KELUARAN 8:22 - Allah Wene Fano Wene Hupla Inane

²² A'nogo meneat he, haren he, andi Tuhan nen hilingiri'lago higi, iluk futfeinogen iluk, An nagainafuri inaiba welagaikharek oba o Gosyen andoma nek he, sobon mondok lek logogin o.

KELUARAN 8:22 ပူးပေါင်းရင်းမြစ်များ

KEJADIAN 46:34

mel yaga'no: Nit he, ninombalak wam eise logolik, konhi lagaukwa hak, ninebe yenggerugwiba nenat wam eise logolik konhorek mene welago o, iluk yaga'no. A'nogo yagasumo, aren he, halok, hit o Gosyen logobagaigeluk yagahisagain o,” iluk yagaisasikhe. At Yusuf en a'nogo yagaisasikhe andi re, it afuni Mesir mene nen, it afuni wam eise logolik konharek mene inom hunisu re, inabit welagaikharek andi nen yagaisasikhe.

MAZMUR 110:2

O Sion oba andoma nen he, o haren ferinarek welagen oba a'nogo At Tuhan nen esanggo esanggo wogologo langet fagain, a'nogo hilingfoumo, haren haselei mene henggiba ferinarek logogin.

MAZMUR 74:12

Neisena Allah, o attagen engge an neisena raja re Hat hebeat welagen, we Harenat nit ninagap telogo ninobagasigin.

KELUARAN 10:23

A'nogo were'ma, afuni Mesir mene yi mene ti mene ekhe ineilenggen hasukwa mondok lek. Nen, inebe o ekhema-ekhema lagi'legat welagaukwa. A'nogo meneat he, afuni Israel mene inaiba welagaukwaba andoma o fano selek welagaikhe.

KELUARAN 12:13

A'nogo weaget fisambik waga logolik, hit hinailokwe wam mep warek logogin andi nen enegat hilinglasigin o. A'nogo enegat were'ma, An nen afuni Mesir mene legetfisilik waga logolik, hit ogalhinobagaluk lagain o.

KELUARAN 19:5

Hit yogondak an nane hologo wene wathisasigi mene andi higithogo hilingitep halok he, hit he, an nagainafuri hinale'ma kenghogo wokhinabigin o. Afuni kweangma mene mondogat he, inebe an mene. Meneat he, hirenek he, hinebe an nendawinggen hundik mene hilinglasimbik

KELUARAN 20:11

An hineisena Tuhan nen kweang inom, pogot inom, laut yenggelek inom, yi mene ti mene pogot, kweang oba welagarek inom, mondogat walhilik waga lagarik, huli nenggi falfalik huliba walhasigi meneat he, nenggi ekhe sabit mene andiba re, set walogo weat welagagi. Andi nen An hineisena Tuhan nen o inenggi sabit oba welagaikharek andi ebe fanotfigirik, nonggwarek faget fakhasigi andi.

KELUARAN 7:17

A'nogo hilingiti lagen andi nen, at Tuhan nen yi'nogo ikhe: An nen hobuk hilingisigin mene heilenggen hambik he, At ebe Tuhan higi, iluk futnobagain aro, iluk ikhe. Halok, an yogondak sige tomuk i agum oba fothugunem he, i eil mep mondok hilinglasigin o.

KELUARAN 7:5

An nen, afuni Mesir mene wene inoba fembik weagerinafi logolik, afuni Israel mene o Mesir herakfuluk woginarek wulifunem, it afuni Mesir mene nen he, At Allah re, Tuhan higi iluk, inelu asigin o, iluk yagatikhe.

KELUARAN 8:10

A'nogo yagatikhemo, at raja a'nogo nen he, ”An faget samban ohealekwe ino o,” iluk yagatikhemo, at Musa nen he, ”Noe, haren yi'nogo hilingfanino, iluk yaganeten halok he, an nen hilingisigin aro. Hilingitunem, haren he, hit hineisena Tuhan Allah andi hangge ekhe mondok lek. We, at Allah andi eberogoat higi, iluk futfagain aro.

KELUARAN 8:21

Nen, haren it lakfisigi'lek halok he, hat hebe inom, hat hagoromi pegawai inom, hagainafuri Mesir mene mondogat inom, sobon hinoba lakfei wesigin o. Lakfei wagunem, afuni inailokwe inom, endakwe inom, sobon mondok hokhorogo sik-pik imbik pete igin o.

KELUARAN 8:23

An nen he, nagainafuri inoba hunogoat hilinginafi logolik, hat hagainafuri inoba hunogoat hilinginabigin andi re, o healegat elalin mene yi hilingisigin o, iluk ikhe, yaga'no,” iluk yagatikhe.

KELUARAN 9:26

A'nogo meneat he, afuni Israel mene welagaukwaba o Gosyen enek he, meiso sogenggen andi ninggi'lek kamo isikhe.

KELUARAN 9:29

A'nogo yagaisasikhemo, at Musa nen at raja yagati logolik: ”Haren he, kweangma yoma eise re, hit hineisena Tuhan andi aro, iluk futfeinogoluk, an weak-weagat o sili hokhoma nen enda'ma wulifi logolik, nenggi liakfembik, Tuhan samban oba yagati halok, meiso sogenggen unggunggu ane pakhogo nili'lago mene andi legasigin o.

KELUARAN 9:4

An nen he, afuni Israel mene inanggo penegeisogo misigat halok ekhe wati'lek herakfikhi logolik, afuni Mesir mene hinanggo nek he, mondok felelenghogo wasigin o.

KELUARAN 9:6

A'nogo nen ohealekwe re, At Tuhan nen isikhe hagat hilingitunem, wam afuni Mesir mene inanggo omanogo mondogat wa'lagaikhe. A'nogo meneat he, wam afuni Israel mene inanggo misikhogo ekhe wa'lagi'lek fano welagaikhe.

YEHEZKIEL 30:19

A'nogo An nen Mesir unggum wogisamo, iren An Tuhan iluk inelu asugun o,” ikhe.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.