KELUARAN 7:19 - Allah Wene Fano Wene Hupla Inane

¹⁹ A'nogo yagatikhesik, hobuk Tuhan nen he, at Musa ekhe mel yagatikheat: ”At Harun nen arige tomuk a'nogo wanhikhesik he, it afuni o Mesir mene hokhokwe endepkwe mondogat inom, i kalok waganekwe nen wagarek mene inom, mogo yenggelek mene inom, enggi pisarogo i agum oba higithogo lakfugunem he, i o Mesir yi awi ti awi mondogat e kewi hilingisogo i yenggelek mene inom, helep ebene yenggelek mene inom mep agik, uageluk hilingisuagen he, yagasin o,” iluk yagatikhe.

KELUARAN 7:19 ပူးပေါင်းရင်းမြစ်များ

KEJADIAN 1:10

A'nogo hilinglagaikhemo, Allah nen kweang wurik agaikhe mene andi enu kweang salhik, i misi'mo andogosi lagaikhe mene andi enu, ”I laut yenggelek,” salhik, isikhe. A'nogo salhikhesik, eilenggen hasikhesik he, ”Andi fano elalogo fisigi higi,” iluk isikhe.

2 RAJA-RAJA 4:29

A'nogo yagatikhemo, at Elisa eilenggen lagokhogo Gehasi kwelakhasikhesik he, mel yagatikhe: ”An narige tomuk yi wanimbik he, weak-weak he yi aiba pikhit lan o. Laga logolik, afuni ekhe hai warinafun o. Nen, it ekhe nen hat hai wathafu halok, haren hai warinafun aro. Hebe pikhithogoat laga logombik, arat lagen halok, an narige tomuk ari yenggerek andi oba feino o,” iluk yagatikhe.

KELUARAN 10:12

A'nogo hilingitukwama, At Tuhan nen Musa mel yagatikhe: ”Pulue wesimbik yi mene ti mene awi yago mene meiso sogenggen es mene nen weagetfigi'lek mene andi mondogat noageluk harige tomuk ari o Mesir oba higit henggi pisarogo lakfein o,” iluk yagatikhe.

KELUARAN 10:21

A'nogo hilinglagaikhemo, hobuk Tuhan nen Musaba ikhi logolik mel yagatikhe: ”O Mesir mum asuagen he, henggi pogoroba higit liakfein o,” iluk yagatikhe.

KELUARAN 14:16

Haren, harige tomuk ari lekhambik i yenggelek ari agum oba higit lakfugunem he, i healogo poikwe, maikwe habuna ugunem he, afuni Israel mene i firokse'ma ial enek pililirekwe wulibubagaigen lakfein o.

KELUARAN 14:21

A'nogo werek kwelek, at Musa enggi i yenggelek a'nogo agum oba higit lakfei wagaikhemo, At Tuhan nen sogoi mo liabi wagarek higiren aninirogo lakfei wagaikhemo i yenggelek a'nogo healhikhe. O hup inukhogo sogoi a'nogo funha wagu mondok kamo isikhemo, i yenggelek a'nogo mondok healagaikhesik firokhogo kweang weinam agaikhe.

KELUARAN 14:26

A'nogo isukwama At Tuhan nen Musa mel yagatikhe: ”I ambotkwe nabung-habung hikhi logolik afuni Mesir mene inebe inom, inangge kereta inom, sebelinabuagen he, henggi i agum oba higit lakfein o,” iluk yagatikhe.

KELUARAN 4:9

Meneat he, iren eberogoat iluk futfouwageluk, elalin mene henggi pireba hilingisigin mene ineilenggen hambigen, futfigi'legat inabirat logolik, haren yagaisagain mene andi holhi'legat hilingitu halok he, i Nil mene endebat ekhe hinagaisogo wanimbik he i andi kweangma kweisal hano. A'nogo hilingisu mo re, i andi eilhe mep mene hilinglasigin o,” iluk yagatikhe.

KELUARAN 8:16

Tuhan nen Musa mel yagatikhe: ”At Harun nen arige tomuk a'nogoba kweang fothoagen yagaom o. A'nogo Fothugunem he, kweang age o Mesir yi awi ti awi mondogat saga ikhi logolik, kweang age andi hebekhogo kolum hokhorogo hilinglasigin o,” iluk yagatikhemo Harun yagatikhe.

KELUARAN 9:33

Musa at raja a'nogo herakfisaluk o kota nen abel enda'ma wulibi wagaikhesik, enggi liabek logolik Tuhan oba samban isikhe. A'nogo samban isikhemo, andi sambul unggunggu ane legagik, meiso es mene inom, meiso sogenggen mene palagik, isikhe.

YESAYA 5:25

Tuhan a'mage At againafuri mene inoba fikhesik werek andi nen he, it inoba unggum feigeluk fik foukhogo werek. Tom-tom andoma mondogat yelandi-kwelandirisagain, it inebe warek he engga fili filingge ebekhe kwe hugisugunem werek andi hakhogo warek enek pipou ugun. Oba nen he Tuhan a'mage legasigin lek andi nen he unggum inoba fagain.

HABAKUK 3:8

Tuhan neisena, Hat ha'mage lagali'lago andi re i laut werek andi nen a? Athe, i lagu agai werek andoma nen wene palhendek nogo a? Kuda ba lagaluk weim wagaikharek andi hak Hat hebe ohenaba wagik, kuda nen kereta ba lisogo woginarek weim wagaikharek andi hak pogot muli meneba wagik, isigindik, hagainafuri inomamerinabi wagagin andi.