asigin mene faget enegengge ekhe inukhasikhe.

2 TAWARIKH 6:33

Hat hebe pogoroba welagen oba andoma nen, aren samban ugu mene andi holinapluk, kino igin engge andi wogo'no aro. A'nogo hilingisigin oba re, it afuni mondogat o kweangma yoma welagaikharek mene mondogat he, it hagainafuri Israel mene hilingik hakhogo Hat hebe inelu asimbik, hane hologo hilingitu logogun. Nen, o an nen hat hawi wene kabogetuba iluk wuti mene yi inelu asugunat.

MAZMUR 141:2

An nen samban ikhi lagi mene andi re amben fanongge dupa Hat hobaget wokhetu mene hakhogo wanino, nen nenggi earogo liabek welagi mene andi re hubanggo Hat hobaget warogo nolhu mene hakhogo hilingi'no.

MAZMUR 20:3

Nen At Aiba Ebe werek oba andoma nen hat lebethiugu mene lakfei waga logouwak, nen, o Sion punuba andoma nen lebethiikhi logouwak.

YESAYA 43:26

Wene andi eberogo nen iluk ninelu asuogen he, o inanema wanigin oba lambik, Hit eberogoat egep, iluk enegat asuagen he, Yi'nogo isigin anggigi, iluk ebetneano o.

YESAYA 45:19

An nane hinagaisogo igirek lek, nen nendawimo hinagaisogo fisogo welagirek legat. An nen nagainafuri Israel mene yagaisikhi logolik, ”An hera'nabik logoin andi re alomarogo logoin o, An Tuhan nen nane igirek mene andi re eberogo meneat igirego, nen yagaisigirek mene andoma re eberogo meneat yagaisigirego,” iluk ikhe isikhe.

DANIEL 10:11

A'nogo menlagimo malaikat a'nogo nen an noba ikhi logolik, ”Daniel, hat he Allah nen endawi hundik hilinghabi'lago. An he hat hambit wesuageluk lak nobagai wagama wene yi yagahesigiluk wagi enggere hafe hebela'luk menlasimbik he an nen nane igin mene yi fanorogo holin o,” iluk yaganete. A'nogo yaganetu kwelek aremnogo an nebe noak leik-leigenggerik menlagi.

IMAMAT 2:2

Nunggu mene enu warek fei waga logogun mene andi amben Tuhan endawimo fano asuageluk he, at waluk wagu mene a'nogo nen waluk we'luk it imam at Harun nen tagomangge mene omanogo inambit wogisa waga logogin. Wogisa wagunem it imam andem sambul yabu hilingiti logogun inap omanogo nen, abirengge andi mondogat Tuhan obaget fogo iluk enekhogo re tepung omanogo inenggi misigen wanu hakhogo waluk zaitun amusu a'nogo inom, kemenyan amben fano mene a'nogo inom, yugulogo amboloba omanogo nolhi logogun. A'nogo nol fugunem amben nen he Tuhan endawimo agaiyeget fikhi logogin.

MALEAKHI 3:16

Andi nen it afuni Tuhan oba inailorogo logolik it ekhe nen ekhe inoba yagaisugu welagaikharek. At Tuhan nen he iren ugu mene andoma inane esanggo holherek. Afuni At oba inailorogo logolik agaugweratarek mene re buku At enggi nen palherek mene At elokhoma werek mene a'nogoba inenu palek werek.

MATIUS 26:13

Nane eberogoat yagahisak. He yi eberek logouwageluk afuni wene fano wene a'nogo, o yi awi ti awi yagaisilik nikhi logolik he, ’He andi yi'nogo hilingitikhe,’ iluk abok fano ikhi logogun o,” iluk yagaisasikhe.

LUKAS 1:29

at hele Maria a'nogo esanggo holhikhesik, ailo nen oak lei'leik ikhi logolik he, ”Hai warogo yaganete andi ninggi'nogo nen yaganete,” iluk endawimo nen ebetikhe.

LUKAS 24:5

Wagaukwama re, it hemi omanogo inailo nen inot somarogo were'ma re, it ap pire aremnogo nen hemi omanogo yagaisikhi logolik, mel yagaisasukwa: ”Hit he nenahalok at eluk aga mene andi herarik, afuni warek fisagarek oba yoma waga lagep?

KISAH PARA RASUL 10:31

Menlasi pi wagasik he, Kornelius. Hat samban ikhi lagen andi, Allah arat esanggo holhemo. Nen, afuni inenggi lek inelagaik mene leberisikhi lagen andi, Allah nen hoba eberek weregaro.

KISAH PARA RASUL 14:9

Hurek logolik Paulus nen wene yagaisugunem esanggo hologo were'ma, at Paulus nen eilenggen oba lurogo hikhi logolik, endawimo nen he, ”Ap ari endawimo nen he, eberogoat fano hilingnabigin, iluk anggikhesik werek higi,” iluk endawimo anggasikhe.

KISAH PARA RASUL 22:10

Inesanggo a'nogo holhi'lek werek kwelek, an nen he, Noe. An ninggi'nogo hilingisik, iluk yagatunem, aren he, hebe menlasimbik he, o Damsyik kwino. Kwimbik were'ma, haren Allah amolo mene mondogat hilingisigin mene faget ap ekhe nen yagahesigin a'naga o, iluk yaganetikhe.

KISAH PARA RASUL 3:4

Kino yagaisasikhemo re, it emberegen ineilenggen oba lourogo fikhi logolik he, at Petrus nen, ”Heilenggen yet nisan,” iluk yagatikhe.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

IBRANI 13:16

A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

WAHYU 8:4

A'nogo fei lagunem he, Allah againafuri samban agarek mene inane a'nogo kemenyan amben malaikat a'nogo enggimo nen Allah elokhoma lagakhi laga higi.

1 SAMUEL 3:10

Wagaikhesik were'ma, At nineisena Tuhan wagaikhesik, andoma mendek logolik, Samuel woletikheat: ”Samuel, Samuel,” iluk woletikhemo, at Samuel en he, ”Neisena. Hamingmingegge nesanggo holek welagi o, yaganom,” iluk yagatikhe.