KELUARAN 8:4 - Allah Wene Fano Wene Hupla Inane

⁴ A'nogo hilingiti logolik, yagaise andi hat hebe inom, hagoromi inom, afuni mondogat inom, hinebene hukpok-hakpok lagakhi logogin o, yagahete iluk yaga'no,” yagatikhe.

KELUARAN 8:4 ပူးပေါင်းရင်းမြစ်များ

1RAJA-RAJA 13:6

A'nogo hilingitikhemo re, at raja Yerobeam en nabi a'nogoba yagati logolik he, ”Hat heisena Tuhan Allah andi nen an endawit nabimbik nenggi yi fano hilingnabuakhogo re nobaget At oba samban in o!” iluk yagatikhe. A'nogo yagatikhemo at nabi a'nogo nen Tuhan oba samban isikhemo re raja enggi a'nogo fano agaikhe.

MAZMUR 107:40

At Tuhan nen, it weagarinafi lagaukwa mene omanogo, inogogwi kaindek sebelogo fisasikhesik, o leimo afuni le'ma andoma, ebekwe mondok yago lekwe omanogo nikhi logouwageluk, yagaisasikhe.

KELUARAN 10:17

An yogondak yi weak hilingiti mene andi sagalogo legetfisambik he, hineisena Tuhan Allah ninebe ninoasigiluk unggum mondok weak ninoba fikhe mene andi korogo legetfisoageluk samban ino,” iluk yagaisasikhe.

KELUARAN 8:24

Tuhan nen a'nogo yagatikhesik he, at raja Firaun aiba inom, agoromi inaiba inom, sobon mondok hokhorogo lakfei wagaikhemo re, o Mesir yi awi ti awi sobon mondok hokhorogo hilinglagaikhemo, afuni Mesir mene mondogat wiik-weakhogo welagaukwa.

KELUARAN 8:3

A'nogo saga imbik, i Nil ima re, yagaise mondok sik-pik imbik pete igin aro. Peterogo endakwe wulibi wesimbik he, hat haiba kwimbik, o hulumo hat hebe nogo egendek oba kuluk, su nogo egendek mene elema kwigik, hagoromi inailokwe kwigik, afuni mondogat inailokwe kwigik, sumburu roti weratarek kwe kwigik, panci elekwe kwigik, ikhi logogin o.

KELUARAN 8:5

A'nogo yagatikhesik, Musa ekhe mel yagatikheat: ”O Mesir yi awi ti awi mondogat yagaise mondok hokhorogo sik-pik imbik pete uageluk, at Harun nen arige tomuk a'nogo wanhikhesik he, i hokhokwe endep kwe mondogat inom, kalok waganekwe i wagarek mene inom, mogo yenggelek mene inom, enggi pisarogo i agum oba higit lakfouwageluk yagaom o,” iluk yagatikhe.

KELUARAN 9:28

Hit hobuk o yoma logogun lek. Lakhinobagaigen he, nit o meiso sogenggen unggunggu ane pakhogo mondok weakhogo ninoate andi faget Tuhan kino yaga'no o,” iluk yagaisasikhe.

YESAYA 19:11

O kota Zoan oba ferinarek welagaikharek mene andoma eberogo nen he mondogat kembu! Ap Mesir inap inendawinggen kagalek mene nen he it kemburogo hilingiri'lagwi mene omanogo komorinabi'lagwi! Iren inailo legengge raja ba ikhi logolik he, ”Nit he ap o attak inendawinggen werek inap logolik inogogwi raja ogo higithogo hilingiti lagaukwa omanogo mene inambisangmangge welago o, iluk ili'lagwi andi ri!

YESAYA 19:22

Tuhan nen he ap inunggulenu Mesir mene endawi hundik oba weagerinabimbigen he hobuk lagokhogo re it inoba fanorinabigin. Iren Tuhan oba inendawinggen hebelogo wagunem he, Aren it samban ugu mene inane esanggo holiluk he fanorinabigin.

YESAYA 23:9

Tuhan Omame Mondok Hokho mene a'nogo nen wene andi hilingisigin iluk Arenat sikhiphogo ikhe. Aren he it inenggingge helugu meneba wonoget fakhagarek mene inom, afuni o kweangma kaindek welagaikharek mene inom, seberogo fisagarek awene andi wurep kobokhogo huli andiba leget fisagain anggikhe.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

BILANGAN 21:7

A'nogo wa'lagaukwama, it afuni Israel mene ekhe Musa oba wagaukwasik he, mel yagatukwa: ”Niren he, nineisena Tuhan ninendawimo seramet fogosik, Yigini'mo ninabire, iluk Allah inom, hat inom, lalhinafo andi weagat hilingito o, neisena. Ma re, nineisena Tuhan nen kisu andoma nit ninoba nen lakfisoageluk, samban nit faget inogeluk yagahesi wago o, neisena,” iluk yagatukwama, at Musa nen samban it faget isikhe.