KELUARAN 9:23 - Allah Wene Fano Wene Hupla Inane

²³ A'nogo yagatikhemo, at Musa arige tomuk a'nogo pogoroba higit liakfesikhemo re, Tuhan nen eilabut kweangma kulunghogo lakfei wagik, unggunggu ane hokho mene mondok pakhogo lakfei wagik, ikhi logolik, meiso sogenggen kweangma pelakfei waga logolik he,

KELUARAN 9:23 ပူးပေါင်းရင်းမြစ်များ

KEJADIAN 19:24

Aremnogoat Allah nen meiso endu mene inom hendali al hangge amben weak mene enu belerang inom o Sodom Gomora pelabi wagaikhe.

AYUB 37:13

At Allah nen he kweang amusurogo iluk meiso pelak fei wagik; athe it afuni unggum inoba figik, ikhi logouwageluk hilingite. Ekhere it afuni nen anggikhi logolik At Allah nen endawi hundik hilinginafe andi re mondok-mondok faget iluk inelu asuageluk weinamet fikhe.

MAZMUR 147:17

Aren meiso sogenggen es mene re helebenggen hak mene pelabi wagik ikherek. A'nogo hilingitunem he aigengge andoma nen hambuk haluk logou re mondok elo'lek.

MAZMUR 148:8

At Tuhan ane ugunem, sogoi aninirogo funha wagarek mene inom, eilabut inom, meiso sogenggen mene inom, salju inom, ohena inom,

MAZMUR 18:13

At elokhe mo asinandi hangge omanogo nen he, anggulok hik mene inom, meiso es mene inom, nen endu mene inom omanogo terenghogo lakfikherek.

MAZMUR 29:3

Tuhan ane re i laut agum oba nen ili'logo, Allah andungdang werek mene a'nogo ane re i laut hokho talek mene agum oba andoma nen supuk eri'logo.

MAZMUR 77:18

Unggunggu supuk erik lagunem he, eilabut yegelogo meiso pelabi wagarek, eilabut kulunghogo o unggut-unggut mondogat kwelambakhogo hugesi lagarek.

KELUARAN 19:16

O inenggi henaganek mene weirogo hubet-habet he, unggunggu hokho mene ane pak igik, eilabut kulung higik hilingitikhe. A'nogo hilingiti logolik, ohena mumweak mene tom oba weinam agaikhesik he, pinggong ane hokho mene isikhe. A'nogo ugunem afuni hokhorogo o sabu wurikwe welagaukwa mene omanogo inesanggo holhukwasik he inailo hokho mene agaukwasik inoak lei'leik hilingitukwa.

KELUARAN 20:18

At nineisena Tuhan nen a'nogo yagaisasikhe andi re, tom a'nogoba eilabut pakhogo so'le hokhorogo lagagunem, ineilenggen higik, unggunggu pak igik, pinggong anethigik, ugunem ane inesanggo holhi logolik inailo nen inoak lei'leik inebe yatmaat hekhogo mendek welagaukwa.

KELUARAN 9:18

Hobit hubet ya ha'ma, An nen meiso sogenggen es inailo mene o Mesir yoma endamen huli yogondak huli ekhe ninggerek mondok lek mene hinoba lakfei wesigin o.

KELUARAN 9:24

meiso sogenggen inailo mene inom, eilabut yegelogo lakfigik wakfigik ikherek mene inom, lakfei wagaikhe. Attagen he, o Mesir andoma o meiso sogenggen andi hangge mene hikhi lagaukwa lek mene huli andi sambul lakfei wagaikhemo hasukwa andi.

YESAYA 30:30

Tuhan nen ane mondok omame mene a'nogo holuageluk hilingfoumo re afuni inebe lombogen elalinhogo ugunem holhi logogun, At anini re endu nen o hali ninggerek hak hilingiti logolik he, meiso hokho mene inom, meiso sogenggen es mene inom, sogoi sielu mene inom lakfei wesumo re, mondok elo'lekhogo hilingitunem hogoin.

YEHEZKIEL 38:22

Athe An nen unggum wogeti logolik, ou amben weak meneba inom, amep wulagaisogo inom, wene oba fagain. Nen meiso sogenggen hokho mene inom, meiso es mene inom, endu belerang mene inom oba re, at oba inom ap agoromi tentara andoma inoba inom it inunggulenu hokhorogo at inom seberek mene andoma inom inoba kweisal fisagain.

YOSUA 10:11

A'nogo mugisugunem, afuni Amori mene weim heise hina'lasuogeluk tom oba nen alema pugu kwelek, Tuhan nen meiso sogenggen hokho mene pogoroba nen pelakfei wagaikhemo, inoarik-inoarik huli o Azeka huli andoma fisa lagaikhe. It inebe ap Israel mene nen inoatukwa mene re we endebat hangge meneat he, meiso sogenggen nen inoatikhe mene nek he mondok hokhorogo inoatikhe.

WAHYU 16:18

A'nogo ugunem he, eilabut hobugalep yararethigik, unggunggu ane pak ilugen, ane lulu lagik, lugul inailo mene afuni Allah nen elalinafikhe huli nen yogondak huli, lugul andi hangge ekhe langfanget higi'lek mene andiat langfanget higik, ikhi laga yethigi.

WAHYU 16:21

pogoroba nen meiso sogonggen hokho mene ebe lombok enggin he, 50 kilo mene pi waga logolik, afuni inebe inoatik, ikhi laga. A'nogo inoatunem, iren ikhi logolik he, ”Meiso sogonggen weak ninoari'logo yi re, Allah ebe ninggin la'lep he,” iluk enu weageratoat welagaikha yerisigi.

WAHYU 8:7

A'nogo hebelfuluk he, attak malaikat ekhe ambinggong anet hugunem he, meiso sogonggen inom, endu inom, mep inom, inom nanggelek-hanggelek hilingisogo kweangma woukhogo pelabi wagunem he, kweang inom, e hokhondek inom, ebe henagan oba minggilogo fagasik pire herakfikhi logolik, ekhe hali luphogo ninggik, engga helengga ket mene mondogat ninggik, ugunem yethigi.