KELUARAN 8:8 - Allah Wene Fano Wene Hupla Inane

⁸ A'nogo hilinglaga lagaikhemo at raja a'nogo nen Musa Harun emberek wolisasikhemo lagaukwama re, mel yagaisasikhe: ”Hit hineisena Tuhan nen he, yagaise oma mondok leget fisoageluk samban ini o. Yagaise andoma lek aga halok, an nen hit afuni Israel mene hineisena Tuhan faget warogo nolesi lobagaigeluk lakhinobagagin o,” iluk yagaisasikhe.

KELUARAN 8:8 ပူးပေါင်းရင်းမြစ်များ

1RAJA-RAJA 13:6

A'nogo hilingitikhemo re, at raja Yerobeam en nabi a'nogoba yagati logolik he, ”Hat heisena Tuhan Allah andi nen an endawit nabimbik nenggi yi fano hilingnabuakhogo re nobaget At oba samban in o!” iluk yagatikhe. A'nogo yagatikhemo at nabi a'nogo nen Tuhan oba samban isikhemo re raja enggi a'nogo fano agaikhe.

MAZMUR 66:3

Hiren Allah ba ikhi logolik he, ”Haren hilingiti lagen mene andoma re mondok hanggiluk werek mene nek hilingiti lagen! Hat homame re mondok hokho mene welagenma re, it haselei mene re inailo nek agunem Hat ha'ma sebe agarek.

KELUARAN 10:16

A'nogo hilinglagaikhemo, at Firaun nen he, weak-weagat Musa Harun emberek wolisasikhemo lagaukwama re, mel yagaisasikhe: ”An nen hit inom, hineisena Tuhan Allah inom, hineilhanem weak hilingiti o.

KELUARAN 10:17

An yogondak yi weak hilingiti mene andi sagalogo legetfisambik he, hineisena Tuhan Allah ninebe ninoasigiluk unggum mondok weak ninoba fikhe mene andi korogo legetfisoageluk samban ino,” iluk yagaisasikhe.

KELUARAN 10:18

A'nogo yagaisasikhemo, at Musa raja a'nogo herakfisaluk wagaikhesik he, nineisena Tuhan oba samban isikhe.

KELUARAN 14:5

A'nogo hilingitukwama, it afuni ekhe nen he, afuni Israel mene arat hela lagaikha, iluk isukwama at raja a'nogo esanggo holhikhesik he, at agoromi inomen he, ninggi'nogo hilingito he, ninabire, iluk inendawimo weak agaukwasik he, mel isukwa, ”Niren ninggi'nogo hilingisugun anggegep. Nit ninamingmingengge mondok legasuageluk, it afuni Israel mene andi lani iluk yagaisogo andi nenahalok,” iluk isukwa.

KELUARAN 32:11

A'nogo yagatikhemo, at Musa nen eisena Tuhan Allah oba kino yi'nogo yagatikhe, ”Haren a'nogo hilinginabigin andi nenahalok? Hat homame mondok hokho andiba it telinafendik, o Mesir en woginarek wulibi wagen a'nogo lek nogo?

KELUARAN 5:2

A'nogo yagatukwama, aren he, ”Tuhan andi sa nogo?” iluk heinok wogisasikhesik he, ”An nen he, at andi nen fano ikhe, iluk afuni Israel mene loageluk nenahalok At ane holfuluk lani igin? Tuhan andi ebe nonggotma re, afuni Israel mene andi, lani, iluk yagaisagain lego,” iluk yagaisasikhe.

KELUARAN 8:15

Yagaise a'nogo wa'lagaikhemo, at raja eilenggen hasikhe meneat he, endawinggen mondok haro agaikhesik, At Tuhan nen isikhe higithogoat Musa Harun emberek ugunem inane hologo hilingiti'lek herakfisasikhe.

KELUARAN 8:29

A'nogo yagatikhemo, at Musa nen he, ”An lagi halok he, ohealek sobon andi mondogat hat hebe inom, hagoromi inom, afuni mondogat inom, hinoba nen loageluk, samban weak-weagat Tuhan kino yagasigin o. A'nogo yagasigin meneat he, haren heranen nit lalninafik, afuni Israel mene ineisena Tuhan faget warogo nolesi louwogeluk ugunem inanggwe palhik, hobuk hilingisugun mondok lego,” iluk yagatikhe.

KELUARAN 8:32

A'nogo hilinglagaikhe meneat he, at raja endawinggen mondok haro agaikhesik afuni Israel mene, lani, iluk yagaisigi'lek kamo isikheat.

KELUARAN 8:9

A'nogo yagaisasikhemo, at Musa nen he, ”An nendawimo nagaiyek anggikhi logolik, noe hat faget hobuk samban igin o. Haren, o ti sambul samban ninobaget ino o, iluk egen halok an nen hat hebe faget inom, hagoromi faget inom, afuni mondogat faget inom, samban igin o. Samban igi halok, yagaise andi noe hat hoba logogin mondok lek. We, i Nil ima nek logogin o,” iluk yagatikhe.

KELUARAN 9:27

A'nogo hilingitikhemo, at raja a'nogo nen he, Musa Harun emberek wolisasikhesik he, mel yagaisasikhe: ”An mondok weak hilingiti o. Hit Tuhan nen andi eberogoat hilingitu kwelek meneat he, an nebe inom, afuni mondogat inom, at eilhanem weak hilingito o.

KELUARAN 9:28

Hit hobuk o yoma logogun lek. Lakhinobagaigen he, nit o meiso sogenggen unggunggu ane pakhogo mondok weakhogo ninoate andi faget Tuhan kino yaga'no o,” iluk yagaisasikhe.

KELUARAN 9:33

Musa at raja a'nogo herakfisaluk o kota nen abel enda'ma wulibi wagaikhesik, enggi liabek logolik Tuhan oba samban isikhe. A'nogo samban isikhemo, andi sambul unggunggu ane legagik, meiso es mene inom, meiso sogenggen mene palagik, isikhe.

BILANGAN 21:7

A'nogo wa'lagaukwama, it afuni Israel mene ekhe Musa oba wagaukwasik he, mel yagatukwa: ”Niren he, nineisena Tuhan ninendawimo seramet fogosik, Yigini'mo ninabire, iluk Allah inom, hat inom, lalhinafo andi weagat hilingito o, neisena. Ma re, nineisena Tuhan nen kisu andoma nit ninoba nen lakfisoageluk, samban nit faget inogeluk yagahesi wago o, neisena,” iluk yagatukwama, at Musa nen samban it faget isikhe.

KISAH PARA RASUL 8:24

A'nogo yagatikhemo, at Simon nen he, mel yagatikhe: ”Hit egep andi hak, an noba asinogo nen he, an faget Tuhan ayonggo feino o,” iluk yagaisasikhe.

1 SAMUEL 12:19

A'nogo inailo hokhorogo agaukwasik, Samuel mel yagatukwa: ”Neisena. Nit ninebe wa'lago hanogo iluk, heisena Tuhan Allahba ayonggo feino. Nit attak weak hilingitugu mene were'ma re, hobuk ninoe raja ekhe menfeinogoluk yagaheto mene andi inomat weak hilingitoma aro, iluk arat futfogo o, neisena,” iluk yagatukwa.