KELUARAN 7:12 - Allah Wene Fano Wene Hupla Inane

¹² Ariginhi logolik, iren he, inarige tomuk kweangma hukhasukwa, hukhugunem he, kisu hilinglagaikheat. Meneat he, a'nogo hilinglagunem at Harun arige tomuk a'nogo nen it inarige tomuk andi haumhogo nasikhe.

KELUARAN 7:12 ပူးပေါင်းရင်းမြစ်များ

KELUARAN 7:11

A'nogo hilinglagaikhe andi nen, at raja a'nogo nen agoromi yi wene ti wene inelu mene inom, wesagun elalin hilingitu inelu mene inom, wolisasikhemo wagaukwasik he, wene it inawesa meneba, andi higithogoat hilingitukwa.

KELUARAN 7:13

A'nogo hilinglagaikhe meneat he, At Tuhan nen he: ”Hit a'nogo hilingisugun meneat he, at raja endawinggen mondok haro asimbik, hit hinane esanggo holhi'lek herakfisikhi logogin o,” iluk yagaisasikhe higithogoat hilinglagaikhe andi.

KELUARAN 9:11

It afuni Mesir mene inebe mondogat inoba pot hokhorogo agaikhe andi hak, it ap wesainap elalin hilingiti lagaukwa mene omanogo ogo re, pot inoba mondok hokhorogoat inagap selek ekhe welagaikhe lek andi nen at Musa elokhoma ninggi'nogo menlasu heat hilinglagaikhe.

2 TIMOTIUS 3:9

It Yanes inom, Yambres inom, weak hilingitukwama, it ekhe nen, ”Inendawinggen lek,” iluk enegat futfesukwa hak, it andi a'nogoat inendawinggen lek hilingiri'lagwi iluk, afuni mondogaren inobabut enegat palumo re, it inane andi ebe asigin lego.

1 YOHANES 4:4

Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.