KISAH PARA RASUL 1:14 - Allah Wene Fano Wene Hupla Inane

¹⁴ It inebe andem inom, Yesus agaisa Maria inom, hemi ekhe inom, Yesus agoromi ombo'ne mene inomat, inebe mondogat inendawinggen misigat logolik he, samban ugu mondok welagaukwa.

KISAH PARA RASUL 1:14 ပူးပေါင်းရင်းမြစ်များ

MATIUS 12:46

At Yesus afuni hokhorogo inom logolik wene yagaisugunem he, at agaisa inom, agoromi inom, wene yagasuogeluk oba wagaukwasik he, olulu welagaukwa.

MATIUS 21:22

Nen, hit yi mene ti mene Allah kino yagati logolik hinendawinggen at oba eberogoat himbiret fegep halok he, wokhisagain aro,” iluk yagaisasikhe.

MATIUS 27:55

A'nogo hilingitu kwelek, it hemi Yesus lebethikhi lagaukwa mene o Galilea nen pisukwasik Yesus ebe eba menfesukwama ineilenggen yatma nen yerogo welagaukwa.

MARKUS 15:40

A'nogo hilingitu kwelek, it hemi ekhe re, he Maria aiba Magdalena mene, ekhe re, he Maria amlogo Yakobus hobuk mene andi inom Yoses inom inagaisa andi, nen ekhe re he Salome, hemi ekhe inomat inebe yatma nen ineilenggen yerinarek welagaukwa.

MARKUS 16:1

A'nogo hasukwasik, inenggi sabit oba Allah faget weat welagaukwasigen he, it he Maria aiba Magdalena mene a'nogo inom, he Maria Yakobus agaisa a'nogo inom, he Salome inom, amusu amben fano mene Yesus warek oba yuguli louwogeluk onggo pali lagaukwa.

LUKAS 11:13

Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

LUKAS 23:49

Nen, Yesus ebe inelu mene mondogat, it hemi o Galilea nen Yesus ombo'ne pisukwa mene inom, it ekhe inom, inebe yatma mendek logolik he, a'nogo hilinglagunem ineilenggen yerogo welagaukwaat.

LUKAS 23:55

Nen, it hemi o Galilea nen Yesus ombo'ne pisukwa mene omanogo Yusuf ombo'ne wagaukwasik he, ”Yesus ebe warek oumo andi a'nogo fikhe, iluk ineilenggen furogo hasukwa.

LUKAS 24:10

It hemi omanogo inebe re, Maria awi Makdalena mene a'nogo inom, Yohana inom, Maria Yakobus agaisa inom, hemi fena omanogo inomat inebe mondogaren pilingisogo Yesus agoromi lakfisageluk inayonggo fesikhe mene omanogo yagaisa lagaukwa.

LUKAS 24:33

A'nogo isukwasik he, welagi'legat, it a'nogo emberegat siakhogo menla'luk inambotkwe o Yerusalem lagaukwa. Lagaukwa re, at Yesus agoromi inebe 11 omanogo inom, inagaila'lak fena inom, inom andoget fesukwasik mel ugunem isa lagaukwa:

LUKAS 24:53

Wagaukwasik, Allah awi wuri'mo logolik he, Allah fogeratu mondok welagaukwa.

LUKAS 8:20

A'nogo hilinglagaikhemo re, it afuni ekhe nen mel yagatukwa: ”Yesus! Hat hagaisa inom, hagoromi inom, herakhabik wagaikhasik olulu werego,” iluk yagatukwama,

KISAH PARA RASUL 2:1

Afuni Yahudi mene hari Pentakosta a'nogoba higit asi wagaikhemo logolik, it afuni inendawinggen Yesus oba himbirik welagaukwa mene inebe mondogat misi'mo andogorek were'ma,

KISAH PARA RASUL 2:42

Inom lambukhogo fanoat logolik he, it ap Yesus nen wenagaisogo inayonggo fuluk lakfisasikhe mene omanogo nen wene yagaisugunem hundik-handigat inesanggo holhik, sumburu inom kurogo ninggik, samban inom igik, ikhi lagaukwa.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

KISAH PARA RASUL 6:4

Menfisamo, it a'nogo hilingitu kwelek, niren he, samban igik, wene ebe wene andiat yagaisigik, ikhi logogun,” iluk yagaisasukwa.

ROMA 12:12

Hiren he, ”Hobuk at Allah nen fano hilingisigin werego,” iluk, hinendawimo hinagaiyekhogo yi enggin ti enggin hikhi logolik he, hinafe morogo samban kamo igi'lek ugu mondok logoino o.

1 KORINTUS 14:13

It ekhe inane an nonggot meneba elalinat samban ikhi logolik he, nendawinggen oba nen ikhi lagi meneat he, ebe futfikhi lagi mondok lek andi nen he, at ekhe nen it ekhe inane onggot meneba elalinat ikherek mene andi nen ikhi logolik he, ”Allah Neisena. Inane inonggot mene andi an nonggwarek naneba higithogo yagaisikhi logoigen he, hat Hareagun en inobabut wogisikherek a'nogo mene ekhe wo'nesuago,” iluk samban ikhi logouwago.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

KOLOSE 4:2

Samban he, Allah hai wati logolik, hinaberali agi'lek hundik-handigat ikhi logolik, hinebe hebelogo logoino o.