KISAH PARA RASUL 1:8 - Allah Wene Fano Wene Hupla Inane

⁸ A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 1:8 ပူးပေါင်းရင်းမြစ်များ

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

MAZMUR 98:3

At againafuri Israel mene inoba endawi hundik hilinginafik, tiphogo hilinginafik, hilingiti laga mene a'nogo faget eberek werek. Nit nineisena Allah omame aga lagaikhe mene omanogo re yi afuni ti afuni o kweangma welagaikharek mene mondogaren, ineil arat haga.

YESAYA 42:10

Wuni ket mene Tuhan faget felalogo ini o, Hit afuni kweangma welagep mene mondogaren he, Arenek fogera'ni o! I laut inom, elonggoma werek mene inom, yi awi ti awi yatkwe-yatkwe welagaikharek mene inom, inebe mondogat At faget fogerasuogeluk andogosi we'ni o!

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YESAYA 66:19

An nen it inanggele'ma andoma enegengge misik ekhe fagain o. Nen, it mene fena we endebengge nek inagap telinabigin. It he An nen yi afuni ti afuni inunggulenu lombok o kweangma yatkwe-yatkwe An nen hilingiti lagi mene holi'lagwi lek mene inom, nen An nebe Lego Mondok logolik Nomame welagirek mene a'nogo ineilenggen hili'lagwi lek mene inom werekwe omanogo lakfisagain o. It logoin kwe andoma re: O Spanyol inom, Libia inom, Lidia inap inasikhe inenggi puk mene werekwe inom, o Tubal inom, Yunani kwe inom, logoin. Lambik iren he An nomame hokho welagi mene a'nogo yi afuni ti afuni inunggulenu lombok inanggelekwe andoma sagarik logoin o.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

MIKHA 3:8

A'nogo hilingisugun oba nen, an enek he neisena Tuhan nen omame wo'netik, nen Areagun wo'netik ikhemo welagi o. A'nogo wo'netesik, wene futfuluk higithogo hilingitu mene faget inom, nen afuni Israel mene nen weak hilingiri'lagwi mene andoma faget nailo lekhogo inenggali warogo yagaisoageluk inom wo'netemo welagi o.

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

MATIUS 24:14

Nen, Allah nen awe a'ma inobagagin wene fano wene yi, yi afuni ti afuni mondok inelu asuageluk o yi awi ti awi fakhogo yagaisilik lagep halok he, o wurep oba arat hilinglasigin o,” iluk yagaisasikhe.

MATIUS 28:19

Halok he, yi afuni ti afuni inunggulenu lombok mondogaren An nagoromi hilinglasuageluk, neisena Allah enuba, An Amlogo nenuba, Areagun enuba, ninenu hombuk palogo ima pelaginafik, An nen wene komothinafi mene andi mondogat higithogo hilingiti logouwageluk yagaisigik, laga logoino. Yet hani! Hit a'nogo hilinginabik lagunem, An nebe ninom mondok-mondogat were'ma huli wurep oba hilinglasigin o,” iluk yagaisasikhe.

MARKUS 16:15

A'nogo wenagisasikhesik, wene ekhe mel yagaisasikhe: ”Hit he, afuni inunggul enu lombok o yi awi ti awi a'lima mondogat wene fano wene yi yagaisilik laga logoino o.

LUKAS 1:35

at malaikat a'nogo nen he, ”Allah Areagun hoba louk i wesimbik he, kunmo kwagarek hak, nineisena Tuhan Allah omame hokho andi awe a'ma hobagagin. Hobagaumo re, heak Allah alegat amlogo tasumo re, afuni nen, At andi Allah amlogo, iluk ikhi logogun o.

LUKAS 10:19

Halok he, Yethani! Kisu inom, ililim inom, hineisogen alperelogo hebisigik, Iblis ninom weim palek mene a'nogo omame legetfisigik, hilingiti logobagaigeluk, an nomame wokhisigirik eisewerek hilinghinafi o. Eisewerek hilinghinafiri'mo, yi mene ti mene ekhe nen weagethinabigin mondok lego.

LUKAS 24:29

A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa.

YOHANES 15:27

Aren an nabok a'nogo ugu kwelek, hit ogo re, an hit ninom attagen welagorek andi nen he, hiren fakhogo yagaisikhi logogun aro,” iluk yagaisasikhe.

KISAH PARA RASUL 13:31

Eluget fesikhemo re, it Yesus inom o Galilea tonggwe nen o Yerusalem pisukwa mene omanogo ineilenggen hoageluk inelokhoma enggi hokhorogoat menlaga lagaikhe. A'nogo inelokhoma menlaga lagaikhemo, ineilenggen hasukwasik, iren he, Ebe eberogoat nineilenggen yi'nogo hogo, iluk yogondak afuni Israel mene yagaisili'lagwi andi.

KISAH PARA RASUL 2:32

A'nogo isikhe higithogoat, at Yesus Allah nenat eluget fikhemo, nit ya mondogat nineilenggen hogosik nineluat welago andi.

KISAH PARA RASUL 22:15

Halok, heilenggen higik, hesanggo holhik, egen mene andi re, afuni mondogat fakhogo yagaisikhi logoino.

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

KISAH PARA RASUL 4:33

A'nogo ikhi logolik he, it ap Yesus nen inebe wenagaisogo inayonggo fuluk lakfisasikhe mene omanogo nen, ”Ninoe Tuhan Yesus eluk agama nineilenggen arat hogo o,” iluk inane mondok omamerogo yagaisikhi lagaukwa. Yagaisugu kwelek he, Allah obabut fano a'nogo nen hokhorogo leberisikhi lagaikhe.

KISAH PARA RASUL 5:32

A'nogo hilingite iluk nit nineilenggen furogo hogosigen, eberogoat, iluk yagahisikhi lago. Afuni Allah ane hologo hilingitorek mene halok, at Areagun wo'nisikherek andi ninom enat wene andi yagahisikhi lago,” iluk yagaisasikhe.

KISAH PARA RASUL 6:8

At Allah obabut fano nen wogisikherek mene a'nogo, Stefanus hokhorogo wogetikhemo omame hokho welagaikhe. Logolik he, afuni nen wene futfouwageluk hilingisu lek mene hokhorogo elalinat hilinginafi lagaikhe.

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

ROMA 10:18

Mene re, an nen heinok ekhe wokhisak. It he, fano wene andi inesanggo holhi'lek werek nogo? Lego. Inesanggo arat holha. Allah aneba, ”It inane andi o yi awi ti awi mondogat wialagaikhesi'mo re, o esanggo-esanggo andoma mondogat inesanggo holhukwa o,” iluk isikhemo lisu palek werek andi nen igi o.

ROMA 15:19

At ebe futfouwageluk Allah Areagun omameba elalin mene nikhogo hilingitik, inailo asu mene hilingitik, hilingitu kwelek he, an he, o Yerusalem andoma nen lagakhogo pikhit o Ilirikum andoma, at Kristus awene fano wene andi furogo yagaisaluk wagi.

KOLOSE 1:23

Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.