KELUARAN 8:19 - Allah Wene Fano Wene Hupla Inane

¹⁹ A'nogo hilinglagaikhemo, it ap wesa inap elalin hilingitu inelu mene omanogo nen he, raja Firaun mel yagatukwa: ”Yi re, at Allah nenat hilingiri'lago higi,” iluk yagatukwa meneat he, at raja endawinggen mondok haro agaikhesik he, At Tuhan nen isikhe hagat Musa Harun emberek inane ugunem hologo hilingiti'lek herakfisasikhe.

KELUARAN 8:19 ပူးပေါင်းရင်းမြစ်များ

LUKAS 11:20

Meneat he, an nen Allah omame andiba munggwarengge obabut weak mene andi henegeisogo wulakfisikhi lagi halok he, Allah awe a'ma inobagagin mene andi arat hinoba horogasi waga o.

MAZMUR 8:3

it omalik fou mene nen inom, yenggerugwi magendek mene nen inom, wuniba fogethabi'lagwi. Hat hebe esin lego mondok logolik melalinafi lagen mene andi re mondok abolok lek ning maniberogo werek andiba re, It haselei mene inoba inom, hinom weim palek mene inoba inom inambe to'mot fisikhi lagen.

MATIUS 12:28

Meneat he, an nen Neisena Areagun omameba munggwarengge inobabut weak mene andi afuni inendawimo kuluk were'ma henegeisogo wulakfisikhi lagi halok he, Allah nen awe a'ma inobagagin a'nogo arat hinoba asi waga o.

KELUARAN 7:5

An nen, afuni Mesir mene wene inoba fembik weagerinafi logolik, afuni Israel mene o Mesir herakfuluk woginarek wulifunem, it afuni Mesir mene nen he, At Allah re, Tuhan higi iluk, inelu asigin o, iluk yagatikhe.

YOHANES 11:47

A'nogo yagaisa lagaukwama re, it ap Allah eisewerek inogogwi kaindek inom, Farisi mene inomen he, it ap wene ero pilingiterek mene wolisasukwama wagaukwama re, mel yagaisasukwa: ”At ap andi ebe futfouwageluk elalin mene hokhorogo hilingiri'logo andi re, niren ninggi'nogo hilingisuok anggegep?

DANIEL 2:19

A'nogo yagaisasikhesik hubanggo nogo ugunem en he Allah nen raja abi hinago mene hasikhe mene a'nogo Daniel abikanggoba yagatikhe. A'nogo yagatikhemo, at Daniel en Allah pogoroba mene fogeratikhe.

1 SAMUEL 6:9

A'nogo lagu kwelek hineil wanino o. A'nogo hineil wanhunem, peti andi waluk aiba o kota Bet-Semes higit pikhit lagu halok he, wene mondok weak mene andi afuni Israel mene ineisena Allah nenat ninoba lakfei wagama higi, iluk futfogoin o. A'nogo meneat he, kwe amukwe kwanirogo lagu halok he, wene andi Allah nen ninoba lakfei wagi'lek, we, erabisagat ninoba agama, iluk nit futfogoin aro,” iluk yagaisasukwa.

1 SAMUEL 6:3

iren ikhi logolik he, ”Peti Wene Warogo Allah nen afuni Israel mene woginafikhe iluk hilingik mene andi, hiren weat lakfogoin mondok lego. We, nit weak hilingito, iluk onggo palogo yi mene ti mene ekhe inom hogo lakfogoin o. A'nogo lakfogoin halok, hit hinebene tuk-tugenggerik laga mene andi lek asuageluk hilinghinabigin o. A'nogo hilinghinafunem, hiren he, afuni Israel mene ineisena Allah nen nit wene ninoba filik wagasik mondok werek andi, ero andi nen higi, iluk hinelu asugun aro,” iluk yagaisasukwa.

KELUARAN 10:7

Wagaikhemo, at raja agoromi pegawai nen at mel yagatukwa: ”At ap andi ki huli nen a'nogo weagetninafu mondok logogin anggegen? Hobuk fano asuagen he, afuni Israel mene inebe mondogat Tuhan Allah faget fogerasi loagen he, lakfisano o. Yethan, nit ninaiba o Mesir yoma elokhe mondok weak aga andi hikhi lagen lega?” iluk yagatukwa.

KELUARAN 7:4

A'nogo hilingiti logogin andi nen, An nen afuni Mesir mene wene mondok enggin mene inoba fuluk weagerinabimbigen, hobuk Nagainafuri Israel mene andi inebe mondogat o Mesir en herakfisaluk woginarek wulibigin o.

KELUARAN 7:13

A'nogo hilinglagaikhe meneat he, At Tuhan nen he: ”Hit a'nogo hilingisugun meneat he, at raja endawinggen mondok haro asimbik, hit hinane esanggo holhi'lek herakfisikhi logogin o,” iluk yagaisasikhe higithogoat hilinglagaikhe andi.

KEJADIAN 41:24

A'nogo wulabi wagunem, at gandum enggen lek sawet mene omanogo nen he, gandum enggen fano werek mene omanogo haumethigik nunggunem higi. An nabi pire a'nogo higirik he, ap wesagun elalin hilingitarek mene pilingisogo yagaisigi meneat he, ap it mene ekhe nen, habi ebe yi'nogo hilinglasigin mene faget hegenma o, iluk ekhe mondok yaganeta lego,” iluk yagatikhe.

KELUARAN 9:4

An nen he, afuni Israel mene inanggo penegeisogo misigat halok ekhe wati'lek herakfikhi logolik, afuni Mesir mene hinanggo nek he, mondok felelenghogo wasigin o.

KELUARAN 9:26

A'nogo meneat he, afuni Israel mene welagaukwaba o Gosyen enek he, meiso sogenggen andi ninggi'lek kamo isikhe.

KELUARAN 10:23

A'nogo were'ma, afuni Mesir mene yi mene ti mene ekhe ineilenggen hasukwa mondok lek. Nen, inebe o ekhema-ekhema lagi'legat welagaukwa. A'nogo meneat he, afuni Israel mene inaiba welagaukwaba andoma o fano selek welagaikhe.

KELUARAN 11:7

A'nogo meneat he, afuni Israel mene inailokwe nek he, afuni inebe inom, wam inom, weagerinafik, inoba sebelhik, igin mondok lego. A'nogo hilingitunem fut fembik, hiren, andi afuni Israel mene ineisena Tuhan nen nit afuni Mesir mene ninoati logolik, afuni Israel mene herakfisikhemo enegat hilinglaga, iluk futfanubagaigeluk a'nogo hilingisigin o, iluk ikhe,’ ” iluk yagatikhe.