KISAH PARA RASUL 10:3 - Allah Wene Fano Wene Hupla Inane

³ A'nogo ugu mondok logolik he, enggi ekhe sambul, o mo hea i lagu kwelek jam 3 hak, abikanggo mel hasikhe. Malaikat Allah nen yonggo pelakfisa wagarek mene omanogo ekhe pi wagaikhesik at oba kwisikhesik he, ”Kornelius,” iluk yagatikhe.

KISAH PARA RASUL 10:3 ပူးပေါင်းရင်းမြစ်များ

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

KELUARAN 33:17

A'nogo yagatikhemo, Tuhan nen Musa mel yagatikhe: ”Hat hebe An nelu logolik, hebe noba liok ili'logo andi nen, haren kino yaganeten mene andi An arat nesanggo holhirik a'nogo hilingisigin o,” iluk yagatikhe.

YESAYA 45:4

Hat he An nebe honggot welagen oba nen, An nen hat henu hurogo wolhafigi o. Hunggulenu mene logouwageluk hilingisogo hobagasigi. An namingmingengge Yakub, nagainafuri Israel mene andi re An nonggwarek wenakhasigi mene hilingi'mo re, haren leberinabinogen iluk heabu yi wokheti o.

MATIUS 27:46

Mum werek kwelek, jam 3 arat asi lagaikhemo re, at Yesus nen, Eisena Allah yagati logolik, nit ninaneba re, ”Allah Neisena! Allah Neisena! An nenahalok heraknobagegen,” iluk u hak it inaneba ”Eli eli lama sabakhtani,” iluk ane hokhorogoat yagatikhe.

LUKAS 1:11

Amben fano a'nogo mene endu nolhunem he, nineisena Tuhan agot, malaikat pogoroba Allah nen yonggo pelakfisa wagarek mene ekhe pi wagaikhesik amben fano mene nolhi lagaukwaba a'nogo inenggi ebekwe fikhit Zakharia elokhoma menlagaikhemo eilenggen hasikhe.

LUKAS 2:13

A'nogo yagaisugu kwelek aremnogoat he, malaikat pogoroba nen yonggo pelakfisa wagarek mene inebe mondok hokhorogo ka nen heat weinam agaukwasik he, at malaikat ekhe a'nogo inomat Allah fogerati logolik, mel isukwa:

KISAH PARA RASUL 10:17

Lagasikhemo at Petrus nen he, ”Nabikanggo higi andi ebe ninggi'nogo mene heat,” iluk endawimo menenei uan horok ebeti logolik were'ma re, it ap Kornelius nen lakfisasikhe mene omanogo lagaukwasik, afuni ekhe yagaisikhi logolik he, ”Simon aiba ki,” iluk heinok wanhukwama, iren he, ”Aiba ari,” iluk isukwama, kweba arat kwisukwa.

KISAH PARA RASUL 10:19

Heinok wanhu kwelek he, at Petrus a'nogo abikanggo hasikhe mene a'nogo, ”Ebe ninggi'nogo mene higi,” iluk endawimo ebetoat were'ma, Allah Areagun nen he, ”Ap inebe henagan mene herakhabik wagaikhasik werego.

KISAH PARA RASUL 10:30

A'nogo yagaisasikhemo, at Kornelius nen he, ”O uage, mo hea i lagu kwelek, jam 3 ba o yi'nogo hilinglagunemat an naiba samban igi. Samban a'nogo ugunem he, ap ekhe asu amulit hokho laberek mene an neilhanemat menlasi pi waga.

KISAH PARA RASUL 10:9

Lakfisasikhemo, it a'nogo laga lagaukwasik ohealekwe o Yope horogat kuogeluk lagu kwelek, at Petrus a'nogo linggene jam 12 samban igeluk o tum sabia tale'ma lagagarek oba lagasikhe.

KISAH PARA RASUL 11:13

Kogoma, at Kornelius nen he, an ya were'ma nen he, malaikat Allah nen yonggo pelakfisa wagarek mene omanogo ekhe oloba yoma pi wagasik mendek were'ma neilenggen higi. At yoma mendek logolik he, wene mel yaganete: Ap ekhe enu attak mene Simon. Nen, hobuk mene Petrus, o Yope andoma werek a'naga yoma wesuageluk, ap ekhe at ayonggo lakfisano o.

KISAH PARA RASUL 3:1

Inenggi ekhe sambul he, jam 3 oba, mo hea i lageluk ugu kwelek, Petrus Yohanes emberek, afuni Allah awi wuri'mo samban ikhi lagaukwa hak uogeluk ugunem, inoba lagasukwa.

KISAH PARA RASUL 5:19

Kwelakfisasukwasik were'ma re, malaikat ninoe Tuhan yonggo pelakfisa wagarek mene omanogo ekhe hubanggo pi wagaikhesik he, o afuni inenggi hele warek fisagarek oba, kwe yagarek mene a'nogo meisak lambukhogo hilingitikhesik inebe woginarek wulibi wagaikhe.

KISAH PARA RASUL 9:10

Werek kwelek, o Damsyik andoma ap ekhe Tuhan Yesus ane wanhikhe mene enu Ananias welagaikhe. Were'ma, Tuhan nen he, abikanggoba mel yagatikhe: ”Ananias,” iluk ane fakhugunem, aren he, ”Wu! Noe. Nebe yi welagi,” iluk isikhe.

KISAH PARA RASUL 9:4

Fei wagunem he, at Saulus a'nogo kweangma talorogo weing lagaikhe. Weing lagunem he, at ekhe ane koma nen heat yagati logolik he, ”Saulus. Saulus. Anat yi enggin ti enggin hilingnabigeluk mu'narek nihki lagen andi nenahalok,” iluk yagatikhe.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

IBRANI 1:4

At Allah nen he, it malaikat omanogo inenu sebelek hangge werek kwelek, at Yesus enek he, enu lego kain esin logouwageluk salinafikhe hagat, it malaikat inebe sebelek hangge werek kwelek, Yesus ebe lego kain esin welagarek andi.