KISAH PARA RASUL 1:3 - Allah Wene Fano Wene Hupla Inane

³ Yesus ebe wa'lagaikhesigen eluk a'luk, enggi 40 hari inom logolik he, at ebe furogo futfouwageluk yi mene ti mene elalin mene hokhorogoat hilingiti lagaikhe. A'nogo hilingiti logolik, aren he, ”An nebe yi. Ineilenggen furogo neoago,” iluk hobugalep inelokhoma menla'luk inugisigik, Allah awe a'ma welagaikharek wene yagaisigik, ikhi lagaikhe.

KISAH PARA RASUL 1:3 ပူးပေါင်းရင်းမြစ်များ

1RAJA-RAJA 19:8

A'nogo yagatikhemo, at Elia eluk agaikhesik he, sumburu inom, i inom, nasikhemo omame agaikhesik, kwe la elok agaikhemo re, laga logolik kweba enggi 40 nen nogo iluk tom Sinai oba o attagat Allah ebe Israel mene inelokhoma menlagaikheba arat asi lagaikhe.

MATIUS 21:43

Hit he, Allah nen awe a'ma hinobagau hagat welagagip meneat he, awe a'ma hinobagagin lego. We, hit hinobali'mo re, e enggen fano mene isu hak, it afuni inunggulenu hunogoat mene nen, Allah endawimo anggikherek mene higithogo hilingiti logogun mene halok inobagagin o.

MATIUS 28:9

Yagaisa louwogeluk lagunem ebekhalem at Yesus inom ambi agaukwasik he, mel yagaisasikhe: ”Nerugwi e!” iluk yagaisasikhemo, it hemi omanogo horokhogoat lagaukwasik he, eisok inenggi fakhikhi logolik he, hai warogo ineindep awi yagaisogo fogeratukwa.

MATIUS 3:2

”Kain pogoroba mene awe a'ma hinobagagin oba a'nogo yogondak arat horok asi waga. Halok he, weak hilingiti lagep mene herakfisaluk hinobabut hebela'ni o,” iluk yagaisikhi lagaikhe.

MATIUS 4:2

Andoma fei lagaikhemo logolik he, o hubagik, o wei igik, ugu kwelek enggi 40 hari sumburu ninggi'lek weat welagaikhe andi nen he, sumburu nele agaikhe.

MARKUS 16:19

Wene a'nogo arat yagaisasikhemo re, at Allah nen Yesus ebe pogoroba waluk lagasikhe. A'nogo waluk lagasikhemo era'lu enggi ebekwe hutfesikhemo kainat welagarek.

YOHANES 20:26

A'nogo yagaisasikhesik oba nen he, inenggi 7 nen welagaukwasigen ekheba it Yesus agoromi ane wanhi lagaukwa mene omanogo Tomas inomat, o a'nogoat andogotukwasik, kwe mondogat kolok watfuluk welagaukwa meneat he, at Yesus wagaikhesik inanggele'ma menlagaikhesik he, mel yagaisasikhe: ”Nagoromi. Hinalabok, hina'manggen lagup,” iluk a'nogo yagaisasikhesik,

YOHANES 21:1

At Yesus nen a'nogo hilingitikhesik oba nen i Tiberias mogoma, at agoromi ane wanhi lagaukwa mene omanogo hobuk inelokhoma menlagaikheat. Inelokhoma menlagaikhe andi, were ebe re, yi'nogo.

YOHANES 21:14

At Yesus a'nogo hilingitikhe andi re, at ebe wa'lagaikhesigen hobuk ambotkwe eluk agaikhesik oba nen, enggi pireba agoromi inelokhoma menlagaikhesigen ekhe hobuk menlagaikhe andi.

KISAH PARA RASUL 13:31

Eluget fesikhemo re, it Yesus inom o Galilea tonggwe nen o Yerusalem pisukwa mene omanogo ineilenggen hoageluk inelokhoma enggi hokhorogoat menlaga lagaikhe. A'nogo inelokhoma menlaga lagaikhemo, ineilenggen hasukwasik, iren he, Ebe eberogoat nineilenggen yi'nogo hogo, iluk yogondak afuni Israel mene yagaisili'lagwi andi.

KISAH PARA RASUL 19:8

A'nogo isukwama re, at Paulus o afuni Yahudi mene samban ikhi lagaukwaba kwisikhesik ailo lekhogo logolik he, wene Allah nen awe a'ma fisikherek wene a'nogo futfuluk wanuageluk, inendawimo kagalogo, wene aren yagaisigik, iren onggo at yagatik, ikhi logolik he, tugi henagan welagaikhe.

KISAH PARA RASUL 28:23

A'nogo yagatukwasik, ”Nit ninenggi yiba nen hobuk hoba wesugun o,” iluk wene waretukwa. Wene waretukwasik he, inenggi andiba inebe hokhorogo o Paulus welagaikheba ambit wagaukwa. Wagaukwama, ohealegen pikhit hubanggo wene Allah awe a'ma fisikherek wene a'nogo yagaisikhoat welagaikhe. Yagaisikhi logolik, iren Yesus hilingitikhe wene andi eberogoat iluk futfouwageluk, wene Allah nen komotninafikhe wene Musa nen lisu palogo fesikhe a'nogoba inom, ap ekhe Allah ane yagaisikhi lagaukwa mene nen lisu palogo fesukwa a'nogoba inom, komorinafi lagaikhe.

KISAH PARA RASUL 28:31

A'nogo woginafunem, it ekhe nen wenageti'lek werek kwelek, at ailo lek fakhogoat wene Allah nen awe a'ma fisikherek wene a'nogo yagaisigik, Tuhan Yesus Kristus hilingiti lagaikhe wene a'nogo yagaisigik, ikhi lagaikhe.

KISAH PARA RASUL 8:12

A'nogo meneat he, at Filipus nen fano wene Allah nen awe a'ma fisikherek wene andi yagaisigik, Yesus Kristus enu andi yagaisigik, fano wene andi ikhi lagaikhemo re, afuni omanogo nen he, ”Wene andi eberogoat,” iluk wanhu mene halok, ap inom, hemi inom, ima pelaginafi lagaikhe.

ULANGAN 9:18

A'nogo lakfisaluk hobuk tom oba lagagirik he, i inom sumburu inom, ninggi'lek nineisena Tuhan eilhanem neindep awi yagaisogo fogeratu nenggi 40 nenat, welagagi andi. A'nogo hilingitigi andi re, At nineisena Tuhan nen he, An neilhanem mondok weak hilingitebo, iluk isikhesik he, a'mage hokho mene lagasikhe.

ULANGAN 9:9

A'nogo hilinghinafikhe andi re, nineisena Tuhan nen wene warogo wo'ninafikhe wene a'nogo helep sabiaba lisu palogo fesikhe mene wanigiluk tom oba lagasigisik nenggi 40 nen sumburu inom, i inom mondok ninggi'lek andoma welagagi andi.

KOLOSE 1:13

Nit attak o mum oba weak mene nen awe a'ma hele warogo fetninarek were'ma, Allah nen hele fikhalogo wo'ninafikhesik he, amlogo endawi mene a'nogo fetninarek logouwageluk awe a'ma ninobagaikhemo welago.

1 YOHANES 1:1

Wene lisu palogo hinoba lakfei wago andi ebe re, ebe wene ninelugetninaferek mene o attak eroba nen welaikhe a'nogo mene. Wene andi ebere nit arat ninesanggo holhik, nineilenggen tomok higik, yerogo welagik, ninenggi fakhigik, isugu mene a'nogo aro.