KELUARAN 9:16 - Allah Wene Fano Wene Hupla Inane

¹⁶ A'nogo meneat he, yi mene ti mene inugisagarek andi hak, An nomame hoageluk, An nenu o yi awi ti awi loageluk, hinebe mondok hinoati'lek herakhinobagagi andi o.

KELUARAN 9:16 ပူးပေါင်းရင်းမြစ်များ

2 SAMUEL 7:23

Afuni inunggulenu lombok o yi awi ti awi welagaikharek mene andi, nit afuni Israel mene ninom higit lego. Nit afuni ninunggulenu Israel mene andiat hat honggwarek hagainafuri logouwagaluk afuni Mesir mene nen inamingmingengge higit fetninarek were'ma, telninafigin mene nit ninamunek welago o. Nit faget elalin mene hokhorogoat hilingitigin andiba, henu o yi awi ti awi mondogat lili'lago andi, neisena. Hat hagainafuri weim yabik wagunem, afuni inunggulenu hunogoat mene inebe inom, it inandugwi kembu inom, mugusogo wulakfisasigin andi.

2 RAJA-RAJA 19:35

A'nogo isikhesi'mo nen, o hubanggo andibaat, nineisena Tuhan agot malaikat ap tentara Asyur mene inawi tenda wuri'mo wagaikhesik, inebe hokhorogo 185.000 nen inoatikhe. A'nogo inoatikhemo, ohealek hubet he, ap warek mondok hilinglagaikhemo hasukwa.

1 TAWARIKH 16:24

At mondok along werek aple a'nogo afuni inunggulenu welagaikharekwe andoma tindelik lani o, At obabut fulu polanhogo hilingiri'lago mene andoma At againafuri inoba tindeli lani o.

NEHEMIA 9:10

Inane a'nogo hesanggo holhi lagagindik, hat hagainafuri yi enggin ti enggin hilinginafi lagaukwa mene andi helu andi nen he, afuni Mesir mene inoe raja ebe inom, agoromi inom, afuni aren ferinarek welagaikhe mene inom, elalinat weagarinafi lagagin andi. A'nogo hilinginafigin andi nen, henu o yi awi ti awi lagu mondok huli yogondak huli nen laguat werek andi.

MAZMUR 106:8

Oba nen he At Tuhan onggwarek endawi wenggelhaluk, At omame hokho mene a'nogo weinam asuageluk he, Aren inagap telinafikhe.

MAZMUR 64:9

It inonggwarek inane agarek oba inebe legarik lagaikharek, a'nogo hilingitunem it ekhe ineilenggen kwelaginarek logolik he inunggul kwanit hagarek.

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

KELUARAN 14:17

An nen afuni Mesir mene inendawinggen helep hangge hilingisogo fisamo re, mukhinarek mondok wagunem An nomame raja Mesir mene ebe inom, agoromi inom, tentara esa logalek inom, inangge kuda inom, ap kereta waluk wesugun mene inom, inugisikhi logolik ekhe hilinginabigin werego.

KELUARAN 14:4

A'nogo anggikhe halok, An nen he, at endawinggen mondok helep hilingisogo foumo re, hit mukhinarek wesigin o. A'nogo meneat he, An nen at raja agoromi tentara mene inom An nomame inugisamo re, iren he, At Tuhan ebe Araro, iluk futfanimbik inelu asugun o,” iluk yagatikhemo, it afuni Israel mene nen he, at Tuhan yagaisasikhe higithogoat hilingitukwa.

KELUARAN 18:11

It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

KELUARAN 9:15

An nen ou hinoba lakfei we'lema, hat hebe inom, afuni yoma inebe mondogat inom felelenghogo wa'la'lebo.

KELUARAN 9:17

A'nogo meneat he, hat hendawimo foget fakhikhi logolik he, An nagainafuri loageluk lakfisigi'lek mondok welagen o.

AMSAL 16:4

Yi aple ti aple Tuhan nen hilingiterek andi re arogo endawimo anggikherek mene weregen hilingiterek, nen, ap weak mene inendawimo anggagarek mene andoma re leget fisikherek mene nek wenggelharek.

YEREMIA 32:20

O attak andoma Haren mondok elalin mene o Mesir en hilingiti lagagindik yogondak afuni Israel mene were'ma ogo nen inunggulenu amu mene were'ma ogore, Haren hilingitu mondok welagenat. Andiba re yogondak he o ekhema-ekhema Hat henu nek sagarek werek.

YEHEZKIEL 39:21

Tuhan nen ikhi logolik, ”An nomame mondok hokho a'nogo fut nobagauwageluk afuni inunggulenu lombok inebene inugisumo, iren An nomameba wene katokhogo palhirek mene andoma neogoin.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

MALEAKHI 1:14

An Hineisena re, Raja Lego Mondok welagimo re, yi afuni ti afuni inunggulenu lombok o kweangma welagaikharek mene An nenu agaukhogo fogetnafarek andi nen he, ap sa nen anggo ai mene agambut palek lek mene An nobagaikhe mene werek kwelek meneat he, munenogo herakfikhi logolik weak mene nobagaikhe halok, eranenat lalnafe andi nen he, homan ugu logouwago,” iluk ikhe.

BILANGAN 14:21

A'nogo meneat he, An netok mondok logolik, afuni kweangma yoma welagaikharek mene eise welagirek mene a'nogo Nonggwarek nenu hombuk palogo wene yi wathisak.

ROMA 9:17

At Allah nen kain Firaun mel yagatikhe: ”An nen yi fagerat menhobagagi o. Afuni nen an nomame inelu agik, nenu o yi awi ti awi yagaisilik lagik, uageluk menhobagagi o,” iluk yagatikhemo Allah ane lisu palek a'nogoba lisu palogo fesukwa.

ROMA 9:22

Andi hak, at Allah endawimo anggikhi logolik he: ”Afuni an nen elalinafigi meneat he, it ekhe na'mage liabi'lagwi andi nen, weagerinabigeluk, na'mage lagaikhe mene andi, iren nobabut palhik, nomame werek mene andi inelu agik, uago,” iluk afe morogo welagarek.

1 PETRUS 2:19

Hiren weak ekhe hilingiti'le'maat he, hinogogwi nen yi enggin ti enggin hilinghinafu kwelek, hinendawimo nen he, ”Allah endawimo amolo mene hilingisugun,” iluk futfuluk hinafe morogo logogun halok he, aren fanothinabigino.

1 PETRUS 2:8

Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.

1 SAMUEL 4:8

Eberogoat weaget ninabugun o! Halok he, it ineisena dewa fogeratarek mene omame hokho andi nen ninoasinogoluk sa nen telninabigin anggegep? It ineisena fogeratarek mene andi nen endamat ap Mesir mene o leimo afuni le'ma nen wulil tagalogo inoatikhe lek nogo? Eberogoat inoatikhe aro.