KISAH PARA RASUL 10:32 - Allah Wene Fano Wene Hupla Inane

³² O Yope andoma re, ap ebe misik mene enu attak mene Simon. Nen, hobuk mene, Petrus, andi ayonggo loagen ap ekhe lakfisan o. At ebe re, ap pok wagasik he, ap enu Simon, paik agap wam agap nonggolek iringiterek mene a'naga aiba i laut hokho yenggele'ma esanggoma andoma werek a'naga o, iluk yaganete.

KISAH PARA RASUL 10:32 ပူးပေါင်းရင်းမြစ်များ

2 TAWARIKH 2:16

Nit he e laik o Libanon tom oba omanogo noe hat hamolo mene higithogo musi lambik he i bene nen salmasuakhogo re heleba homagaisogo lakfei wagunem i nen waluk o Yobe wulibi waga logogin. Nen andoma wulibi wagunem he noe haren salmagaisogo re o Yerusalem fei laga logogin o, iluk lisu palogo lakfesikhe.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

YOHANES 18:28

A'nogo hilingi'luk, sue ane isikhemo hup siakhogo at Yesus ap Kayafas were'ma nen, o wene inoba figik kotik agarek oba waluk lagaukwa. Waluk lagaukwasik he, Yesus enek oloba kwelakfesukwasik, ”Nit seni Paskah a'nogo mene ninggi logou ha'ma, ninabisak kumo re, nit ninebe weak fakhogo hanogo,” iluk he, o wene inoba figik, kotik agarek oba andoma kwigi'lek we o silimo kamo isukwa.

YOHANES 4:9

It afuni Yahudi mene o Samaria mene inom weak welagaukwa andi nen he, at he Samaria mene a'nogo nen at Yesus mel yagatikhe: ”Hat ap Yahudi mene. Nen, an he Samaria meneat he, nenahalok, i hina'nom, iluk kino yaganeten,” iluk yagatikhemo,

KISAH PARA RASUL 10:31

Menlasi pi wagasik he, Kornelius. Hat samban ikhi lagen andi, Allah arat esanggo holhemo. Nen, afuni inenggi lek inelagaik mene leberisikhi lagen andi, Allah nen hoba eberek weregaro.

KISAH PARA RASUL 10:33

Andi nenat, an nenggi ekhe welagi'legat he, ap ekhe hayonggo hoba lakfisigimo, hat hobabut fano nen kamo igi'lek fano wagen, noe. Nit mondogat yogondak Allah eilhanem welago yoma re, Aren wene yagaisano, iluk yagahete mene, wene andi mondogat ninesanggo holuogeluk welago, noe,” iluk yagatikhe.

KISAH PARA RASUL 10:5

Yogondak o Yope andoma ap ekhe enu attak mene Simon. Hobuk mene Petrus, ili'lagwi mene a'naga wesuageluk, ap ekhe at ayonggo lakfisano o.

KISAH PARA RASUL 11:14

Aren hat hebe inom, hoe hagot inom, hagainafuri inom, Allah nen telhinabuageluk, wene yagahisagain mene werego, iluk yaganete, iluk at Kornelius nen ikhe.

KISAH PARA RASUL 11:3

Wenageti logolik he, ”Hat hebe it afuni inagap inenggalimo mene pale'lek mene inoba lagendik he, sumburu hinom misi'mo ninggi lagendik wagen andi nenahalok,” iluk wenagetukwa.

KISAH PARA RASUL 15:7

A'nogo andogotukwasik, wene it ekhe nen igik, it ekhe nen igik, hokhorogoat ikhi lagaukwasik, at Petrus menlagaikhesik he, mel yagaisasikhe: ”Ap yi sani. Nagaila'lak. It afuni endakwe mene nen wene fano wene inesanggo holhik, inendawimo nen eberogoat iluk futfigik, uageluk, an fageat hit ninom were'ma, it andi yagaisa loageluk Allah nen wena'nafikhesik nayonggo fesikhe andi, hinelu o.

KISAH PARA RASUL 16:9

Wagaukwasik logolik, hubanggo Paulus abikanggo yi'nogo hasikhe. Ap o Makedonia mene ekhe mendek logolik he, ”Haren nit afuni Makedonia mene yoma lebe'nisa wulibime o,” iluk endawimo kagalogo yagatunem abikanggo hasikhe.

KISAH PARA RASUL 9:43

A'nogo himbiret fesukwama, at Petrus a'nogo o Yope andoma logolik he, ap Simon paik agap wam agap nonggologo iring iti lagaikhe mene aiba emberek inenggi hokhorogoat welagaukwa.

KISAH PARA RASUL 9:6

Hebe menla'luk he, o kota ari lambik kwino. Kugunem ap ekhe nen, hat yi'nogo hilingi'no, iluk yagahesigin mene werego,” iluk yagatunem,