KELUARAN 8:14 - Allah Wene Fano Wene Hupla Inane

¹⁴ A'nogo wa'lagaikhemo, afuni Mesir mene nen he, yagaise warek omanogo andogorogo filik lagaukwama, o Mesir yi awi ti awi mondogat amben weak mene sang isikhe.

KELUARAN 8:14 ပူးပေါင်းရင်းမြစ်များ

1RAJA-RAJA 18:26

A'nogo yagaisasikhemo, it omanogo sapi misik ekhe wendeberogo fesukwasik he, senggel fogathogo tuget fesukwa. A'nogo hilingfesukwasik, o huberen pikhit lingge tulem a'nogo re ineisena Baal kino yagati logolik, inane hokhorogo mel ikhi lagaukwa: ”Baal nineisena, ninane hesanggo holimbik he, endu wo'nisan o,” iluk kino yagati lagaukwa. A'nogo yagati logolik, wuni lagik-wagik, wam, yi mene ti mene tugwi kembu Baal faget noletuba mezbah a'nogo abel yiling-waling watu mondok welagaukwa. A'nogo yagatu welagaukwa meneat he, at Baal en ane onggo endebat halok ogo ekhe yagaisasikhe mondok lek.

1RAJA-RAJA 18:29

A'nogo hilingitu werek kwelek, o arat hu'mokokwe afuni yabu inenggi ando kwe nen kwi wagaikharek higit asi wagaikhe. A'nogo hilingitukwa meneat he, at tugwi kembu Baal en inom, nen amu mene ekhe nen ogo, inane esanggo holhik, endawirinafik, ane onggo yagaisigik, igi'legat.

KELUARAN 7:21

A'nogo hilinglarik lagaikhemo re, ikan i Nil ima welagaikhe mene mondogat wa'lagaikhesik, amben weak agaikhemo, afuni Mesir mene i nunggu mene mondok elo'lek agaikhe. Agaikhesik o Mesir kweang andoma eil mep mondok agaikhe.

KELUARAN 8:13

A'nogo yagatikhemo, At Tuhan nen, Musa nen kino yagatikhe mene andi ane esanggo holhikhesik, yagaise olokwe inom, o silikwe inom, yabukwe inom, welagaikhe mene omanogo wa'lasuageluk hilingitikhemo mondogat wa'larik lagaikhe.

KELUARAN 8:15

Yagaise a'nogo wa'lagaikhemo, at raja eilenggen hasikhe meneat he, endawinggen mondok haro agaikhesik, At Tuhan nen isikhe higithogoat Musa Harun emberek ugunem inane hologo hilingiti'lek herakfisasikhe.

KELUARAN 8:24

Tuhan nen a'nogo yagatikhesik he, at raja Firaun aiba inom, agoromi inaiba inom, sobon mondok hokhorogo lakfei wagaikhemo re, o Mesir yi awi ti awi sobon mondok hokhorogo hilinglagaikhemo, afuni Mesir mene mondogat wiik-weakhogo welagaukwa.

KELUARAN 9:11

It afuni Mesir mene inebe mondogat inoba pot hokhorogo agaikhe andi hak, it ap wesainap elalin hilingiti lagaukwa mene omanogo ogo re, pot inoba mondok hokhorogoat inagap selek ekhe welagaikhe lek andi nen at Musa elokhoma ninggi'nogo menlasu heat hilinglagaikhe.

YESAYA 19:11

O kota Zoan oba ferinarek welagaikharek mene andoma eberogo nen he mondogat kembu! Ap Mesir inap inendawinggen kagalek mene nen he it kemburogo hilingiri'lagwi mene omanogo komorinabi'lagwi! Iren inailo legengge raja ba ikhi logolik he, ”Nit he ap o attak inendawinggen werek inap logolik inogogwi raja ogo higithogo hilingiti lagaukwa omanogo mene inambisangmangge welago o, iluk ili'lagwi andi ri!

YESAYA 34:2

Tuhan nen ap inunggulenu mondogat omanogo inom, ap esa-esangge omanogo inom, wenagisili'logo. Aren it unggum inoba fembik leget fisagain.

YEHEZKIEL 39:11

Tuhan ane ikhi logolik, ”Andem mondogat hilinglasigin sambul he, An nen Gog ebe salugun oba kweang Israel oba andoma wogosigin. Kweang wogosigin oba re tonggo afuni soganisaluk lagaikharek oba Laut Mati abel fena mo lagai wagarek fikhit andoma. Andoma re Gog inom agoromi tentara inom inebe mondok salinabugun. Nen tonggo andi enu re, ’Tonggo Gog agoromi inom esa logalek oba,” iluk ikhi logogun.

YOEL 2:20

Nen, pulue esa abel utara fikhiren elang paluk weri'lago mene andoma hit hinoba nen silogo lakfisagain o. A'nogo lakfisikhi logolik, fena re o Bini leikwe andoma silogo lakfisigik, nen esa attak mene re, i Laut Mati yenggelek higit andoma loageluk miminginafik, esa logalek hobuk mene re, i Laut Tengah andoma tamakhogo lakfisigik, igin o. Iren hit mondok weagethinafa andi nen he, An nen it inebe mondok a'nogo lakfisamo, wa'lasimbik amben mondok weak mene sang igin,” iluk yagaisasikhe.