KELUARAN 7:16 - Allah Wene Fano Wene Hupla Inane

¹⁶ Lambik were'ma, at raja ebe pi wagu halok mel yaga'no: Nit afuni Ibrani mene nineisena Tuhan Allah nen, haren At againafuri lakfisugunem o leimo afuni le'ma laluk At fogerati logouwageluk an nayonggo fesikhesik hoba laknobagai wagama yagaheti lagi meneat he, hat huli yogondagen nane hesanggo holu habit mondok welagen andi.

KELUARAN 7:16 ပူးပေါင်းရင်းမြစ်များ

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 13:15

Wene andi re, at raja Mesir mene ungguloak mondok haro hilingi'mo, nit loageluk oboget nisigi'legengge fetninarek were'ma, At Tuhan en afuni Mesir mene inagainafuri ap manggusa mene nek folhigik, inanggo yi wam ti wam eagwi mondogat inom pinggi inoatikhe. Andi faget he, niren wam eak attak ta'lagu menere Tuhan obaget warogo fisikhi lago, andiba re, nit ninagainafuri manggusa mene obali'mo telogo fisikhi lago,’ iluk yagaisikhi logogun.

KELUARAN 14:5

A'nogo hilingitukwama, it afuni ekhe nen he, afuni Israel mene arat hela lagaikha, iluk isukwama at raja a'nogo esanggo holhikhesik he, at agoromi inomen he, ninggi'nogo hilingito he, ninabire, iluk inendawimo weak agaukwasik he, mel isukwa, ”Niren ninggi'nogo hilingisugun anggegep. Nit ninamingmingengge mondok legasuageluk, it afuni Israel mene andi lani iluk yagaisogo andi nenahalok,” iluk isukwa.

KELUARAN 3:12

A'nogo yagatikhemo, at Allah nen he: ”An nen lebethabigin o. Afuni nen he, Musa Allah nen eberogoat ayonggo fikhesik lakfei wagama, iluk enegat futhobagauwageluk, haren afuni Israel mene o Mesir en woginarek wagen halok he, tom yiba nen, An foge'nabugun o,” iluk yagatikhe.

KELUARAN 3:13

A'nogo yagatikhemo, at Musa nen he: ”A'nogo egen meneat he, an afuni Israel mene inoba lambik an nen he, ninombalak ineisena Allah nen he, nayonggo fikhesik hinoba lak nobagai waga o, iluk yagaisugunem, iren he wene yi'nogo mondok eberogoat heinok wo'neogoinat anggigi: At andi enu sa, iluk heinok wo'neaga halok, an nen ninggi'nogo yagaisagain?” iluk yagatikhe.

KELUARAN 3:18

A'nogo yagaisamo, it nagainafuri nen hat hane inesanggo holugun o. Holugunmo re, hat afuni Israel mene inogogwi hinom at raja Firaun a'nogo oba lambik he, yi'nogo yaga'no: Nit afuni Ibrani mene nineisena Enupogot Allah ninelokhoma menlaga. Ma re, o leimo afuni le'ma kwe we inenggi henagan laga lagaikharesik arat kwi lagaikharek oba andoma lambik nineisena Tuhan Allah faget yi mene ti mene warogo nolesi louwogeluk haren, lani, iluk yaganisanogeluk wago o, iluk yagasi lano,” iluk yagatikhe.

KELUARAN 4:22

Andi nen he, haren at raja andi yi'nogo yaga'no: Tuhan nen he, mel ikhe: Afuni Israel mene andi An nagainafuri manggusa tago mene o.

KELUARAN 4:23

Andi nen he, an nagainafuri mene andi an fogetnabi loageluk lakfisan o, iluk yagahesuageluk igi meneat he, haren, I o. Lani, iluk ikhi lagen lek. Andi nen yogondak an nen hat hagainafuri manggusa mene nek mondogat inoasigin o, iluk ikhe yaga'no,” iluk yagatikhe.

KELUARAN 7:4

A'nogo hilingiti logogin andi nen, An nen afuni Mesir mene wene mondok enggin mene inoba fuluk weagerinabimbigen, hobuk Nagainafuri Israel mene andi inebe mondogat o Mesir en herakfisaluk woginarek wulibigin o.

KELUARAN 8:1

At Tuhan nen he, Musa mel yagatikhe: ”Hat hebe at raja Firaun oba lambik he, Allah nen he, mel yagahete iluk yaga'no: An nagainafuri nen an fogetnabi loageluk he, lakfisano o.

KELUARAN 8:20

Hobuk Tuhan nen he, Musa mel yagatikhe: ”Hat hebe hobit huberat siakhogo re, at raja Firaun ebe i Nil ima pi wagunem elokhoma lambik hemberek ambi asimbik he, an nane igi mene yi yaga'no o: An nagainafuri nen An foge'nabi loageluk lakfisano o.

KELUARAN 9:1

A'nogo hilinglagaikhemo, hobuk At Tuhan nen he, Musa mel yagatikhe: ”Hebe at raja Firaun oba lambik he, afuni Ibrani mene inesena Tuhan nen he, mel ikhe ino: An nagainafuri nen An foge'nabi loageluk herakfisano o.

KELUARAN 9:13

A'nogo hilinglagaikhemo, hobuk Tuhan nen he, Musa mel yagatikhe: ”Hat hebe hobit huberat siakhogo re, raja Firaun a'nogoba lambik he, nit afuni Ibrani mene Tuhan Allah nen he, mel ikhe ino: An nagainafuri nen An foge'nabi loagen he, lakfisan o.

YESAYA 45:13

An nendawimo anggigirek mene higithogo hilingitik, katokhogo hilingitarek mene nek omameratik, uageluk he, An nen Kores mimingiti. An nen ebekwe at lagain kwe mondogat higirabesigin. Aren onggo heligi'legat, nen inenggi a'makwe wogisagarek mene heligi'legat, An nawi kota Yerusalem andi nekhengge wusimbik, An nagainafuri hele warogo werek oba andoma nen lologo wulakfisa wesigin,” iluk Tuhan Omame Mondok Hokho mene a'nogo ane arat ikhe.

YEREMIA 50:33

Tuhan Omame Mondok Hokho mene a'nogo nen ikhi logolik, ”Ap Yehuda mene inom Israel mene inom he sebelisogoin mene werek. It hele warogo fisa lagaukwa mene nen he ning-nanghogo kagalinarek logolik lologo wulaginabi wesure mondogat inabit.