KISAH PARA RASUL 1:16 - Allah Wene Fano Wene Hupla Inane

^16-17 ”Nerugwi nagaila'lak. At Yudas a'nogo re, nit ninom yabu fano hilingiti logouwageluk Yesus nen ayonggo fesikhesik menfesikhemo, nit ninom fano welagosik meneat he, attagat wene Allah Areagun nen at Yudas faget isikhemo, at Daud en lisu palogo fesikhe mene were'ma, at Yudas nen aben Yesus ebe fakfouwageluk woginarek waga andi, hilinglasigin obaat hilinglaga o,” iluk yagaisasikhe.

KISAH PARA RASUL 1:16 ပူးပေါင်းရင်းမြစ်များ

2 SAMUEL 23:2

”An noba Tuhan Areagun nen yaganetikhemo re, awene melalek inom, ane menogo fesikhe mene inom he, an nambeba werek,

MAZMUR 41:9

Iren ikhi loglik he, ”At oba ou a'nogo re mondok enggin se'ma re, inganghogo menlasu lek hak,” ili'lagwi.

MATIUS 26:14

At Yesus nen wene a'nogo yagaisasikhemo re, at agoromi ane wanhi lagaukwa mene inebe 12 omanogo mene, ekhe enu Yudas Iskariot a'nogo, it ap Allah eisewerek mene inogogwi kaindek omanogo inoba lagaikhesik he, aren ikhi logolik,

MATIUS 26:47

Yesus nen, ”Horogat waga ari,” iluk ugu kwelek aremnogoat he, at Yudas, ebe Yesus agoromi inebe 12 omanogo mene yonggo lagaikhemo, it ap Allah eisewerek mene inogogwi kaindek omanogo inom, inaluendek omanogo inomen, it ap inebe esa hokhorogo inayonggo fesukwasik lakfisa wagaukwama, karok inom, yei inom, waluk inebe mondok esa fologo wagaukwa.

MATIUS 26:54

Telnabi wesigin elok meneat he, telnabilepma re, Allah nen, ”A'nogo hilinglasigin, iluk isikhemo lisu palek werek a'nogo re, ninggi'nogo emberek higit a'lep anggegen. Lego. Higit asuageluk a'nogo yagati'lek kamo igi andi,” iluk, yagatikhesik he,

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

MARKUS 12:36

At Daud Allah Areagun endawimo logolik, onggwaregen mel isikhe: Allah Enupogoren an noe Enupogot yagati logolik he, afuni hat hinom weak mene omanogo heisogen al perelogo fisanogen, an nen oan hoba fisa wagi'lek werek kwelek, hat an nera'lu nenggi ebekwe hebe kain logoinogo, iluk Allah nen Kristus yagatikhe, iluk Daud en isikhe.

MARKUS 14:43

”A'nogo ugu kwelek aremnogoat he, it ap Allah eisewerek mene inogogwi kaindek omanogo inom, Allah ane lisu palek eisewerek mene omanogo inom, inaluendek omanogo inom, inomenat, ap esa ekhe hokhorogo lakfisa wagaukwama, karok inom, yei payuk inom, waluk Yesus agoromi inebe 12 nen omanogo mene ekhe enu Yudas a'nogo nen woginarek wagaikhe.

LUKAS 22:47

At Yesus nen a'nogo ugu kwelek aremnogoat, at agoromi inebe 12 omanogo mene ekhe enu Yudas a'nogo, yonggo lagaikhesigen ap hokhorogoat woginarek wagaikhesik he, at tak Yesus hai ambe saluk wasigeluk, oba wagaikhe.

YOHANES 10:35

Wene Allah aneba lisu palek welagarek andi mondogat he, ekhe tagan ikherek lek anggigi. Andi nen he, irat ane yagaisasikhe mene faget, Hinebe allah aro, iluk isikhemo lisu palek werek kwelegat,

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

YOHANES 17:12

An it ninom yoma logolik he, it inebe longgoinogo iluk, hat henu mene an salnafigin a'nogoba, ferinarek were'ma, it ekhe longgo igi'lego. We, at andi longgo igin, iluk, hat hane isigin mene lisu palogo fesukwa mene a'nogo ebe asuageluk, longgo u hagat longgo ikhe.

YOHANES 19:36

Wene a'nogo hilinglagaikhe andi re, Allah aneba lisu mel iluk palogo fesukwama werek: ”At oak sombolugun mondok lego,” iluk isukwa.

KISAH PARA RASUL 1:20

A'nogoat, at Petrus nen mel yagaisasikhe: ”Wuni lisu palek Mazmur a'nogoba mel isukwa: O at were'ma awi foluk asuak. Afuni ekhe at aiba andoma inebe legat logouwago, iluk lisu palhukwa. Nen, ekhe mel isukwaat: At ebe enuwerek welagarek mene andi ap ekhe logouwak, iluk isukwa.

KISAH PARA RASUL 13:15

Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,

KISAH PARA RASUL 13:38

Nerugwi nagaila'lak. Wene yi hinelurogo logoino o. At Yesus Allah nen a'nogo eluget fesikhe andiba, hit weak hilingiti lagep mene andi, aren sebelogo legetfisoageluk yagahisikhi lago andi.

KISAH PARA RASUL 15:13

Wene arat yagaisasukwama re, at Yakobus nen mel yagaisasikhe: ”Ap yi sani. Nagaila'lak. An wene igin yi hinesanggo holini.

KISAH PARA RASUL 15:7

A'nogo andogotukwasik, wene it ekhe nen igik, it ekhe nen igik, hokhorogoat ikhi lagaukwasik, at Petrus menlagaikhesik he, mel yagaisasikhe: ”Ap yi sani. Nagaila'lak. It afuni endakwe mene nen wene fano wene inesanggo holhik, inendawimo nen eberogoat iluk futfigik, uageluk, an fageat hit ninom were'ma, it andi yagaisa loageluk Allah nen wena'nafikhesik nayonggo fesikhe andi, hinelu o.

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 2:37

A'nogo yagaisasikhemo, inesanggo holhukwasik, wene andiba inendawinggen abolok isikhemo re, iren Petrus inom, it ekhe Yesus nen wenagaisogo inayonggo fuluk lakfisasikhe mene ekhe inom, yagaisikhi logolik he, ”Nagaila'lak. Nit ninobabut ninggi'nogo hilingisu,” iluk yagaisasukwa.

KISAH PARA RASUL 22:1

”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem,

KISAH PARA RASUL 23:1

A'nogo menfesikhemo, at Paulus it ap Yahudi Allah faget wene ero pilingiti lagaukwa mene inebe andogetukwa omanogo, eilenggen lurogo inoba yerisikhi logolik he, ”Nogogwi nagoromi. An Allah eilhanem, attagaren huli yogondak huli hilingiti lagi andi re, weak hilingiti lagi, iluk nendawimo menenei ebeti lagi lek. We, wene nendawimo selek, fano hilingiti lagi, iluk anggikhi lagi,” iluk yagaisasikhesik he, ekhe igin ha'ma re,

KISAH PARA RASUL 23:6

Hobuk at Paulus nen, it ap wene ero pilingiti lagaukwa mene omanogo inebe fena re, Saduki mene inane wanhi lagaukwa mene, nen, fena re, Farisi mene inane wanhi lagaukwa mene, were'ma eilenggen enegat futfisasikhesik he, ane hokhorogoat mel yagaisasikhe: ”Ap yi sani. Nogogwi nagoromi. An nebe Farisi mene. Ap Farisi mene nenat tagongge mene welagi. Logolik, afuni wa'lagaikharek mene hobuk Allah nen eberogoat inelugerinabigin iluk futfikhi lagi andi nen wene noba fagama yi,” iluk yagaisasikhe.

KISAH PARA RASUL 28:17

A'nogo isukwama, ninenggi henagan welagagusigen he, at Paulus nen, it afuni Yahudi mene inogogwi kaindek andogosi wesuageluk inayonggo fesikhe. Inayonggo fesikhemo, inebe arat andogosi wagaukwama, aren he, mel yagaisasikhe: ”Nagaila'lak. An nen, afuni nit mene weak ekhe hilinginafi'lek. Nen, niren ninombalak hilingiti lagaukwa andi hak hilingitorek andi mene herakfisaluk weak hilingiti'legat. A'nogo meneat he, o Yerusalem andoma nen nebe faknobagasukwasik, nenggi hele warogo, afuni Roma mene inenggiba nobagasukwa.

KISAH PARA RASUL 28:25

A'nogo hilingitukwasik, it-it inane hunogo tomok wene palik-palik puguluogeluk ugunem he, at Paulus nen wene misigat ekhe yi yagaisasikhe: ”Wene Allah Areagun en Yesaya nen ninombalak yagaisoageluk yagatikhemo, yagaisikhi lagaikhe andi, higirat higi:

KISAH PARA RASUL 7:2

Yagatikhemo, at Stefanus nen he, mel yagaisasikhe: Nogogwi, nagoromi, neisenalak hinalabok. Wene igin yi, hinesanggo fanorogo holini. Ninambu Abraham a'nogo o Haran tekhogo wagi'lek, o Mesopotamia were'ma, Allah fogeratorek mene a'nogo elokhoma menlagaikhe.

1 PETRUS 1:11

A'nogo yagaisikhi lagaukwa andi, at Kristus Areagun inendawimo logolik yagaisikhi logolik he, mel yagaisasikhe: ”Kristus enggin hilik-hilik wa'lasigin. Wa'lasimbigen, hobuk eluk agunem fogerati logogun,” iluk yagaisasikhemo iren ikhi logoligat he, ”Ninggi'nogo hilinglasigin. Mera nen hilinglasigin,” iluk heinok furogo wanhi lagaukwa.

2 PETRUS 2:21

It andi ebe wene higithogo murok lagaikharek andi inelu agi'lek logoilepma re, fano hak logoilep. Meneat he inelu a'lugen, wene Allah nen komotninafikhe wene andi herakfisaluk kwanirogo lagaikharek andi nen he, mondok weak asugun o.