KELUARAN 8:9 - Allah Wene Fano Wene Hupla Inane

⁹ A'nogo yagaisasikhemo, at Musa nen he, ”An nendawimo nagaiyek anggikhi logolik, noe hat faget hobuk samban igin o. Haren, o ti sambul samban ninobaget ino o, iluk egen halok an nen hat hebe faget inom, hagoromi faget inom, afuni mondogat faget inom, samban igin o. Samban igi halok, yagaise andi noe hat hoba logogin mondok lek. We, i Nil ima nek logogin o,” iluk yagatikhe.

KELUARAN 8:9 ပူးပေါင်းရင်းမြစ်များ

1RAJA-RAJA 18:25

A'nogo yagatukwama, at Elia nen ap Baal ane yagaisikhi lagaukwa mene omanogo mel yagaisasikhe: ”Hit hinebe hokhorogo welagepma re, hit tak sapi ebe wendeberogo fembik he, tik-tukhogo hilingfeni o, oba nen he, e nolugun mene andomaba endu fagaisogo kwelakfigi'lek logolik he, hineisena Baal kino yaga'no o,” iluk yagaisasikhe.

KELUARAN 7:25

At Tuhan nen i Nil homan fesikheba nen, inenggi 7 nen welagaukwa andi.

KELUARAN 8:10

A'nogo yagatikhemo, at raja a'nogo nen he, ”An faget samban ohealekwe ino o,” iluk yagatikhemo, at Musa nen he, ”Noe, haren yi'nogo hilingfanino, iluk yaganeten halok he, an nen hilingisigin aro. Hilingitunem, haren he, hit hineisena Tuhan Allah andi hangge ekhe mondok lek. We, at Allah andi eberogoat higi, iluk futfagain aro.

KELUARAN 8:11

Aren he hat hebe inom, hagoromi inom, afuni mondogat inom, yagaise hinom mondok welagep mene andi hinoba nen legetfagain o. A'nogo legetfoumo, hinailokwe mondogat yagaise ekhe logogin mondok lego. We, i Nil ima nek logogin o,” iluk yagatikhe.

KELUARAN 8:8

A'nogo hilinglaga lagaikhemo at raja a'nogo nen Musa Harun emberek wolisasikhemo lagaukwama re, mel yagaisasikhe: ”Hit hineisena Tuhan nen he, yagaise oma mondok leget fisoageluk samban ini o. Yagaise andoma lek aga halok, an nen hit afuni Israel mene hineisena Tuhan faget warogo nolesi lobagaigeluk lakhinobagagin o,” iluk yagaisasikhe.

YESAYA 10:15

Oba nen he Tuhan nen ikhi logolik mel ikhe, ”Afuni nen e mugusogo lakfagarek mene andi faget posie onggwaregen wonoget fakhamo re higit nogo a? Athe no gergaji ba e tegetarek mene andi esin hangge nen afuni inebe re sebelek hak nogo? E payugen afuni legerisamo re elo'lek athe afuni nen e payuk leget hamo nek he higiro.

BILANGAN 14:20

A'nogo yagatikhemo At Tuhan nen he mel yagatikhe: ”Fano. An haren kino yaganeten higithogoat it weak hilingita mene andi sagalogo legetfisagain o.

HAKIM–HAKIM 7:2

A'nogo wusi lagaukwama, Tuhan nen Gideon mel yagatikhe: ”Hat hagoromi inebe mondok hokho-pokhorogo werek. Hobuk it inomame asimbik inendawimo nen anggikhi logolik he, ninonggwarek ninomameba ninomame agagu, iluk inendawimo anggambik, An legeisogo nobagagi'lek hilingisinogo nen he, hit hinebe hokho-pokhorogo hilingik kwelek afuni Midian mene hinenggiba fugu aplere nabiro.